المساعد الشخصي الرقمي

مشاهدة النسخة كاملة : مكتبة مهـند الغنائية متجدد


الوان
16-04-2011, 08:25 AM
السيوف ألحاظك تشهرا
للفؤاد المن بدرى انهرا
اخفى ريدتك مرة و اجهرا
نار غرامك ربك يقهرا

يا بدور القلعة و جوهرا
صيدة غيرك مين الجسرا
تستلم افكارنا و تأثرا
حال محاسنك مين الفسرا
يالثريا الفوق اهل الثرى

يا بدور القلعة و جوهرا

الصدير اعطافك فترا
النهيد باع فينا و اشترى
الشعر اقدامك سترا
رقيصيبو قلوبنا البعترا

يا بدور القلعة و جوهرا
عالى صدرك لى خصرك برى
فيه جوز رمان جلى البرا
الخطيبة و ردفك منبرا

يا بدور القلعة و جوهرا
جلسة يا ابو الحاج اتذكرا
و رنة الصفارة اتفكرا
وهبة بى مزيقتو اتحكرا
كم طرب افكارنا و اسكرا

يا بدور القلعة و جوهرا
العيون النوركن بجهرا
غير جمالكن مين السهرا

يا بدور القلعة و جوهرا

تغنى بها الرائع مبارك حسن بركات واجادها وتنغنى بها المخضرم الموسيقار محمد الامين واضاف اليها موسيقى جميله ادخلتها فعلاً الى الاغنيه الحديثه فالاستاذ محمد الامين اكثر من يطرب ليالى الخرطوم الان

الوان
16-04-2011, 08:31 AM
قصة أغنية بدور القلعة
وهي كُتبت في حي القلعة بامدمان .. وهذه مناسبتها كما نقلت عن الراوي

حى القلعه الشهير فى ام درمان
وتغزل فيه ..الام درمانيون ..زمنا طويلا ..اغنيات ما
زالت باقيه ..يترنم بها جيل اليوم ..مثلما تغنوا
لحى الاسبتاليه والمسالمه والمورده وابوروف وبيت المال
تخليدا لسكان هذه الاحياء ..البشوشين الطيبين ..ايضا
تغنوا لبدور القلعه وجوهره

العيون النوركن بجهره
يا بدور القلعه وجوهره

وهى من كلمات والحان الشاعر صالح عبد السيد ..ابوصلاح
كتبها فى حى القلعه الذى يقع وسط ام درمان
القديمه ..ست الاسم ..التى يحدها من الشمال فريق
ودنوباوى ..وتحديدا مسجد الشيخ قريب الـلـه ..الطيار
وغربا حى الركابيه وجنوبا حى السيد المكى ..وشرقا
وددرو ..ومنها يقودك الطريق اذا رغبت الى سوق الشجره
ثم ابوروف حيث المعديه والمشرع ..وعبور النيل الى
شمبات فى ايام الجمع والزيارات الاسريه والترفيهيه
والشاعر ابو صلاح كتب اغنيه بدور القلعه فى احدى
المناسبات بهذا الحى العريق ..حيث ان حفلات الزواج
فى تلك الايام ..كانت الفتيات فيها يجلسن على
السباته ..البساط ..وليس على الكراسى على ايامنا هذه
..فى اتجاه معاكس للفنان والضيوف
وكان فنان الحفل فى تلك الليله هو فنان الحقيبه
المعروف والمشهور كرومه ..وكان الشاعر ابوصلاح من
بين حضور الحفل ..وكان كداب الشعراء فى مثل تلك
المناسبه ..ان يقف منزويا فى ركن قصى حتى تتاح له
فرصة مراقبة الحفل ومشاهدة الحسان وحتى يتمكن من
وصف ما يشاهده ويعكس ذلك عبر قصيده تكتب فى اجمل
حسان الحفل

وبينما الفنان كرومه يقدم فاصله الغنائى
فى الحفل قال العريس لاحدى الحسناوات ان
الشاعر ابو صلاح موجود فى الحفل ..ولربما
كانت محظوظه فيكتب قصيده يصف فيها جمالها
..اشار لها العريس فى اتجاه الشاعر ابوصلاح
ويبدو ان الحسناء لم يعجبها ..حال ..شاعرنا
ابو صلاح اى الشكل العام للشاعر ابو صلاح
..قصيده على عكس ايامنا هذه حيث صارت رغبات
الحسان اليوم ما تعبر عنه اغنية البنات التى
تقول ..بالضراء يا ابوشرى ..بالضراء ان شاء الله
راجل مرا
علم الشاعر ابو صلاح من العريس ان الحسناء لم
يعجبها ..شكله ..وعلى وجه الخصوص شكل عينيه
وكان الشاعر ابو صلاح لها بالمرصاد ..فاخذ
يخاطبها فى صمت ..وشرع على الفور فى كتابة قصيدته
:الشهيرة
العيون النوركن بجهره
غير جمالكن مين السهره
يا بدور القلعه وجوهره
السيوف الحاظك تشهره

حى القلعه مثله مثل باقى احياء ام درمان ..يمتاز
بالصفاء والعلاقات الاسريه المتميزه ..وهو مثل
حى العرب ..تقوم فى داخله احياء صغيره مثل
فريق الشفايعه ..وفريق الشيخ الجعلى ..وفريق
المقابيل والفتحاب ..ولهذا الحى ايضا نكهه مميزه
..فهو قد ضم الفنان المشهور الحاج محمد احمد
سرور

الوان
16-04-2011, 08:35 AM
سلاااااااااام على ام درمان اجمل مدينه فى السودان وسلام عليكم يا ناس ابروف

الوان
17-04-2011, 06:16 AM
الأغنية : قائد الإسطول ..
إسم الشاعر/سيد عبد العزيز ..


مناسبة الأغنية :



أعجب سيد عبد العزيز بإحدى بنات المهدي في حي الأمراء وتقدم لي خطبتها ولكن طلبه رُفض وكان سبب الرفض انه مغنى وشاعر..
وكانت البنت طالبه في كلية المعلمات في أمدرمان وكان يذهب الى هناك كل يوم ينتظرها ليراها وهى خارجه من الكلية ثم يعود. وكعادت الطلاب يخرجون من المدارس فى شكل مجموعات كل مجموعة تذهب من ناحية. وفى يوم من الايام خرجت هى بمفردها من غير المجموعة التى تعود ان يراها معهم ، ولكن بعد لحظات خرج خلفها البقية ، واصبحت هى فى المقدمة والجميع من خلفها .. وشاعرنا سيد عبد العزيز لاحظ المشهد وشبه البنت المعجب بها بقائد الاسطول لانها كانت تسير فى مقدمة البنات وباقي الطالبات من خلفها بالجنود ..وصوره في أجمل لوحة وقال :


يا قائد الأسطول تخضع لك الفرسان
ياذو الفخار والطول أرحم بنى الإنسان


واصل فى القصيدة وقال:

مين لسماك يطول ما يطولك اللمسان
معناك شرحه يطول والله يا إنسان
أصدق كفانا مطول ياذو الحسن إحسان
أنا عقلى بيك مختول والناس عقول ولسان
ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان

وتابع قائلا :

يا من تحق القول قتل النفوس حرمان
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
أصبح زهر مشتول وفاح ملا الجيران
يا علة المعلول كم أومى ليك بنان
كم من أٍسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ما ببدلهم بجنان
يا حبيبي كون ممهول وليكون ماكان ..

الى نهاية القصيدة وختمها بقوله:

الفى غد مجهول والماضى أسمه الكان
نفديك شباب وكهول ونبقى ليك أركان
فى حبك المأهول ونخدم السكان
يالفى سماك مفصول تنشاف عيان وبيان
ما عرفنا ليك وصول وما دنيت أحيان
إنت الخطاك أصول يعلم الديان
مثلت فينا فصول ما بدرسها النسيان
--------------------------------------------------------------------------------

الوان
17-04-2011, 06:18 AM
كل مره نحاول نجيب قصه عن اغنيه وساعدونا يا محمد عبد الرحمن

الوان
18-04-2011, 06:51 AM
ليالي الخير جادن — ود الرضي









ليالي الخير جادن…………….من المحبوب










نسائم الليل عادن…………….من المحبوب



شفت في الأحلام ظبى يتهادن…..برخيم نغمات خلى تنادن

عبرات الشوق بى ازدادن……تلكم أحلام ليت تمادن







شفت الحسن الحافل رافل …..في ثياب العز والعز كافل

رانع واحل تايه غافل……..لادن هادل ضامر كافل

هادئ ساكن آمن قادل ……..بهجة هيبة حاكم عادل

لافح فره وطارح سادل……ليل عسعس كاسى الهادل

بوبح جيده وأبصر واقل ……ظن مراقب صدق العاقل

قلب المخضوب فوق الفاقل……..تل اليمنى ومشى متاقل

رنا متخاوف بارق لجّ………بعضه فى بعضه ترادف لجّ

نصفو تثنى وآخر لجّ ………..لاطم أمواج من غير لج

رفع الهدب شفت محور ……….نوره تدفق صعد أتدور

فكر في شئ فضل أتصور…..بسم النوار فتح نور

فيه تأمل أيسر بند ……….لدن المثمر غصنه البندى

مايقه ترقرق شهر الهندي ……… فوح منو العرف الرّندى

وصحيت ندمان نومي انقل……..تناوم غش وقواي كل ّ

حاولت النوم لكن كلا………هيهات يعود الكان ولّى

والقصة تقول إن الشيخ محمد ود الرضي كان يحب إحدى الفتيات وكان يريد الزواج منها ولقد غاب فترة من البلد إبان عمله بخزان سنار ولكن حين عودته وجدها قد تزوجت من احد الرجال المعروفين ..وتصادف أن رأى ود الرضي في منامه انه وفي مايرى النائم أنه مرّ بأمام منزل الملهمة وكانت أبواب المنازل تصنع من المطارق وهى أعواد الأشجار ويمكن لاى شخص أن يرى ما بداخل المنزل من بينها …فشاهد ود الرضي هذه الجميلة..فماذا شاهد…

شفت الحسن الحافل رافل …..في ثياب العز والعز كافل



رانع واحل تايه غافل……..لادن هادل ضامر كافل

هادئ ساكن آمن قادل ……..بهجة هيبة حاكم عادل

لافح فره وطارح سادل……ليل عسعس كاسى الهادل

هذا هو الجمال والحسن والروعة التي شاهدها ود الرضي…ولكن هذه الجميلة شعرت هنالك من يراقبها وينظر إليها من بين الفتحات ….فماذا فعلت ؟..من عادة النساء في السودان في الأيام التي ليس فيها مناسبة أو عيد يخضبن الكف الأيسر…فلما رأت هذه الملهمة من يراقبها هزت جيدها ووضعت يدها المخضبة وهى اليد اليسرى على وسطها وتلت اليمنى ومشت على مهلها يتثنى قوامها ويتمايل بعجن يكاد أن ينقسم ..

بوبح جيده وأبصر واقل ……ظن مراقب صدق العاقل

قلب المخضوب فوق الفاقل……..تل اليمنى ومشى متاقل

وعندما وقلت بعينها مستغربة رأى ودالرضى العيون التي يشع ويتدفق النور من كل جوانبها …وترقرقت عيونها بالدموع فأصبحت جارحة كالسيوف الهندية …أما قوامها اللادن فقد أثمر وفاحت منه العطور الطيبة ..

رنا متخاوف بارق لجّ………بعضه فى بعضه ترادف لجّ

نصفو تثنى وآخر لجّ ………..لاطم أمواج من غير لج

رفع الهدب شفت محور ……….نوره تدفق صعد أتدور

فكر في شئ فضل أتصور…..بسم النوار فتح نور

فيه تأمل أيسر بند ……….لدن المثمر غصنه البندى

مايقه ترقرق شهر الهندي ……… فوح منو العرف الرّندى

العرف هي الرائحة الطيبة أما الرندى فهو من الرند وهو شجر طيب الرائحة…أما في نهاية الأغنية فيقول ودالرضى انه قد صحي من هذا النوم وحاول أن ينام مرة أخرى حتى يستمر الحلم ولكن هيهات يعود الكان ولى…

وصحيت ندمان نومي انقل……..ترخرخ جسمي وقواي كل ّ

تناوم غش لكن كلا………هيهات يعود الكان ولّى

وفى رواية أخرى …حاولت أنوم لكن كلا ….هيهات يعود الكان ولى

والعبادى جارى ود الرضي في كسرة هذه الأغنية أيضا حيث قال في أغنية بلابل الدوح …عيد لي النوم من اجل خيالك

الوان
18-04-2011, 07:01 AM
[color="darkred"][size="5"]سامى حسنك جل عن حصى واحصار......
وكل جميل لجمالك دونه والاقصار......
حسنك انت يدوم والليالى قصار.......
هو فى العصور اثار لمفاخر الامصار......
من كلمات عبيد عبد الرحمن(ياسليم الذوق)

الوان
18-04-2011, 07:24 AM
http://www.4shared.com/audio/-H33dmta/__-__.htmlقلوبنا التطير كان طايره

حسن محمد
18-04-2011, 07:42 AM
ود الحبر ماسك البوست براك (تفلق وتداوي) والجماعة ماجايبين خبر هذا التألق لك التحية في هذا المجهود الرائع (القصيدة والمناسبة) والمنافسة القوية مع اهل الفن
لك الود

الوان
18-04-2011, 07:53 AM
شكراً كلونيا بس بحاول اجمع اكبر جزأ من الاغانى ومحمد عبد الرحمن السر وياسر السر ما بقصرو وياريت تساعدنا انت كمان لانو حسب الشى العرفتو من كتاباتك حافظ كتير وما تبخل عليناود الحبر ماسك البوست براك (تفلق وتداوي) والجماعة ماجايبين خبر هذا التألق لك التحية في هذا المجهود الرائع (القصيدة والمناسبة) والمنافسة القوية مع اهل الفن
لك الود

محمد عثمان
18-04-2011, 08:11 AM
ياولدي يا ود الحبر ماتشوفلك احمد الصادق ولا شكر الله . وتخلي الحاجات المشلخة والمعتقة دي لي عمك خلينا ليكم زمنكم الما نافع ده وراجعين لي زمنا وبرضو لاحقننا ليه .
لك حبي . ســــلام .

الوان
18-04-2011, 09:00 AM
اسكر العشاق غير دان.....
كل من يتعشق شدن.....
قل منامه ليترك سدن.....
لسه ياعم ح تقرأ وتسمع هنا كتير ياولدي يا ود الحبر ماتشوفلك احمد الصادق ولا شكر الله . وتخلي الحاجات المشلخة والمعتقة دي لي عمك خلينا ليكم زمنكم الما نافع ده وراجعين لي زمنا وبرضو لاحقننا ليه .
لك حبي . ســــلام .
http://www.youtube.com/watch?feature=player_detailpage&v=i_ZpBJYKjQI والرابط ادناه هديه ليك انشا الله تعجبك

الوان
20-04-2011, 07:46 AM
:a033:[COLOR="Daالشاعر محمد ود الرضي قضى في سنار سنوات في تلك المنطقة والتي اعتبرها موحشة وقاحلة ومجدبة من الناحية العاطفية بالنسبة له وعانى فيها مر العذاب ولهيب الشوق ونـــــــــــار البعاد ....يقضى ليله في ذكر الاحبه والأهل ويتمنى زيارتهم ونذر لذلك نذرا إذا تحقق أمله وفارق هذه البلاد....و بالرغم من كثرة أمطارها شبهها بالصيف الجاف الحارق....سكب ود الرضي كل ما انتابه من مشاعر حزن واسى وألم في قصيدته الجميلة متى مزاري...والتي يتمنى فيها أن يوفى بنذره الذي قطعه إذا غادر هذه البلاد ....وكلما يتذكر وقت الزيارة تجرى دموعه غزيرة ...حتى الطيف غير راغب في زيارته ..هل هنالك في طرق الأحلام من يراقب أم أن الطيف يحاذر من أمر مخيف ...ويطلب من ملهمته أن تتعطف وتجامل وترسل طيفها عله يجد معه بعض العزاء عن نار البعد والنوى....حتى زيارة النسيم كان لها تأثير في وجدانه فكيف الحال إذا زاره الطيف؟ لكنه متمسك بالأمل والرجاء وليس له من نديم إلا سجعه وغنائه ....حتى أصدقائه الذين يزجون له النصح صار يبغضهم ...... ولايهمه إذا ازداد لهيبه اشتعالا مادام ينتعل جمر الغضى (والغضى شجرة من الأثل خشبه صلب وجمره لا ينطفئ بسهولة ) ...ويعود ود الرضي للوصف فيشبه شعر الحبيب بحظ الحسود والذي دائما ما يكون اسودا...وكيف إن عيونه تستطيع الفتك بالأسود وهو الغزال الصغير...هذا المعنى تطرق له سيد عبد العزيز في أغنية أقيس محاسنك بمن ( هيبة أسد في عيون شدن ) وكذلك محمد بشير عتيق في أغنية ناعس الأجفان

ليك نفرة الغزلان مع جبرة الفرسان في هيبة المنصور


أغنية متى مزارى قام بتشطيرها الشاعر إبراهيم العبادى الذي عمل أيضا ككاتب حسابات بخزان سنار وواجه نفس معاناة ودالرضى من غربة وبعد عن الأهل والأحباء فضاعف عدد أبياتها وسنتعرض لها مشطرة في وقت آخر لكن يمكننا أن نذكر البيت الأول بعد التشطير....


ما أقول امتى... المزار.........وأتذكر سجع... الهزار


إلا تجرى دموعي الغزار........منها اغرق وابلل عذارى


زارني ناسم شاقني المزار....هو الدعانى اخلع اذارى


لو يزورني الطيف يبقى كيف


تغنى بهذه الأغنية قبل التشطير عبدالله الماحي وسجلها على الاسطوانات ومبارك حسن بركات سجلها للإذاعة بينما تغنى بها بعد التشطير الحاج محمد احمد سرور وسجلها على الاسطوانات وبادي محمد الطيب سجلها للإذاعة كاملة غير منقوصة

الوان
20-04-2011, 07:47 AM
ما أقول امتى....... المزار........إلا تجرى دموعي..... الغزار


زارني ناسم شاقني المزار.......لو يزورني الطيف يبقى كيف


ياخصيب السوح امتى اطوفك........وأستريح الروح من قطوفك


ياحبيبى إن شاء الله أشوفك.........في نعيمك...... وظلك وريف


أشهى.... والآمال يفرحوني.......مالي إلا سجعي.......ولحونى


صرت ابغض من ينصحوني........هل تجامل وترسل لي طيف


امتداحك بقى لي قراية............لي تملى القرطاس مراية


الوحايح فصمت عراى.........ها جزا من يعشق ظريف


شعرك اسود زى حظ حسدوك......نور تضاحك بدرك فصودك


كم غضنفر.... فاتكابو سودك.......والمها تهواك .....يا خشيف


عفوك اسمح لأجلك ثناى..............لا امل من قبلك ....عناى


عندى مرك حلو يا مناى............والذي يرضيك هو اللطيف


يا ما عاشق وما هو وافى.........ويا ما شاعر يقصد عوافى


مثلهم من يعشق ..قوافي........ومثلنا من يعشق....... عفيف


يامحجب صاين... جمالك...........يا مهفهف بعضك امالك


دام زهاك ..ودايم... كمالك.........يا وحيد القدر.... المنيف


يا رشيقا حسنك..... نمالك.......قل لطيفك هاجرنى... مالك


دمعي كف وكفى انهمالك...........إن بعد الصيف الخريف


يا لهيبي.... الزاد اشتعالا............لي جمر الغضى انتعالا


يا نسيم المحبوب تعالا............من لريحك ارحم ..بهيف


يا امانى .....من كلواقب........ماله طيفك لي ما هو راغب


هل في طرق الأحلام مراقب......أم يحاذر امرا...... مخيف


إن أقول الثنا ياجحاجح..........فهو منه واليه ........راجح


إن تزنبو ترى وزنهراجح........خلى معنى و الروح خفيف


السلام ما ابتسمت زهورك........ما تلألأ رف نور نهورك


ما جلت بسماتك ...شهورك...........يبقى لي متكأك.....قطيف

احمد الحبر
20-04-2011, 09:49 AM
http://www.4shared.com/audio/-H33dmta/__-__.htmlقلوبنا التطير كان طايره

http://www.youtube.com/watch?v=jFNOjdM69cM

احمد الحبر
20-04-2011, 09:52 AM
ما أقول امتى....... المزار........إلا تجرى دموعي..... الغزار
زارني ناسم شاقني المزار.......لو يزورني الطيف يبقى كيف
ياخصيب السوح امتى اطوفك........وأستريح الروح من قطوفك
ياحبيبى إن شاء الله أشوفك.........في نعيمك...... وظلك وريف
أشهى.... والآمال يفرحوني.......مالي إلا سجعي.......ولحونى
صرت ابغض من ينصحوني........هل تجامل وترسل لي طيف
امتداحك بقى لي قراية............لي تملى القرطاس مراية
الوحايح فصمت عراى.........ها جزا من يعشق ظريف
شعرك اسود زى حظ حسدوك......نور تضاحك بدرك فصودك
كم غضنفر.... فاتكابو سودك.......والمها تهواك .....يا خشيف
عفوك اسمح لأجلك ثناى..............لا امل من قبلك ....عناى
عندى مرك حلو يا مناى............والذي يرضيك هو اللطيف
يا ما عاشق وما هو وافى.........ويا ما شاعر يقصد عوافى
مثلهم من يعشق ..قوافي........ومثلنا من يعشق....... عفيف
يامحجب صاين... جمالك...........يا مهفهف بعضك امالك
دام زهاك ..ودايم... كمالك.........يا وحيد القدر.... المنيف
يا رشيقا حسنك..... نمالك.......قل لطيفك هاجرنى... مالك
دمعي كف وكفى انهمالك...........إن بعد الصيف الخريف
يا لهيبي.... الزاد اشتعالا............لي جمر الغضى انتعالا
يا نسيم المحبوب تعالا............من لريحك ارحم ..بهيف
يا امانى .....من كلواقب........ماله طيفك لي ما هو راغب
هل في طرق الأحلام مراقب......أم يحاذر امرا...... مخيف
إن أقول الثنا ياجحاجح..........فهو منه واليه ........راجح
إن تزنبو ترى وزنهراجح........خلى معنى و الروح خفيف
السلام ما ابتسمت زهورك........ما تلألأ رف نور نهورك
ما جلت بسماتك ...شهورك...........يبقى لي متكأك.....قطيف

http://www.youtube.com/watch?v=W7HJmtrFkus&playnext=1&list=PLF4AEBB2759516FAF

الوان
20-04-2011, 10:07 AM
الله الله عليك ياود الحبر
لكن لاحظ للمسافه بين سيد خليفه والمكرفون فى معظم الاحيان تقارب نصف متر او ذياده هذا يدل على قوة الصوط وقل مانجد هذا فى جيل اليوم من الفنانين اوجيلنا و بالاصح معدوم

http://www.youtube.com/watch?v=w7hjmtrfkus&playnext=1&list=plf4aebb2759516faf

محمد عبد الرحمن السر
20-04-2011, 01:09 PM
قصة اغنية الحقيبة الرائعة متي مزاري


الشاعر محمد ود الرضي قضى في سنار سنوات في تلك المنطقة والتي اعتبرها موحشة وقاحلة ومجدبة من الناحية العاطفية بالنسبة له وعانى فيها مر العذاب ولهيب الشوق ونـــــــــــار البعاد ....يقضى ليله في ذكر الاحبه والأهل ويتمنى زيارتهم ونذر لذلك نذرا إذا تحقق أمله وفارق هذه البلاد....و بالرغم من كثرة أمطارها شبهها بالصيف الجاف الحارق....سكب ود الرضي كل ما انتابه من مشاعر حزن واسى وألم في قصيدته الجميلة متى مزاري...والتي يتمنى فيها أن يوفى بنذره الذي قطعه إذا غادر هذه البلاد ....وكلما يتذكر وقت الزيارة تجرى دموعه غزيرة ...حتى الطيف غير راغب في زيارته ..هل هنالك في طرق الأحلام من يراقب أم أن الطيف يحاذر من أمر مخيف ...ويطلب من ملهمته أن تتعطف وتجامل وترسل طيفها عله يجد معه بعض العزاء عن نار البعد والنوى....حتى زيارة النسيم كان لها تأثير في وجدانه فكيف الحال إذا زاره الطيف؟ لكنه متمسك بالأمل والرجاء وليس له من نديم إلا سجعه وغنائه ....حتى أصدقائه الذين يزجون له النصح صار يبغضهم ...... ولايهمه إذا ازداد لهيبه اشتعالا مادام ينتعل جمر الغضى (والغضى شجرة من الأثل خشبه صلب وجمره لا ينطفئ بسهولة ) ...ويعود ود الرضي للوصف فيشبه شعر الحبيب بحظ الحسود والذي دائما ما يكون اسودا...وكيف إن عيونه تستطيع الفتك بالأسود وهو الغزال الصغير...هذا المعنى تطرق له سيد عبد العزيز في أغنية أقيس محاسنك بمن ( هيبة أسد في عيون شدن ) وكذلك محمد بشير عتيق في أغنية ناعس الأجفان


ليك نفرة الغزلان مع جبرة الفرسان في هيبة المنصور


أغنية متى مزارى قام بتشطيرها الشاعر إبراهيم العبادى الذي عمل أيضا ككاتب حسابات بخزان سنار وواجه نفس معاناة ودالرضى من غربة وبعد عن الأهل والأحباء فضاعف عدد أبياتها وسنتعرض لها مشطرة في وقت آخر لكن يمكننا أن نذكر البيت الأول بعد التشطير....


تغنى بهذه الأغنية قبل التشطير عبدالله الماحي وسجلها على الاسطوانات ومبارك حسن بركات سجلها للإذاعة بينما تغنى بها بعد التشطير الحاج محمد احمد سرور وسجلها على الاسطوانات وبادي محمد الطيب سجلها للإذاعة كاملة غير منقوصة

الوان
21-04-2011, 11:12 AM
هاهي الدموع تبلل ثياب ود الرضي بعد رحيل مليم إلى جنوب السودان وهى فاتنة شعراء الحقيبة في ذلك الوقت في أغنية من الاسكلا وحلا.... وقصة الأغنية أن سرور رأى مليم وهى تتجه مع أسرتها على الباخرة المتجهة إلى جنوب السودان من الاسكلا التي هي مرسى السفن الذي كان يقع جنوب منطقة فندق الهيلتون الحالي .....فتألم سرور كثيرا لفراق مليم فطلب من قبطان السفينة أسماء المدن التي تمر بها الباخرة ثم أخذها مسرعا إلى ود الرضي الذي كان يجلس مع الشاعر احمد حسين العمرابى في دكانه بالخرطوم وكان سرور حزينا وحكي لهم خبر سفر مليم وطلب من ودالرضى تأليف أغنية بهذه المناسبة بعد أن أعطاه أسماء المدن ....وعلى الفور جادت قريحة ود الرضي الشعرية بأغنية من الاسكلا وحلا وكان الوقت منتصف النهار فحفظها سرور وتغنى بها في المساء....بعض الرواة قال إن البيت الأول من الأغنية من تأليف سرور لكن حسب رأى الشخصي إن سرور لم يعرف عنه قول الشعر الغنائي لذلك استبعد هذا الرأي ...والبعض يقول إن العمرابى شارك في تأليف الأغنية ...ولكن مفردات الأغنية تنفى هذا الرأي.
الاستاذ مبارك المغربى سمى هذه القصيدة بالقصيدة الجغرافيا لذكرها حوالى العشرين مدينة سودانية من الشمال إلى الجنوب عكس مجرى النيل....لكن مبارك المغربى في كتابه رواد شعراء الأغنية السودانية عاب على القصيدة ارتجالها وقال إنها مصنوعة ولا تمثل الصدق الشعوري عند الشاعر فجاءت بسيطة الكلمات قريبة المأخذ لاترى فيها روح التجديد والتطوير ..انتهى كلام الأستاذ الكبير مبارك المغربي ....ولكنني اختلف مع أستاذنا الكبير عليه الرحمة وأقول إن هنالك صدق شعوري عند الشاعر لأنه يعرف مليم جيدا وقال فيها أكثر من قصيدة مثل تلفان من الأجفان ومية وثمانية وستة وستة حبيبي حليلو القام يوم ستة.... فمليم ملهمته وتألم لرحيلها وفراقها لذلك انشد من الاسكلا وحلا وسكب فيها الدموع التى سالت حتى بللت ثيابه في مطلع القصيرة وفى ختامها حيث يدعو دموعه للانهمار والتدفق..
من الطرائف المرتبطة بالقصيدة إن سكان أم جر عاتبوا الشيخ ود الرضي لعدم ذكره اسم قريتهم فقال لهم ( عاد لا حوله لا قوة دى من منو ...ما منكم انتو)..والى القصيدة...

من الاسكلا وحلّ......قام من البلد ولّى
دمعي للثياب بلّ
********
بى داهى العذاب حلّ....وبى تذكاره بتسلى
قلبي الذاب واختلّ.....وين بدر التمام هلّ
*******
صفر ودع الوابور......حاجزين قمره أتنين دور
الوابور مرّ بالمجرور....شال ظبيا سكونو خدور
*********
جبل أوليا حبيبي غشا.....وحصل في القطينة عشا
يا قلبي الطفش وفشا.......الما آليته......... ينكفشا
********
حل زى الصقر خوى......بالبدر الدويم ضوّى
عاد لا حوله لا قوّه......حبيبي الليله في الكوه
*******
صباح الخير على ام نفلين.......أهني البيها محتفلين
سيد الحسن رب اللين.......شرف كوستى والجبلين
********
هنيئا حان وقت زهاك.........الرنك احتفل ببهاك
وين الليله يا النشهاك......يا ليت كنت في جلهاك
********
يا كاكا الحبيب طلاك......بعده الزاد نفوسنا هلاك
يا ملوط حليل نزلاك........يازمن الفراق نسلاك
*********
بقدومك كدوك أصبح.......سوقو من الكساد ارباح
انا من نياحى صرت ابح........كأنى فى مبرك المذباح
**********
زاد من بعدك الانكال......قلبى البالهموم..... انكال
شاطري العاصمه يا ملكال.....توفيقيه صبرى انا كال
*********
شامبى أضحى بيك مسرور.....بعد المنقلا يا سرور
يا جوبا حي أنا المضرور....بعده النوم بقى لي ضرور
************
من دا الهم ما بنجى.........حبيبي الليله في تونجا
يا خالق الخلق تنجا.......تركاكا..... حلت العنجا
********
سلام متنامى ما غبّ.....ما مرّ النسيم صبّ
يرضى ال للعفاف ربى....ويخدم كامل الرتبا
*********
صب يا دمعي لا تكون جاف......وياقلبى البقيت رجاف
البدر الخفا....... الانجاف.....اليوم شرف...... الرجاف
********
الأغنية كما ذكرنا لحن وغناء سرور لكن سجلها للإذاعة أولاد شمبات وأولاد المأمون ومبارك حسن بركات

منقوله من منتدى ابنأ السقاى

الوان
24-04-2011, 07:34 AM
حسنك أمر
احمل صبابات الهوى
حسنك أمر
وأحضن براي نار الجوى
لا كلّ قلبي ولا فتر

حسنك أمر
وآ لهفة القلب الحنين
وآ لوعتو
شايل عذاب الغربة يحلم منتظر يوم
رجعتو
أبكاه في درب السفر لكنو حابس
دمعتو
وآ ضيعتو لو ما رجع من غربتو
وآ ضيعتو
لو ما هجد بعد السهر وإرتاح على
خصل الشعر


حسنك أمر
و الشوق بحور ماليها حد
ماليها قيف
حسنك امر
أعبر بحر يمتد تاني بحر جديد
وإحتار وأقيف
حسنك امر
قول لي كيف اقدر اصل إحترت قول
بالله كيف
حسنك أمر
وآ لهفتي وآ لهفة القلب الرهيف
حسنك أمر
زي قارب الليل أغرقوا ما إتوسد
آفاقو القمر

حسنك أمر
مهما صعب درب الوصول لازم
اصل
ما بتشكي في دربك قلوب مابتزرف الدمعات
مقل
نتحدى دربك لو يطول
ومين غيرنا نحنا بيحتمل
وأيه يعنى فى دربك هجير للكل نيران
تشتعل
وأيه يعنى لحظات انتظار للعمرو ضاع من غير
عمر

الوان
24-04-2011, 07:35 AM
كلمات : حسنك امر - محمد يوسف موسى

الوان
26-04-2011, 08:15 AM
ففي حقبة ما قبل الاستقلال وبعده أصبحت ام درمان وطنا للمطربين والشعراء والمنشدين فانتشرت أغنية الحقيبة والأغنية الحديثة وتباري الشعراء بالقصائد والكلمات فأثروا الساحة الفنية والثقافية وبرز شعراء شعبيون شكلت كلماتهم وابداعاتهم وجدان قطاع كبير من أهل السودان
وكان لشعراء الحقيبة القدح المعلي فأصبحت ام درمان بؤرة للنشاط الفني وتقاطر مبدعو الحقيبة من كل أنحاء السودان إلي المدينة التي شكلت أحيائها مسرح الهام ومكمن عشق لكثير من الشعراء والمطربين فسطع نجم كوكبة منهم ، على رأسهم شيخ شعراء الحقيبة محمد ود الرضي ابن العيلفون الذي وظف ترحاله بين اقاليم السودان في أعماله الشعرية ومن ثم تراه قادرا على تسمية الأماكن وود الرضي كان من اوائل الشعراء الذي كتبوا مايسمي ( بالرميات ) في الغناء والرمية هي مقدمة الأغنية الشعرية من هذه الرميات : الجرحو نوسر بي غوّر في الضمير
في قلبي طبق الكي
ياناس الله لي
وملوك أمدر ( ام درمان)
والتي مطلعها : الليلة كيف أمسيتو
ياملوك امدر يبقي لينا نسيتو
جلسن شوف ياحلاتن
فزر في ناصلاتن
الناعسات كاحلاتن
وسطع نجم الشاعر ابراهيم العبادي وهوالمع شعراء فن الدوبيت في السودان ولقب بأمير شعراء الشعر الغنائي وكان العبادي أحد الشعراء الذين قام على أكتافهم مسرح الشعر القومي السوداني وقد كتب مسرحية المك نمر التي قدمها المسرح القومي في أول مواسمه الثقافية بعد افتتاحه وهو من مواليد عصر المهدية شارك مع صديقه الفنان محمد احمد سرور في تأسيس حقيبة الفن من أشهر أغنياته
جدي العزاز الجيدو قزاز
ياعزاز أنا نومي خزاز
ومن أغنياته أيضا ( برضي ليك المولي الموالي ) (ومتي مزاري ) وهي من الأغنيات التي قام بتلحينها وأدائها المطرب محمد احمد سرور وكتب العبادي أكثر الأغنيات صيتا حتي يومنا هذا ( عازة الفراق بي طال وسال سيل الدمع هطال)
وغني له سرور أيضا (ياسائق الفيات قوم بينا خد سندة بالدرب التحت قصاد ربوع هندّ )
من هذه الكوكبة أيضا محمد احمد سرور الذي كان من عمالقة الطرب في عصره صدح بصوته العذب في أحياء امدرمان وكان له طقوس في الغناء وله معجبات وحبيبات لايكتمل رونق الحفل إلا بحضورهن طاف محمد احمد سرور البلدان العربية وسجل بعض أسطواناته واصبح علما في المجتمع زار اليونان وغني للجنود السودانيين في الميدان وتعقبهم حتي أسمرا وهناك كانت خاتمة مطافه حيث توفي هناك .
كان من اجمل اغنياته (يا أنة المجروح) وهي الأغنية التي نالت استحسان الوفد الزراعي المصري في حفل اقيم بالفندق الكبير للبعثة التجارية الاقتصادية المصرية عام 1935 والتي من أبياتها (مصرية في السودان بحبي ليك أبوح ) غني سرور لمعظم شعراء الحقيبة أبو صلاح – ومصطفي بطران – وود الرضي .اتصل بخليل فرح ومحمد على فرح وحسب الله سلطان العاشقين .
ويأتي صالح عبد السيد أبو صلاح كواحد من أبناء أم درمان وكنتاج مميز لديناميكية الإبداع الإنساني حين يزدهر في ظل التسامح وكرائد من ألمع شعرائها ولد بحي المسالمة واعتصم بالإسلام ونبغ في الشعر والفن والإبداع قربه إليه الشيخ الطيب السراج ورعاه تحت جناحه الإمام عبد الرحمن المهدي حفظ الكثير من شعر العرب وتباري مع الشعراء الأقدمين في أوزانه وأبحره قال عنه الشيخ عبد الله محمد عمر البنا لو نظم الشعر بالفصحي لفاقنا جميعا .
انشد في في افتتاح مسجد الهجرة بودنوباوي قصيدته التي مدح فيها الإمام عبد الرحمن المهدي :
بيك يا نور الهدي المهدي * نتنور والقلوب تنسر
وبنجلك عبد الرحمن * اللينا بي فضله الإله يسر
عجبا بالماء يتوضأ هو من ماء معين أطهر
عجبا تظلو غرف هو من شمس الضحى أظهر
ويمضي فيقول
تكاد ليه الجبال تسعي * لولا بالقدرة تتصبر
وتتطلع ليه الثريا تكاد * تتدلي و تنتصب منبر
وأبو صلاح ابن حي المسالمة كان له مع كل قصيدة قصة ومناسبة ومنها أغنية (بدور القلعة )
والقلعة أحد أحياء مدينة أم درمان العريقة الذي يزدان بحسانه في مناسبات الأفراح حيث كانت حفلات التي يحييها المطربون كالحاج محمد سرور وكرومة ويرافقهم فيها الشعراء كثيرا ما تتحول إلي مناطق إلهام للشعراء حيث يحرك جمال الفتيات في الشعراء زخات الإلهام وعجلة الإبداع . وتقول قصة الأغنية ( بدور القلعة)
أن إحدى الحسناوات علقت على شكل الشاعر أبو صلاح وشكل عينيه بطريقة أظهرت أنها لم يعجبها شكله وكان شاعرنا منتبها للفتاة وتعليقاتها فسرح بخياله يستجمع كلماته ويستدعي ابداعاته ونظم قصيدته الشهيرة (بدور القلعة) نسبة لحي القلعة والتي يقول مطلعها :
العيون النوركن بجهرا
غير جمالكن مين الساهرة
يابدور القلعة وجوهرة

يقول الكاتب محجوب عمر باشري يعتبر ابوصلاح على رأس المدرسة التشكيلية في الشعر الغنائي السوداني فتجريده للأشياء هو اضافة للحقائق وكل حسناء وصفها دلت بحسنها عن نفسها . ولايفتن ابوصلاح بتكرار الألفاظ فمعجمه واسع وكأنه ينسي اللغة فهو أقرب إلي شكسبير الذي لا يكرر ألفاظه لذا يقولون عن شكسبير أنه أشخاصا كثيرين لأنه لا يكرر رواياته ولكل رواية لغتها الخاصة وهكذا كانت أغنيات وقصائد أبو صلاح .
ويذكر أيضا أحد ملوك الطرب عبد الكريم كرومة ارتبط كثيرا بالحاج سرور فبعد أن كان ملحنا فقط شجعه سرور على الغناء وبرع كرومة في تنويع الغناء السوداني فأدخل التخت والإيقاع المرتبط برقص الفتيات في الحفلات برع كرومة في حسن الأداء حتى أن صوته قد جعل الشيخ الصوفي الجليل العارف بالله الشيخ قريب الله يهتز من النشوة وتقول القصة أن الشيخ كان على مصلاته في الثلث الأخير من الليل في مسجده بودنوباوي وكان كرومة يشدو في احدي الحفلات بأغنية:
يا ليل أبقالي شاهد على نار شوقي وجنوني
فما كان من الشيخ إلا أن صاح في نشوة الصوفي الله الله . وسأل حوارييه من هذا الذي يشدو فقيل له إنه مطرب يسمي كرومة فقال هل أخبرتموه ليقابلني ، وعندما زاره كرومة قال العارف بالله الشيخ قريب الله هلا أسمعتني ما كنت تنشده تلك الليلة فأنشده كرومة
ياليل ابقالي شاهد على نار شوقي وجنوني
ياليل صار ليك معاهد طرفي اللي منامي زاهد
دنالي سهرك واشاهد فوق لي نجمك ظنوني

فتأوه الشيخ من فرط وجده رحم الله الشيخ الجليل قريب الله من عاش ألقه الصوفي في ألحان كرومة دون مذمة للإبداع والطرب ورحم الله كرومة الذي جسّر صوته العذب المسافة بين المادة والروح .


انجبت أم درمان الشاعر عمر البنا في عام 1900 وبدا كتابة الشعر منذ عام 1916 وحتي نهاية منتصف الثمانينات كان والده شاعر المهدية محمد عمر البنا الذي انشد
الموت صبر واللقاء ثبات .. والموت في شأن الإله حياة
وشقيقه الشاعر الكبير عبد الله البنا أشهر شعراء السودان وأستاذ الجيل في كل غوردون .
من اغنيات عمر البنا التي كانت تجد مجالها في جلسات الشعر والأدب التي تجمع بين فحول الشعراء ابراهيم العبادي وأبوصلاح ويوسف حسب الله سلطان العاشقين :
-أغنية زدني في هجراني وفي هواك يا جميل العذاب سراني
طرفي قصدو يراك وما قصدت تراني وما بسيب حبك حتى لو ضراني –
وغني عمر البنا كثيرا لأم درمان منها :
(إمتي أرجع لأ مدر واعودا
أشوف نعيم دنيتي وسعودا)
وأغنية (في الليل الهاجع غرد يا سا جع أذكر أحبابي وهيج أشجاني)
التي يؤديها الفنان عوض الكريم عبد الله . وغيرها من الروائع .
أما الشاعر والمطرب خليل فرح فقد كان رفيقا لسرور وكرومة وقد تأثر الخليل بالحركة السياسية والاجتماعية وأحدث في الأغنية تغييرا واضحا بإدخال آلة العود وعرف الغناء على عهده ما يعرف بغناء الصالونات للنخبة فكانت قضايا أغنياته وطنية واجتماعية فغنى من الأغنيات الخالدة :
- (عازه في هواك)
-( وفي الضواحي وطرف المدائن يا لا ننظر شفق الصباح ).
ويذكر أن أغنية
(بين جنائن الشاطئ وبين قصور الروم
حيى زهرة روما وأبكي يا مغروم ) نظمها وأداها في ابنة جوهري أرمني في منشية البكري عندما كان يقيم مع خاله هناك وقد شاءت الأقدار ان يقابل الفتاة مرة أخرى وعندما ذاعت القصيدة وترجمت للانجليزية اطلع عليها الخواجة ارمان والد ماري صاحبة القصيدة وأصر على تقديم هدية مالية قدرها خمسون جنيها من الذهب للخليل الذي رفض تلك الهبة .
ويتصل العقد ببزوغ نجم آخر من نجوم البقعة وهو الشاعر عبيد عبد الرحمن نشأ في حي العرب بهذه المدينة العامرة كان من الشعراء الذين تعمر بهم مجالس الإمام عبد الرحمن الذي كان يرعي اهل الشعر والفن والأدب والرياضة نشأ في فترة ازدهر فيها شعر ود الرضي ، وابراهيم العبادي، وحدباي ، وسيد عبد العزيز ومحمد بشير عتيق ،والمساح ، وأبو صلاح وقد تأثر هؤلاء الشعراء ببعضهم البعض رغم تفرد أساليبهم . من أغنيات عبيد عبد الرحمن :
(أفكر فيه وأتأمل .. أراه تجلى واتجمل .. هلالي الهلّ واتكمل )
ويأتي في سلسلة العقد الفريد الشاعر سيد عبد العزيز الذي كان رفيقا لعبيد عبد الرحمن وصديق له يقول عنه محجوب باشري إن سيد عبد العزيز أم درماني نشأ في اسرة من أصول مصرية كان والده أحد شيوخ الطريقة القادرية وقد نشأت والدته في بيت عز وجاه في كنف الخليفة عبد الله التعايشي باني ام درمان ومؤسس بواكير نهضتها . ويعتبر سيد عبد العزيز من الجيل الثاني لشعراء الغناء الشعبي حيث كان الجيل الأول يتكون من أبراهيم العبادي ويوسف حسب الله سلطان العاشقين ومحمد ود الرضي وعمر البنا وابوعثمان جقود ، ومصطفي بطران وخليل فرح ومحمد عبد الرحيم العمري ولحق بهم سيد عبد العزيز ومحمد على عبد الله وعلى المساح .
من أغنياته الخالدة :
(يا قائد الأسطول تخضع لك الفرسان .. ياذو الفخار والطول
أرحم بني الإنسان)
وأغنية (الغصن الرطيب) وهو يصور حسناء تداعب بيدها غصن ورد يقول مطلعها
يا مداعب الغصن الرطيب
ببنانك ازدهت الزهور زادت جمال ونضار وطيب
يا ألمنظرك للعين يطيب
تبدل الظلمات بنور وتبدل الأحزان سرور
لو شا فك المرضان يطيب.
أما الشاعر عبد الرحمن الريح فقد نزع شعره إلي الرومانسية التي تنكر الواقع عزف على وتر الجمال في غمرة النضال الوطني والسياسي ضد الاستعمار وقد مثلت أغنيات عبد الرحمن الريح لحمة وسدي أغنيات المطرب إبراهيم عوض وقد جمعهما حي واحد هو حي العرب في أم درمان . من أغنياته :
(جاني طيفه طائف لحاظه كالقذائف وأنا من عيونه خائف )
وشعراء مبدعون جمعتهم مدينة أم درمان رغم ارتباطهم بالمدن الأخرى
في مقدمتهم الشاعر محمد بشير عتيق الذي من أروع أغنياته
( جسمي المنحول براه جفاك يا مليح الزى ) وأغنية (هل تدري يا نعسان أنا طرفي ساهر ) وأغنية
(صباح النور عليك يا زهور صباحك يوم يقاس بدهور ) والتي يبدع عندما يقول في ختامها
ياصاحب الطرف المكسور .. كسرت قلب شجاع وجسور
تتجاهلني وأنا بيك مأسور .. حسابي معاك بقي كلو كسور

ويتصل العقد بجيل جديد ومجدد محمود فلاح - ومحمد على أبوقطاطي - والسر دوليب – وسيف الدين الدسوقي – وصلاح احمد ابراهيم ممن ولدوا ونشئوا في امدرمان وممن استوطن فيها .
ومن السابقين في مجال التطريب والأغنية الشعبية والذين أعطوا أغنية الحقيبة نكهة خاصة بألحانهم وأصواتهم وأدائهم المميز– زنقار - وأولاد الموردة عطا كوكو ومحمود عبد الكريم – وميرغني المامون وأحمد حسن جمعة – وأولاد شمبات - وعوض الجاك – والأمين برهان _ وخلف الله حمد – واحمد عمر الرباطابي – وبابكر ود السافل – ومحمود فلاح - ورفد مسيرتهم جيل جديد من مطربي فن الغناء الشعبي محمد احمد عوض وأولاد البنا وطائفة اخرى ضمتهم دار فن الغناء الشعبي ودار فرقة فلاح في امدرمان ولعل وجود مثل هذه الدور بالإضافة لمقر الإذاعة قبل إنشاء التليفزيون قد شكل عنصر جذب للعديد من الشعراء والمطربين للإقامة في امدرمان وإثراء أنشطتها . ومع انتشار الإرسال الإذاعي وإنشاء التيلفزيون والمسرح وظهور ملوك الفن الحديث محمد وردي وابراهيم عوض وابن البادية والكابلي وسيد خليفة وعثمان حسين واساتذة المدرسة الغنائية الحديثة
ابراهيم الكاشف وعثمان الشفيع وحسن عطية وعبيد الطيب ابن الفتيحاب – والتاج مصطفي – وعبد الدافع عثمان –– وصلاح محمد عيسي – وصلاح مصطفي – ثم احمد الجابري وزيدان ابراهيم والعشرات من المبدعين في مجال الموسيقي والغناء أضافوا نكهة خاصة للأحياء التي يقطنوها ويتساوي في ذلك العطاء جميع أبناء أمدرمان ممن ولدوا في أحيائها العتيقة أو من وفدوا إليها وأقاموا فيها .
ومع الإسهام المتميز الذي أسهم فيه حي العرب بما قدمه من شعراء ومطربين برز في مجال الفن الحديث الفنان ابراهيم عوض الذي وآفته المنية في مايو 2006 والذي غني لعبد الرحمن الريح أجمل أغنياته " .
ورد في كتاب الدكتور عبد اللطيف البوني والاستاذ طارق شريف
" ابراهيم عوض .. خمسون عاما من الغناء العذب " عن ظهور
ظهور الفنان ابراهيم عوض ارتبط بحركة التحديث التي انتظمت
المؤسسات في السودان مع نيل السودان استقلاله ، ولم يكن ابراهيم عوض معزولا عن هذا المناخ بل كان مشاركا أصيلا فيه ومتفاعلا معه ، وبذلك اصبح ابراهيم عوض رمزا لأشواق تطلعات جيل ما بعد الاستقلال، ويعبر عن معاني الحرية والانعتاق . ، غني للوطن من كلمات سيف الدين الدسوقي
(اعز مكان وطني السودان لأن حسانو اعف حسان وطيرو صوادح وروضو جنان)
وأشار الكتاب إلي التأثيرات التي احدثها ابراهيم عوض مجتمعيا فأصبحت بادية للعيان وملموسة فقد اثر علي مستوى الموضة الازياء وطريقة تصفيف الشعر واختيار الألوان، كما ان تأثيره علي مستوى نجومية الفنان وصورته في الصحافة كانت ملموسة من حيث الأدبيات العديدة على المنتجة على مستوى الصفحات الفنية.
تغنى ابراهيم عوض في بواكير نشأته الفنية لعدد من رواد المدرسة الوترية الاولي كالفنان احمد المصطفى ، والفنان حسن عطية ، ولكنه لم يجرؤ علي المجاهرة بموهبته الا في دائرة المقربين حيث كانت التقاليد ترفض اختيار الفن وتقاومه ،وما أن سافر والده الي أسوان حتى وجد الفرصة لتعلم العزف على آلة العود خلال هذه الفترة بمساعدة ابن اخت الشاعر عبدا لرحمن الريح والذي يعود اليه الفضل في رسم الخطوات الأولى لإبراهيم عوض الذي رعى موهبته وقدم له ثلاث اغنيات كانت بمثابة الاساس الذي وضعه في بداية الطريق وهي اغنية (هيجتني الذكرى) واغنية (عيونك فيها من سحر الجمال اسرار) واغنية) علمتني الحب و اختفت عني كيف انساها ملهمة فني)
والثلاث من كلمات والحان عبدالرحمن الريح .
ومن الشعراء والأدباء الذين ازدهت بهم أمدرمان من تركوا بصمات وآضحة في صفحات الإبداع السوداني من ابناء أم درمان مثالا وليس حصرا من مختلف الأجيال من فحول شعراء الفصحى والعامية الشاعر محمد عمر البنا – والشاعر يوسف مصطفي التني والشاعر أحمد محمد صالح- والشاعر عبد الله البنا كنماذج ولهم دواوين ساهمت في اسراء ساحة الشعر والمكتبة السودانية وكان يوسف مصطفي التني أول رئيس تحرير لصحيفة صوت الأمة في سنوات اصدارها الأولي .
ولم تتوقف امدرمان عن انجاب المبدعين من الشعراء فأنجبت الشاعر السفير صلاح احمد ابراهيم الذي ولد في امدرمان عام 1935 وتوفي في باريس عام 1996 من دواوينه الشعرية – غابة الأبنوس – غضبة الهبباي ومن أروع قصائده الطير المهاجر التي صور فيها مشاعر الحنين إلي الوطن والحبيبة وهي الأغنية التي خلدها الفنان محمد وردي بعذب الحانه الخالدة :
وان جيت بلاد تلقي فيها النيل بيلمع في الظلام
ذي سيف مرصع بالنجوم من غير نظام
بالله ياطير قبل ما تشرب تمر
على بيت صغير من بابو من شباكو
بيلمع ألف نور
تلقى الحبيبة بتشتغل منديل حرير
لحبيب بعيد
تقيف لديها
وتقول إليها

الوان
26-04-2011, 08:17 AM
غريب وحيد في غربتو
حيران يكفكف دمعتو
حزنان يغالب لوعتو
ويتمنى بس لي أوبتو
طال بيه الحنين
فاض بيه الشجن
واقف يردد .. من زمن

بالله ياالطير المهاجر للوطن
زمن الخريف
تطير باسراع.......ما تضيع زمن
أوعك تقيف
وتواصل الليلة للصباح
.تحت المطر...وسط الرياح
وكان تعب منك جناح في السرعة زيد
في بلادنا بترتاح
ضل الدليب أريح سكن

فوت بلاد وسيب بلاد..وإن جيت بلاد
وتلقى فيها النيل..بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام


على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع الف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها وفاي ليها http://www.youtube.com/watch?feature=player_detailpage&v=SlXyKCRSoHE
وحبي الأكيد

الوان
28-04-2011, 07:16 AM
عيون الصيد



من قصائده الجميلة والرائعة والصادقة والحزينة لشاعرنا محمد على عبدالله الامى عيون الصيد والتي سكب ألمه وحسرته وتشاؤمه في كلماته والتي كانت معبرة عن وجدانه ومن هنا كان سر خلودها وخصوصيتها...وفيها يشبه عيونه وجريان دموعه بمنابع النيل وتدفقه وكيف إن العيون سببت له المرض والسقم والإعياء وفقدان العقل ...وطلب من أصدقائه تركه في حاله وعدم عتابه والكف عن النصائح التي لا تجدي معه شيئا...ويقول إن هذه العيون هي التي سببت هذه الجروح وهى نفسها تسبب الفرح إذا لمحته (هي الداء والدواء ) ومع شدة ألامه وأحزانه هاجت عليه الأشجان وازدادت عليه تباريح الشوق وكل ما في الكون من أطباء عاجزون عن معالجته...حتى أقدامه لم تستطيع أن تحمله ويطلب من أصدقائه مساعدته على السير إلى أطلال المحبوبة ويذكرهم أن هواه شريف ولا داعي لجرح شعوره وان نهايته حتمية (على الأكفان شيش درجونى ) والى القصيدة...
عيون الصيد ناعسات عيوني.....عيون النيل حاكن عيوني
نسيت قلبي وروحي ونسوني...وفقدت الكانوا يؤانسوني
ليالي هناى جد عاكسوني.....وأخاصم النوم كيف درسونى
مع الآلام هاجت شجوني.....وأطباء الكون ما عالجوني
جفوا بنفورهم هيجوني .....متين في الطيف يصبو ويجونى
فقدت صحاى لا تنصحوني......خطاب وعتاب كفى بارحونى
عيون الصيد ديل جرحوني.....سروري يتم لو يلمحوني
غلبني أسير هيا درجونى.......وعلى الأطلال ليل عرجونى
هواى شريف لا تحرجونى ....وعلى الأكفان شيش درجونى
مقر املى فيهم ظنونى.....يزيدوا دلال وتزيد جنوني
لذيذ تعذيبهم لو ضنونى ...وصالهم آه راحتي ومنوني

الوان
28-04-2011, 07:17 AM
تغنى بهذه الأغنية كرومه وسجلها للإذاعة الفنان عوض الجاك والتاج مصطفى

الوان
28-04-2011, 07:20 AM
المطرب الراحل سيد خليفة غنى لفحول الشعراء السودانيين من شعر سهل ممتنع . تغنى ايضا للشاعر الكبير حسن عوض ابو العلا التي يقول فيها

ولى المساء الواله المحزون في جوف الضباب

وأنا أهيئ زينتي وأعد مفتخر الثياب

آملا لقياك الحبيب فيصدني زهو الشباب

تسرى النسائم عذبة وأنا أهيم بلا ملال

وتشدني الأحلام في دنيا المباهج والخيال

وهناك أرقد في الرمال ولا أرى غير الرمال

فقد كان شاعرنا ابو العلا ممتلئاً بالأمل أن لو عادت إليه عافيته وشُفي من إعاقته التي أصابته بمصر الشقيقة عندما قفز إلى حوض سباحة في منطقة ضحلة، فأصيب في عموده الفقري، مما أدى به إلى إعاقة مستديمة حتى توفي في أوائل الستينيات مأسوفاً عليه. ولعل عميد الفن السوداني المرحوم أحمد المصطفى قد غنى لهذا الشاعر الأغنية التي تحكى مأساته:

بطرى اللي آمال وغاية مابتحمى المقدور وقاية

فيك يا مصر أسباب أذايا وفي السودان همى وعزايا

صابر ولم أعلم جزايا والتأويه أصبح غذايا

صرت مسلّم لى رزايا ذي طائر مكسور جناح

هذه الأغنية قيل انها هزت ضمير الشعب السوداني، فاضطرت الإذاعة إلى وقفها عن البث لمدة عام كامل، ريثما يتقبلها الناس بما فيها من ألم ومأساة. وبالمناسبة، فالكثيرون لا يميزون بين المعاق والمعوق ويستخدمونها استخدامات خاطئة حتى من قبل مثقفينا، فالمعاق من ولد وبه إعاقة، والمعوق من ولد صحيحاً معافى ووقعت عليه إصابة أدت إلى تعويقه مثل حادث سير أو مرض

الوان
28-04-2011, 07:24 AM
إبراهيم العبادى


أغنية سايق الفيات للشيخ إبراهيم العبادى لها قصة بروايات مختلفة حيث أورد
الأستاذ مبارك المغربي في سفره القيم رواد شعراء الأغنية السودانية إن سرور
كان سائقا ومعه أمين نابرى وزين العابدين كوكو وقد تحركوا من سنار إلى سنجة
في عربة فيات خاصة عن طريق الرماش ....أما محمد الحسن الجقرفى كتابه روائع
حقيبة امدرمان فلقد ذكر أن سرور خرج مع الخواجة مستر برسى لورين المندوب
السامي في مصر ا لرحلة صيد في كنفوى من سيارات شركة الفيات العاملة في السودان
في ذلك الوقت إلى سنجة ...وتخلف منهم سرور وانضم إلى العبادى والأمين برهان
في ضيافة زين العابدين كوكو نائب المأمور و انضم لهم محمد البنا وأمين نابرى وكان
سايق الفيات سرور...بينما ذكر معاوية حسن يسن في كتابه الغناء والموسيقى في
السودان نفس قصة محمد الحسن الجقر مع إضافة أن العبادى كان يعمل في حسابات
المقاولات المرتبطة بأشغال خزان مكوار (سنار) وحلّ عليه الأمين برهان ضيف
ا فتحركوا جميعا إلى سنجة مع سرور...أما مبارك حسن بركات فلقد ذكر لبرنامج
ظلال التلفزيوني إن سرور كان سائقا بشركة الفيات وطلب منه أن يقوم برحلة من
سنار إلى سنجة لعمل دعاية للشركة فاصطحب معه العبادى والتقيا في سنجة بنائبي
المأمور زين العابدين كوكو وأمين نابرى وواصلا الطريق إلى سنار....والروايات
لاتختلف عن بعضها كثيرا ومما لاشك فيه إن العبادى عمل بخزان مكوار والتقى
بالشيخ محمد ودالرضى هناك الذي قال قصيدته المشهورة متى مزاري أوفى نذارى
واجف هذا البلد المصيف فشطرها العبادى الذي انتابه نفس الإحساس في سنار..
المهم ان القصيدة قيلت بين سنار وسنجة والى القصيدة.....



ياسايق الفيات عج بى وخد سنده.....بالدرب التحت تجاه ربوع هنده
*****
أوصيك قبل تبدا سيرك داك .......طريقك سابق الربده
منك بعيد جبده حى هنده.....المراد عج بى ربوع عبده
*****
اطوى الارض واضرع من......افكارنا سيرك يالفيات اسرع
ميل على المشرع لا تريع...........القطيع..... بتجفل الادرع
******
شقا حشا الطريق وأتيمم الحلال....زفنو الكلاب مانالن إلا علال
فاضلات ثواني قلال بينك..........والغروب داك مشرع الشلال
******
شوف سايق الفيات الليله كيفن هاش.......والشجر الكبار بقى شوفنا لينا طشاش
قولي دح وين ماش فارقت.................... الطريق......... أتيا من الرماش
******
يازين الشباب ياطيب الأخلاق......يا أمين الصديق والناس على الإطلاق
من ايدى الصناعة يبعد المعلاق..............انظر للطبيعة ومجد الخلاق
******
شوف النهر مار بخشوع تقول هجسان.......أو مر المنام بى مقلة النعسان
جلت قدرته ما اكفر الانسان.......كم ينسى الجميل ويجحد الاحسان
*******
انزل ياصديق وشوف يد القدرة....شوف حسن البداوه الما لمس بدره
وراد النهر اردونى ما بدرى.......الكاتل الصفار أم نضرة الخضره
******
مانفرن تقول سابق الكلام الفه......عطشان قلت ليهن وصحت البلفه
مافيش كاس قريب قالن دون كلفه........تشرب بكفوفنا لما تتكفى

الوان
28-04-2011, 07:30 AM
أكثر قصائد احمد حسين العمرابى حزنا وتشاؤما
وألما أغنية اندب حظي أم امالى...وفيها يحمل
الشاعر ضياعه وعدم تحقيق آماله وطموحه في
الحياة لسوء حظه وليس الإهمال وعدم الاهتمام
لأنه رجل عرف عنه الحزم والعزم والاجتهاد..
..وهنا يظهر تأثير الثقافة السودانية حيث يعزى
كل مشاكله للسحر والعمل لذلك يدعو ضارب الرمل
ليكشف خيرته ( لسيد خليفة أغنية مشهورة تحمل
هذا المعنى وتقول اضرب رملاك يارمالى) ولكن
الأيام لم تبتسم له والهموم تثقل عليه ....وفى
القصيدة أيضا يفتخر العمرابى بأخلاقه الحميدة
وسيرته العطرة بين الناس لأنه من أسرة عريقة
ذات حسب ونسب ...ويصف الشاعر حالته من
العذاب الذي لم يستطيع تحمله ويتمنى الموت حتى
يتخلص من هذه المعاناة القاسية... وكيف أن قلبه
كان خاليا من الوساوس فأصبح مشغولا مهموما...
ويطلب من محبوبته ألا تحزن عليه بعد موته...ويعود
للشاعر في الأبيات الأخيرة بعض من تفاؤله المفقود
ويتحدث عن جمال الملهمة ومحاسنها التي يلهج بها
لسانه...وهو لا يخشى الصد والهجران ومع ذلك كتوم
في حبه لا يصرح به لولا الدموع التي تفضحه دائما
(حبك كاتمه زاد انحالى من فرطه الدموع فاضحالى)
وهذا المعنى سبقه فيه محمد على عثمان بدري في
أغنية مرضان باكي فاقد (دمعي إذا طريتك بين الناس فضحنى)....
ويعزى الشاعر سبب شقائه وتغير أحواله هو جمال الحبيب
الذي لايستطيع أن يناله قلبه ....وبؤسه وألمه وحزنه جعل
عدوه يعطف عليه خاصة والدموع تتساقط من عيونه ينابيع
ا.....أغنية مليئة بالأحاسيس والمشاعر الصادقة بالإضافة
أنها متماسكة و رقيقة الألفاظ...التزم الشاعر فيها لزوم
ما لا يلزم حيث تتكون القافية من أربعة أحرف مما يدل على
شاعريته وتمكنه من اللغة .....تغنى بهذه القصيدة الفنان
عبدا لله الماحي كما سجلها للإذاعة الثنائي ميرغنى المأمون
واحمد حسن جمعه وكذلك غناها الفنان المبدع الطيب عبدا لله
ولم يكن اختياره لهذه الأغنية جزافا وإنما لأنه وجد فيها نفسه
وحياته وآلامه وأحزانه وتجربته التي عاشها والتي عبر
عنها شعرا في أغانيه الحزينة ..والى كلمات هذه الأغنية...


اندب حظي أم امالى.....دهري قصدني مالو ومالي
*******
شوف الخيره يارمالى....أظن كاتبني عن عمالي
عارض يعترض اعمالى.....أبنى وأملى ما تمالي
********
لا تقول ضعت من اهمالى ...أنا عامل الحزم رأس مالي
بس ايامى ما با سمالى..........همومي الزايدة متقاسمالى
********
بين الناس حميدة افعالى..........أصلى من الجناب العالي
حبك وحبي مانافعالى................يوم ينعوني لا تنعالى
********
قلبي المن الوساوس خالي............اليوم انشغل ياخالى
لو كان في اللحد ادخالى.............أحلى من العذاب ياخالى
********
دوام آيات محاسنك تالي...........زيد في هجري لا ترتالى
مقسم عن هواك ما تالي.......... طرفك بالهلاك أفتى لي
*******
حبك كاتمه زاد انحالى.......من فرطه الدموع فاضحالى
الشاقنى ومغير حالي.............حسنك واللهيج الحالي
*******
هاك شكواي لو تصغالى...............العدو حن لي رقالى
سهران والدموع راشقالى.........وحياة حبي ليك يا غالى

الوان
28-04-2011, 07:32 AM
اسمعني واشجيني



اسمعني واشجيني وبذكرة الأحباب بلاهي ناجيني وغرد يا الحمام ...
أغنية يتحدث فيها الشاعر محمد على عبدالله الامى عن التبريح وألمه
والشوق وعذابه والهموم وحرقتها....ويخاطب فيها الحمام ويترجاه
أن ينقذه من قاع الهموم الذي أصبح سجنا له....وان يسمح للهناء
والسعادة أن تجد طريقا إلى قلبه....ويصف حالته المزرية من ضعف
ووهن في جسمه وسهر في عيونه وألم نفسي وجسدي سببه الهيام
المتضاعف والتبريح والجوى والبين والفراق...ويدعو دموعه التي
حبست في مآقيه أن تهطل وتنزل لتبلل وتطفئ نيران وجده وهيامه..
.وهاهو يتذلل ويتوسل الأيام وقسوتها التي فاتت الحدود أن تلين...
في تعبير رائع وجميل..(يا دمعة بليني ويا قسوة الأيام فتى الحدود ليني )


ويتحدث الشاعر عن ضياع معالم الطريق عنه بعد أن غاب رشده ويدعو
الحمام لمساعدته ليتلمس طريقه إلى ملتقى النيلين والى جزيرة توتي
حيث الأدب الفطري والحياء والتدين ويدعوه أن يتقدمه إلى رياض و
بساتين شمبات حيث يندب هنالك حظه وسعادته ....ويترجاه أن يزوره
صباحا ومساءا وان يجلب إليه الأفراح وان ترويه حنانا وعطفا كما
يروى العطيش في مشرع أبو روف...ويتذكر الشاعر البساتين وخضرتها
وشذاها ورائحة المسك والتين...وليس هنالك من يشفيه ومن يعيد له
صبره غير الحمام....ويطلب من الحمام أن يقوم برثائه في حالة وفاته
والى القصيدة...


http://www.alsegeed.com/upload/uploads/asmianiaa.WMA


اسمعني واشجيني...... وبذكرة الأحباب...... بلاهي ناجيني
وغرد يا الحمام
*
رحماك نجيني......ومن تلك الهموم البى....في قاع سجيني
خلى الهنا يجينى.....وخلى السرور يصبح....في طيه زاجينى
*
تبريحي صالينى .....وهيامي زاد أضعاف......ومنامي سالينى
قول انت سالينى.....خلى اليزول منى ........آلمي الموالينى
*
الشوقو مالينى......والبين برا جسمي............بنوائبه بالينى
يا دمعة بليني....ويا قسوة الأيام.............فتى الحدود ليني
*
من غيرك يشفيني ....ومن غيرك يعيد......صبري المجافينى
قول انت صافيني.....زمني القصد هجري.....وفى هاوية خافيني
*
غاب رشدي اهديني......وعلى ملتقى النيلين......أتغنى واشدينى
على توتي....عديني......تجد الأدب فطرى......وتجد الحياء الديني
*
اصعد وناديني.....واقصد رياض شمبات......سير بى عديني
بغناك افديني.....واندب هناك حظي....... وسعدي المعادينى
*
صابحنى وماسينى......ويا جالب الأفراح.......لا تبقى ناسينى
سجعك يواسيني.......ورجائي فيك ياحمام.....إن مت ترثيني
*
بطرا البساتين......وبطرا الشذا الفواح....المسك والتين
ياجنة فتيني.....وهل بعد ذلك أرجوك......يا حظي ابكيني
*
إن رمت ترويني ...ري العطيش في ابروف.....وبجرعه داويني
في جوفي كاوينى ....حب أم عفاف أم در......من قبل تكويني


هذه الأغنية من الحان عبدا لكريم عبدالله مختار (كرومه)...وتغنى بها مبارك حسن بركات وبادي محمد الطيب...وسجلها للإذاعة الفنان إبراهيم خوجلى

الوان
30-04-2011, 09:09 AM
لا شك أن الأستاذ محمد عثمان حسن وردي هرم من أهرام الفن ، وهو بحق اسم مشدود كالوتر .
ساق أمته العربية ، والأفريقية ، والنوبية تطوعاً إلي السماحة في الروح والوجدان طرباً .. غني للوطن وذاب في
حبه لها شوقاً وغراماً ... وهنا لا بد أن نتساءل ...( أيهما أولا الدجاجة أم البيضة ) ...وبنفس القدر أيهما أولاً ..
الشاعر إسماعيل حسن أم الفنان محمد وردي ..... .ومن منكم لايعرف الشاعر الكبير إسماعيل حسن عليه الرحمة
والمغفرة ، ..... هذا الشاعر العملاق الذي انحاز بقوة بحنينه الدائم للأرض ، والنيل ، والنخيل ، وللوطن عامة ،،
فامتلك السحر وسر الكلمة ... أما شاعرنا إسحاق الحلنقي فهو قطعة من كسلا وسمرة من جبالها التي تسترضع القمر .
يمتد قوته ورصانة الكلمة من تلك الجبال الرائعة ......جبال توتيلاغنية : خاف من الله
الشاعر : إسماعيل حسن
خاف من الله على قلبى من غرامك خاف
زرعت الشوك على دربو وياما فى هواكم شاف الله
سنين وايام قضيت عمرى فى لوعة
انادي الليل واقول ياليل انا المظلوم (عذاى) دمعة
دموع تسيل وليلى طويل
وواقف فى مهب الريح براى شمعة
انادى الليل واقول يا ليل
ياما فى هواكم شاف قلبى
خسارة قلبى فى حبك وآخسارة
علمتو يحبك ولما سار فى دربك
رحت وسبت حبيبك ليه
يا خسارة دمعى ودمعك وآ خسارة
ياما سهرتا ليالى يا حليلك ي غالى
وياما فى هواكم شاف قلبى
يا قلبى انسي الفات وعيش من تانى وحدانى
ولو حنيت لعهد الشوق اجيب من وين عمر تانى
كفى يا قلبى شفتا الويل وليل السهد بكانى
بعد ما تبت من النار حرام تجدد احزانى
يضمك ليل ويطويك ليل ونار الويل مهادك
يا مظلوم وماظالم حليلك والعمر فانى
وياما فى هواكم شاف قلبى

الوان
30-04-2011, 09:12 AM
الريد جو قلبي بحبك بدا

ياطيبة حياتي يا قطر الندي

ما كان في خيالي تتنكر كدا

أيامن الجميلة ليه بتنكدا

جربت هواهم

قليبي انكوى

تاريهم جاروا

وماصانو الهوى

حاولت اسيبك واتناسى المضى

أيامك معاي ساعات الرضى

المكتوب علي أنا قلبي ارتضى

ياريت الليالي عطفو يعوضا

جربت هواهم

قليبي انكوى

تاريهم جارو

وماصانو الهوى

الكلمة الحنينة مشتاق اسمعا

روحي خلاص جفيتا والشوق لوعا

الدمعات عيوني كيفن تمنعا

وانا شايف سنيني جورك ضيعا
جربت هواهم

قليبي انكوى

تاريهم جاروا

وماصانو الهوى


يومي الشفتك انت حسيت بالهنا

طويت يا حياتي شمعاتي انا

بعد الحب دا كلو يا أجمل منى

لي بكيتني تاني عاودت الضنا

جربت هواهم

قليبي انكوى

تاريهم جاروا

وماصانو الهوى


من كلمات اسحاق الحلنقى

الوان
30-04-2011, 09:57 AM
http://www.youtube.com/watch?v=SlXyKCRSoHE&feature=player_detailpage

الطير المهاجر محمد وردى

الوان
01-05-2011, 12:22 PM
المدينة
طـلـعـــت مــــن جــــوه احــــزانـى الـــعديـــده
نجـمـة تحى بتــضــوى فى دجى الليلات وحيده
فكـرة فـنــانه وجــديـدة نـظــــره لـماحه وفريده
فـتـشـتـــا عـنـهــا فـى الــقــــري النـائية البعيده
وســألــتــا فـى بـــلاد ومـــدن عديده
ابحرتا فى كل الموانئ اكـوس عليها
أهـــــاتــــى بــيـــهـــا وانـــاجى فيها
مـشــتــاق علىّ المهـا احتويها اشمها
بالـحــنـــــان الــعـــنـدي كلو أضمها
وصـــدفــه فى ابعد وفى اجمل مدينه
وإلــتــقـينا والدهشه هى اللى اتكلمت
وقـبــل الأيــادى العيون هى السلمت
مـــن شـــــدة الأفــــــــراح بـكـيــــنا
الـــمـــديـــنــه نـيـله صفاق ليله فتان
والــفــــرح فــــــاض بــيــهــــا دفاق
والــخـــــيــــال والــــوادى فــتــــــان
طارت الأحـلام عـصـافـيــر غناء للعش الغدير
جنـت أوتــار الطنـابـيـر هـزت النشوة المزامير
وانا بين مصدق وما مصدق إنى بلقاها إلا ياها
هـى ذاتـه حـبيبتى ذاته اللحظة نازل فى حماها
وفى ضـراهـا واتـقـاسـم واتقاسم الاحلام معاها



غنا الفنان الهادى الجبل

الوان
01-05-2011, 12:25 PM
http://www.youtube.com/watch?feature=player_detailpage&v=bmyQBhOnTEk

المدينه

الوان
03-05-2011, 06:54 AM
ملوك ام در
الليلة كيف امسيتو
يا ملوك أم در يبقي لينا نسيتو
الخيال لي جسمي وخليلي أسيتو
ومالو لو بي طيف الخيال أسيتو

جلسن شوف يا حلاتن
فزر في ناصلاتن
قال لو لي جن هوي حبابن
الحبايب حبايبين
يالله
الناعسات كاحلاتن

والله ما بريد غلاتن
ما هم لي جن هوي حبابن
يالله

الوان
03-05-2011, 07:02 AM
زاد اذاي ياصاحي

..لعبيد عبد الرحمن…:
——————————
زاد أذاي يا
صاحي واعتراني نحول
طرفي دامع وصاحي بالسهاد مكحول
حال علي الحول
والموانع بينى وبين حبيبي تحول
قلبي قال ممحول
صبري ضاع ياجافي وخصمي صار ممحول
العلي ما بزول والأنين يابدري والحنين مابزول
الجسيم مهزول
منيتي وآمالي ونومي في عيون زول
يانسيم مرسول لي حبيبي
لعلك منو عالي تنول
أمشو ليهو مثول
علّي أنظر حسنه أقبّل المعسول
يافضول أقول رفعة قامته
وحسنه وصفه شرحه يطول
من ندى المسطول
كم يواعد ويمطل يومي طال ممطول
القوام معدول
والوريد كالدمية والأسيس مسدول
الكتيف مهدول
بعضه نام في بعضه تقول حرير مجدول
سوو ا ليه اللول دقوا ليه اللول
كان يرقص ردفا من خصايصه كسول
ايه يفيد القول
وايه يفيد من شعري فيه مهما أقول
منه حالمة عقول
الوصول للبدر ياخي ما معقول

زاد أذاي يا صاحي واعتراني نحول
طرفي دامع وصاحي وبالسهاد مكحول

الوان
03-05-2011, 02:45 PM
ذات يوم والشعراء يجلسون في احد مقاهي ام درمان فاذا بواحد منهم يصف بنت رأها في حي المسالمة او حي العرب ووصفها بانها جميلة جمال مبالغ فما كان من محمد بشير عتيق الا ان حفظ عنوان منزل الموصوفة وذهب يترصد بها وبعد ثلاثون يوما كاملة رأها تخرج كي ترمي بالنفايات خارج المنزل ولم يرها سوي نصف دقيقة بالضبط فأول ما بدأ به
الاوصفوك بالبدر او بالزهر هم ما انصفوك يا جميل الاوصفوك
وهكذا الي نهاية الاغنية فذهب بالقصيدة الي الشاعر العبادي كي يجيزها له وكان العبادي يجيز القصيدة بختم في خاتمه فيختم به القصيدة وذلك يعني انها مجازة ولكن عندما قرأها علي العبادي رد العبادي قائلا : قصيدتك دي يا ود بشير دايرة ليها سمكرة ، فاحبط محمد بشير عتيق ورمي بها في دولابه وكان ذلك في منتصف الخمسينيات ، وذات يوم جاءه الفنان خضر بشير وطلب منه ان يكتب له قصيدة لان انتاجه قل من فترة وليس له اي جديد فرد عليه الشاعر محمد بشير عتيق وقال له والله ما عندي ليك حاجة دي الوقت . فشرب الاستاذ خضر بشير الشاي و عند مغادرته قال له محمد بشير عتيق اصبر يا اخوي والله اتذكرت عندي قصيدة زمان العبادي رفض اختمها لي وقال لي عاوزه سمكرة كدي شوفها لو بتنفع معاك شيلها و عندما قراها الاستاذ خضر بشير طار بها فرحا وقام بتلحينها وتغني بها وكان ذلك في اواخر الستينات وكان ذلك اليوم ميلاد اغنية الاوصفوك . والله اعلم




الاوصفوك ..

بالبدر او بالزهر هم ما انصفوك

يا جميل

لو أوصفوك

+++++++

كيف يجهلوك..

وعلي الجمال العادي راحو يمثلوك

ولو بادلوك عين الحقيقة

او بالبصيرة تأملوك

بالنور او بالنار

أو بي قدر ما ضاع الخيال

ما عادلوك

يا جميل

لو أنصفوك

+++++

كوكب منزه في علوك

سحرك قريب شخصك بعيد

او كان قريب انواره آخذه بدون سلوك

يبرق ثناك في غيهب الليل الحلوك

اظرف شمايلك زاملوك

وهم اكملوك

ادبك هبة

فيك موهبة

شكل الظبا

وطبع الملوك

يا جميل

لو أنصفوك

الوان
03-05-2011, 02:54 PM
http://www.youtube.com/watch?feature=player_detailpage&v=hF9y0bklRk0
الاوصفوك غنا محمود عبد العذيذ

عبدالله التيت
03-05-2011, 02:58 PM
أبداع يامهند
ماشاء الله عليك
شايفك مواصل فى البوست
واصل بدون فواصل

الوان
03-05-2011, 03:10 PM
أبداع يامهند
ماشاء الله عليك
شايفك مواصل فى البوست
واصل بدون فواصل

http://www.youtube.com/watch?feature=player_detailpage&v=VVuGLthba54

هديه ليك يا التيت جبنا ليك الاوصفوك بى فنان الاصلى سلطان الطرب خضر بشير

الوان
04-05-2011, 07:56 AM
الحلنقي :-

كانت له علاقة حميمة بالمرحوم صالح الضي ، وكان حينها صديقه الشخصي وذلك في مطلع الستينات 1960م ، وفي تلك الفترة كتب اسحق الحلنقي أغنية بتتغير لصالح الضي وايضا أغينة عيش معاي الحب . وكان الفنان صالح الضي صديق مقرب للفنان محمد وردي ، حينما سمع وردي من صالح الضي عن هذا الشخص طلب منه أن يأتي به ويقابله ، وفي ذلك الوقت كان صالح الضي رحمة الله عليه كثير المزاح مع حلنقي فحينما قال له يا حلنقي وردي طلب مقابلتك أعتقد حلنقي ان هذا مقلب من مقالب الضي ، وبعد ذلك قابل حلنقي وردي وكان عن طريق صالح الضي ،فكتب حلنقي أول أغنياته لمحمد وردي فكانت أغنية الدموع دائما حبايبي ، فكانت حزينه جدا وتحمل كمية من الدموع في مفرداتها ، فطلب منه وردي أن يفرح شعب السودان بمفردات فرح ليجعل الناس مبتهجين فكتب حلنقي أغنية أعز الناس وهي الأغنية التي جعلت من أسحق الحلنقي أسما بعد أن كان منسيا،بعدها توجه حلنقي لكسلا وألتقي بالفنان إبراهيم حسين والفنان التاج مكي والشاعر مرتضي صباحي وكان ذلك في مطلع السبعينات ، فكتب أغنية مع ساعة الغروب مشيت أسال عليكم لإبراهيم حسين وأيضا كتب للتاج مكي حبيت عشانك كسلا ، وكان يتسال البعض كيف يحب الحلنقي كسلا من أجل شخص لكن القصيدة تحمل مشاعر التاج مكي وهو الذي طلب من اسحق كتابة هذه الكلمات .
عاد بعد ذلك اسحق للخرطوم وهو في منتهى السعادة لأن أغنية التاج مكي كانت قد سبقته للخرطوم وأيضا أغنية ابراهيم حسين شيئا ما أبتدت تشتهر
نجمة نجمة الليل نعدو ما السنين يا حليلنا عدو
وأنت ما عارف عيونك لما تسرح وين بودو
الريدة الكتيرة يا حنين شقاوة ،كلما نزيد حنان أنت تزيد قلاوة
فارقنا الحنين ما كلمنا مالو ماخلا العيون تتأمل جمالو
يوما ما سعيد من الحلة شالو ، نجمة نجمة الليل نعدو
كان الملحن عبد اللطيف خضر صديق شخصي لأسحق الحلنقي ، فطب منه أن يكتب مفردات أغنية لفنان صاعد وهو إسماعيل حسب الدائم فكتب له أغنية
أديني رضاك قدامي السفر:-
انا كان غلطة عليك بكلام ، تشيل في خاطرك مني حرام
أنا غير بسماتك ما بقدر أديني رضاك قدامي السفر




سفر المكتوب ما بتأجل ،،،،،، نجحت الأغنية فصنعت الفنان إسماعيل حسب الدائم ، أيضا عاد عبد اللطيف خضر وطلب كلمات لفنان أخر وهو المرحوم خوجلي عثمان ، فكتب له حلنقي أغنية أسمعنا مرة فنجحت الاغنية ونجح الفنان ، خوجلي عثمان ، وجد حلنقي نفسه دون ان يدري يكتب مفردات أغنية فتنجح فتصنع فنان ، في ذلك الوقت قال عنه طلحة الشفيع وهو من النقاد اللامعين في ذلك الوقت أن أسحق الحلنقي أحسن من يكتب الأغنية الخفيفة ، فيما انتقده البعض الآخر لكنه وجد دفاعا من الأستاذ : كامل عبد الماجد، في هذا الزخم حنة مشاعر حلنقي لموطنه كسلا فكتب الطير الخداري فزاره علي الاحو وقراء كلماتها وقال له يا حلنقي هذه الكلمات تشبهني ، وايضا أغنية أهل الجبل .
نحن ناس بنعيش حياتنا الغالية بالنية السليمة
وكل زول دايرين سعادتو بتشهد الايام علينا
ياحليل كسلا الوريفة شاربه من الطيبة ديمة
تاني ضحكتك يا حليلا البتملا بتنا زهور وزينا

علي ابراهيم غني لاسحق الحلنقي أول كتابته ، لكن حسب إحساس الشاعر الحلنقي ان أغنية الأبيض ضميرك كانت هي أول الأغنيات التي غنيت له بالإذاعة، كان مكي غريب الله حينها مدير النصوص بالإذاعة ، أجاز كلماتها وأعجب بها ولفت انتباه اسحق أنها تحمل كثير من البكاء خاصة بيتها الأخير ، وأكد ذلك عبد الرحمن الريح حسب نقل هذا الحدث من اسحق الحلنقي شخصيا ، عبد الرحمن الريح هو الشيخ الذي يحمل له شعراء السودان التقدير والإجلال ، فهو معلمهم وهاديهم ، يجب أن يكرم في كل عام حسب ما طلبه الأستاذ الحلنقي ولو بإنشاء شارع باسمه تخليدا لذكراه ورثاء لأسرته ، وجد حلنقي نفسه يتجول بين الفنانين فما كان يتعب حينها في كتابة مفردات أغنية لاي فنان ، بل كان يتوقف كثيرا لمفردات الفنان محمد وردي .
شال النوار ،،،، هي قصه كانت تخص الفنان محمد الأمين فكتبها حلنقي وتغني بها ود الأمين .

الحنينه السكرة ،،، محمد وردي وايضا فرح خلق الله كان الهدف من هاتين الاغنيتن في تلك الوقت التغير في مشاعر الشعب السوداني والسمو بهم للفرح وذلك بطلب الأستاذ محمد وردي .
ياراجياني .... كلمات الحلنقي غناء وردي
استنيني استنيني وأنت مصيرك تستنيني ،
كلما سحابة تلاقي سحابة تنزل منك دمعة عشاني
كلما تلاقي مسافر عائد تمشي وتسالي عن عنواني
وانا عنواني عيونك أنت ياراجياني وما نسياني
ياما الغربة بتتحداني وأنا بتحدي الزمن الجاير
لو في بعدك لوفي حبك بتحداني
أنا سافرت عشانك انت سبته البلد المانسياني
انا حاولت اصارحك ياما إلا الغربة بقت مانعاني



في هذه الظروف التقي حلنقي بالفنان ابوعركي البخيت وهو صديق حميم له وكان بينهم أغنية وحيدة ، فطلب ابوعركي من حلنقي ان يقرأ عليه بعض اشعاره حتي يتسني له اختيار أغنية ، فكان حلنقي يحمل معه أغنية لفنان ما وهي أغنية عصافير الخريف ، حينها قال أبوعركي هذه لاتشبهني فهي تشبه محمد وردي ، لكن حلنقي رفض ذلك بان لا يتغني بها وردي ، وسمع وردي ذلك وكان حينها هنالك لقاء لثلاثتهم عند شجرة الإذاعة المظللة بالذكريات ، فقال وردي حلنقي سمعت ان لديك أغنية ولاتحب ان تعطيني لها فهل ممكن أن تقراها علي ، فقراها عليه حلنقي وطلب منه وردي أن يكتبها له حتي يترنم به فقط ، فكتبها له حلنقي عصافير الخريف , وإذا به حلنقي بعد أيام يفاجاة أن محمد وردي لحنها وغناها بإلاذاعة ، فجرح هذا مشاعر حلنقي كثيرا والتقي بوردي ، فكان رد وردي قاسيا يا حلنقي انا لا أغني لك ولا لوردي فانا اغني للشعب السوداني فأفعل ماشئت ، وسمعت اسحق الحلنقي في سهرة نصف القمر يقول لقد منح وردي أغنية عصافير الخريف عمرا امتد لثلاثين عاما وكان يحس بعض كلماتها أكثر مني لذلك ظلت خالدة برغم من عدم رضاي بأن يتغني بها .

قال صديق مدثر لحلنقي شاعر لم يتغني له كابلي فهو ليست بشاعر ، بحيث أن كابلي فنان يجيد كتابة الاشعار ولايحتاج لشاعر . فحز ذلك في دواخل حلنقي كثيرا حتي كتب عقبال بيك نفرح يا زينه ، فكان حلنقي يعلم أن كابلي مفرداته الحريرة والضريرة والفرح ، وسمعته يقول قراتها مرارا وتكرارا وعرفت انها لكابلي واتصلت به هاتفيا ياكابلي ممكن اقابلك بالاذاعة وفعلا تغني بها كابلي وكانت من دواعي سرور حلنقي وشرف له برغم التحدي. عبد الكريم الكابلي كتب كلمات لايكتبها الا شاعر كبير. واخيرا تغني كابلي لكلمات هلاوي ، وهولاء عزمي احمد وايضا مختار مكاوي ينتهجون نهج ونفس حلنقي في الاشعار..

--------------------------------------------------------------------------------

عبدالله التيت
05-05-2011, 12:26 PM
http://www.youtube.com/watch?feature=player_detailpage&v=vvuglthba54

هديه ليك يا التيت جبنا ليك الاوصفوك بى فنانا الاصلى سلطان الطرب خضر بشير
اغنية عز الطلب (الاوصفوك)
من اجمل اغانى الراحل خضر بشير
له الرحمه والمغفرة من عند الله
مشكور يامهند هدية قيمة

الوان
08-05-2011, 02:17 PM
أغنية حاول يخفي نفسه وهل يخفى القمر في سماه ، قيل والعهدة على الراوي
أن الشاعر سيد عبد العزيز .. كان يسير في الطريق .. وكانوا في ذلك الزمان . لا يرون الفتيات إلا نادرا .. وفي بيوت الأفراح فقط ..
وفي أثناء سير الشاعر وصاحبه فتحت احدى الفتيات باب الشارع (( لرمي شيء ,, أو لغرض آخر .. وكانت تحسب أن الشارع كان خاليا من المارة .. وفجاة رأت الشاعر وصاحبه في مرورهم بجوار بيتها ... وعندها أغلقت الباب بسرعة وتخفت خلفه .. مذعورة ..مرعوبة .. لأن أحد غريبا نظر اليها ... وكان ذلك عيبا . وهنا ألهمت هذه الحركة منها الشاعر .. هذه الأغنية الجميلة .. وهكذا قال : حاول يخفي نفسه وهل يخفى القمر في سماه ..
أبدا ... وطبعا ... لا ... شفناه ... شفناه ....
00000000000000000000000000000
منذ زمن بعيد يقول ان الاغاني والقصائد كانت تصل الخرطوم بالقطارات

واللواري في ذلك الزمن وكانت مخزنة في حقائب الركاب وكان الملحنين

ينتظرون حتى تفتح تلك الحقائب وياخذو القصائد لان معظم الشعراء كانو

خارج العاصمة لذلك سميت باغاني الحقيبة والله اعلم )
000000000000000000000000000000 0000000000

أغنية سميري للشاعر الجاغريو ... والتي تغنى بها الفنان الراحل أحمد المصطفي .
ســـــميرى.. المرســــوم فى ضميرى
للشاعر الرائع الجاغريو
يا زهــــــــــرة احــــــــلامـــى
بنظـــــم فيك كــــــــــــلامــى
تايه ودمـــــعـــى هـــــــامــى
مع القمـــــــــــــــرى البقوقى
برسل ليك ســـــــــــــــلامى
نزلـــــــــت منى دمــــــــــعه
والامـــــــــــــــــه مجتمعــــه
واليوم كــــــــان جمـــــــعـــه
يا فارم الإمــــــــــــــــــــــعــه
حبيب روحى يا ابو لمــــــعــه
حــــــــــبيبى أهـــــــــــديلى
من عــــــــنبك أديــــــــــــلى
يا ملايكه عِـــــــــــــــــــديلى
انا نسيت مناديــــــــــــــــلى
نازله فـــــــى قلبى غــــمــه
وبقـــــــــــيت فى ملمـــــــــه
يا وحى ميعـــــــــــــــــــــــادك
يســــــــــــــعدنى لو تمـــــــه
النقرن أجـــــــــــــــراســـــــن
انا قـــــــــــــلبى ميراســـــــن
حـــــــن الزهر باســـــــــــــــن
انظـــــــــــــــــــــــــر ديك بثينه
وكمان شــــوف ديك محاســن
بعد مــــــــا كنت هــــــــــادى
فى قلبى قـــــــــــدح زنـــادى
يا حظى كفاك عنـــــــــــــادى
بقيت كل يوم انـــــــــــــــــادى
واطوف ليلى واهـــــــــــــــادى
دي البسمـــــــاتها حـــــــــاليه
مهـــــــــــــذبه روحها عـــاليه
فى الحى الامـــــــــــــــــامى
جوار الاســـــــــــــــــــــبتـــ اليه
ديلك جن تــــــــــــــــــــــلاته
بعــــــــــرف تومتى ياتـــــــــا
بحـــــــــــــلف بغـــــــــــــلاتـا
اهــــــاجر ليــــها حــــــــــافى
وأزور بيـــــــــــــت الخــــياطــه ( بيت الخياطة - كان مثل المعاهد الحالية - في البيوت -في معظم الأحياء .. وفيه تتعلم الفتيات خياطة الملابس )
انظر شـــــــــــوف حـــــــلاتـــه
انا مغــــــــــــــــرم بغـــــــلاتـه
ناعســـــــــــــــــات كاحــــلاتـه
انا دســـــــــــــــــــــتورى نازل
فى الخرطـــــــــــــــــوم تــــلاته
انا لي ايام عــــــــــــــــــــديده
مــــــن النايـــــــــر خديــــــــده
اجمل غاليه شوفتـــــــــــــــــك
فى الحــــــــــــــــــــله الجديده ( وهذا توثيق لأحياء الخرطوم في تلك الفترة - الأستبالية - الخرطوم 1 الي 3 والحلة الجديدة )
لاشك في انه اغاني الحقيبة فن راقي ورهيب ومعاني كلمات الاغاني له وقع خاص لاغلب الناس وانا اعشق هذا النوع من الفن متعكم الله بالصحة والعافية ودايما موثقين ومثبتين لكل ماهو جميل
000000000000000000000000000000 0
ولابد هنا من الاشاره الي انه في البدايات الاولي للغناء السوداني كان هناك عازف من منطقة الشماليه وهو بشير الرباطابي وله تسجيل في اذاعة امدرمان وهي كانت قصيده للشاعر ابو صلاح ولها السبق في انها اول اغنيه حقيبة بصحبة الطمبور وهي:-

لوتجازي لوتسمحي *مني ريدك مابتمحي
بي خيول الشوق أرحمي *واروي دمعي البطمحي
بس عشوقك لاتقمحي *بي طريف العين المحي
بريض فاهم سر الوحي* الفي حواجبك بتلوحي
تمسي هجة ونور تصبحي *وفي قلوب الناس تربحي
ياالحمامة البتصبحي *بي فريعك بتميحي
كيف عزولك لاتروحي *وانت جنة ونار تقدحي
يازهير الروض فتحي *والنسيم بالطيب كتحي
من غصونك ماتبرحي *يوم تبكي ويوم تفرحي
المبكم بتنصحي *وبي نغيمك بتفصحي
هاك عقلي الطاش انصحي*وكان مغيب والان صحي
وكانت هذه الاغنيه من اوائل الاغاني لتي تسجل في الاذاعه السودانيه انذاك

الوان
08-05-2011, 02:34 PM
http://www.youtube.com/watch?v=c8lSpRfdkMg&feature=player_detailpage

السلام ياروح البدن غنا افراح عصام
الشاعر محمد ود الرضى


السلام ياروح البدن

يا غصين النقا يا لدن

يا مهفهف يا املدن

ليك غصون البان قلدن

اشكو ايك اياما عدن

الامان يا جنة عدن

غنى قمرى الليل منشدن [ اً ]

اسكر العشاق غير دن

كل من يتعشق شدن

قل منامة ليترك سدن [ اً ]

الوان
08-05-2011, 02:43 PM
http://www.youtube.com/watch?v=dWmS4-gQiSE&feature=player_detailpage

الوان
08-05-2011, 02:48 PM
http://www.youtube.com/watch?v=lTppD2JTwjE&feature=player_detailpage

الوان
09-05-2011, 06:56 AM
سيد عبد العزيز (1900-1976م )



ولد بحى العرب بأمدرمان عام 1900م ذلك الحى الذى كان يعج بالشعر والفن والأدب فقد كان به عبيد عبد الرحمن وعبد الرحمن الريح وأحمد عبد الرحيم العمرى ، وهو صاحب مدرسة متميزة فى الشعر الجزل الرقيق فقد قال الشعر صبياً وأكمل تعليمه الأولى ثم عمل مع الأعراب فى البيع والشراء بزريبة البهائم ، ثم هجر الزريبة وسوق العرب وتعلم صنعة الحديد حتى أًبح ميكانيكاً ماهراً وكان يستقبل دراجته ليتعلم اللغة الانجليزية فى المساء مما أهله ليشق طريقه فى مصلحة النقل الميكانيكي بنجاح وأقتدار وكان يغشى مجالس العلم واللغة العربية فى حلقات المعهد العلمي وكان كثير الإطلاع وحاد الذكاء فجاء شعره لوحات بارعة من الإتقان اللفظى والمعنوى وتتجلى ثقافته وإطلاعه على التراث فى قوله :

ما بهم كلام ناس زيد

قلبي الهلالي أبزيد

ومن إطلاعه علم أن ملكة جمال اليونان فى ذلك الزمان كان أسمها ماتريد فصاغ رائعته :

سيدة وجماله فريد

خلقوها زى ما تريد

وهو لا يعنى هنا المعنى القريب الذي يتبادر الى الذهن إنها خلقت كما تريد ولكن يعنى أنها خلقت كملكة جمال اليونان ولست أدرى كيف علم أن مياه البسفور تتدفق على الشاطي ان زادت السفن فى سرعتها ليقول :

فريد حسنك ودلك موفور

وأنا دمعى يجرى مجرى البسفور

ويتجلى إطلاعه على التراث فى قوله :

لحاظها تخيف قائد المليون

وترهب عنتر ونابليون

ولأمثلة على سعة إطلاعه كثيرة ولحلاوة شعره وطلاوته فقد تبارى عباقرة الفنانين فى تلحينه وأدائه أمثال عميد الفن السودانى الحاج محمد أحمد سرور ، وكروان السودان كرومه والفنان الكبير أبراهيم الكاشف وغيرهم من المبدعين ولأنه كان مطبوع الشاعرية فقد كان خفيف الظل سريع البديهة فقد روى بصوته بحلقه مع مبارك ابراهيم – رحمهما الله- أنه وصديقه الشاعر أحمد عبد الرحيم العمرى قد قاما بزيارة بعض أقرباء من جيرانهم بالحى ولفت نظره منظر فتاة نائمة وهى مفتوحة العينين واتفقا على ان ذلك شىء مألوف ويعرف بنوم الغزلان وقال على الفور :

يجلى النظر يا صاحي منظر الانسان

الطرفه نائم وصاحى ، صاحى كالنعسان

وبرغم أن سيد عبد العزيز كان فى الجناح المناوىء لصلاح عبد السيد عندما انقسم شعراء وفانوا الحقيبة الى معسكرين الا أن شعر سيد عبد العزيز هو الأقرب الى شعر صالح عزارة فى الانتاج وجودة فى الصنعة وروعة فى التعبير.

وقد إنتقل سيد الى جوار ربه فى أغسطس 1976م فسكت هزار صداح.

الوان
09-05-2011, 06:58 AM
بت ملوك النيل

· من أغانى 1932

· لحن وغناء كرومه.. وغناها أيضا فنانون كثيرون..

· بت ملوك النيل أحدى اللواتى جاد عليهن القدر بالخلق والأخلاق… فكانت آية التكميل ( ومراية الجمال الفيها كل جميل ) ومثلما أتت هذه الأغنية محتوية للنيل والأصالة السودانية فقد عاصرت نقيض ذلك من أخلاقيات دخيلة علينا ، فنسب آخرون صياغتها لأنفيهم والبعض أرجعها لأبائهم ومهما يكن فأنها بنت ملوك النيل ولا يمكن أن تكون يتيمة وحيدة وانما هى منظومة فى عقد ..)

يا بت ملوك النيل يا أخت البدور

مين لى علاك ينيل فى البدور والحضور



الجبرة فيك بتخيل محمية الحما

الما حام حداه دخيل

ما أبوكى بخيل بت عز الرجال

أهل الدروع والخيل

والهنا… والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

الهيفا يا الخنتيل حروف آيات محاسنك

أرتلن ترتيل

يعجبنى فيك تمثيل أخلاق الملاك

فى سطوة القتيل

الفارس الجسور

غصنك رطيب وعديل شعرك ليل

جبينك يخجل القنديل

النور عليكى سديل يا معنى الجمال

الما أتوجد له عديل

فى ناس ولا حور

فقتى الكانوا قبيل ما خدات فى الجمال

جائزة نوبيل

حيرتى كل نبيل عيناك سحرهن

يسحر سحر أبابيل

يخترق الصدور

يا صاحبة الأكليل ما أظن النهار

العين تدور له دليل

محياك نوره جليل كنت أقول شمس

لو ما الزمان كان ليل

أن عليك نور

لا زلت ليك أميل يا رمز السعادة

الما أتوجد له زميل

يا آية التكميل يا مراية الجمال

الفيكى كل جميل

ريحانة العصور

الوان
09-05-2011, 07:00 AM
أقيس محاسنك بمن

· من أعانى عام 1934 م

· لحن وغناء سرور.. غناها أيضا فنانون كثيرون..

· سجلها للاذاعة الثنائى ميرغنى المامون وأحمد حسن جمعة .

· ( أقيس محاسنك بمن أغنية ذات مدلولات عديدة وينبغى الرجوع لخلفيتها حيث كان الثلاثى الغنائى آنذاك يتكون من سرور والأمين برهان وكرومة… وشاء قدرهم أن يفترفوا لفريقين .. سرور وحده والأمين وكرومة ثنائى.. وبالتالى تحدد ميول الشعراء بصورة قاطعة فانقسموا لقسمين.. وظل التنافس قائما ليحدد البقاء للأصلح ، وكان اللقاء المنتظر فى ليلة ساهرة على مسرح نادى الخريجين بأمدرمان ، وكان المفاجأة أداء الفنان سرور لأغنية ( أقيس محاسنك بمن ) وكانت للفنان طريقته الغنائية الخاصة وهى الرقص الموقع الموزون والتحرك المستمر فى جنبات المسرح مما جعل الجميع يتسائل : ( دى الدنيا أم جنة عدن ) ؟!





أقيس محاسنك بمن

يالدر الماليك تمن

نور عينى نور الزمن



ما شفنا فى طول الزمن

سواك بدرى فى داخل كمن

الأنوار .. يتزاحمن

فى خدودك أخدن أمن

ومن فاهك يتبسمن

بروق فى بروق يتقسمن





دى الدنيا أم جنة عدن

شفنا ملاك لا بس بدن

إنسان لكن مفردا

حاز النور حاز اللدن

غصنه مهفهف أملدا

وهيبة أسد فى عيون شدن

يا الجبرة المازجة العجن

وجسمك بالطيب انعجن

إذا النسمات بيك عرجن

طبقات الجو يتأرجحن

والأنفس يتهيجن



أنت نرجس من الوسن

لعيونها الأعين جسن

وأن آية الحسن الأسن

وغصون الروض يتمايسن

فى ذلك الزى الحسن

وكل حسن مالك حسن



روضك زى عارضين صفن

حلاك سحرك ماسحر فن

كواكب النور البلصفن

بصفاتك ما أتوصفن

بدور الكون لو ينصفن

يسجدن ليك ما يكون وفن

فيك عيون بالحسن إزدرن

ومهما أفكارهم يكبرن

زى حسنك ما يعبرن

مع البدرين سيرك سرن

ومن وزنك هن يقصرن

الوان
09-05-2011, 07:01 AM
نظرة يا السمحة أم عجن

لو كان قليل تبرى الشجن

أعرف صفا الأيام أفيق

أنظر جمال تلك الوجن




دولات صدودك ماوعن

الام وبى اتدرعن

ابكى واصبح متضرعاً

يا ناس دموع عينى ترعاً

وأحمونى ما رضنى الظغن

أمالى جور لى قاطعن

أحشائى هديل أتقطعن

بالفرقة نشابك طعن



يا منبع النور والفطن

يا الفقتى يعرب والوطن

فى جوفى من حبك قطن

يا جاهلة مليون ألأف طن



كيف أٍلى عينيك والوجن

يالبسمتك نور الدجن

جسمك حرير ناسجة العجن

ناضر وباللون انعجن

الضاوية زى خديك من

فى الدنيا يا نور الزمن

أرواح نسائمك لى رمن

نرجس مزج لى مسك اليمن

محلاك يا الجيدك شدن

يالعمرى فيك ضائع سدن

انا عندى شوفتك يا اللدن

أفضل من الروح فى البدن



يا منبع الذوق آه يا من

حبك غرز فى الجوف كمن

يا غالية قط ما ليك تمن

إن هب او جار الزمن

ليك السلام ما ولعن

خديك بالنور يلمعن

وعدد النجوم ما يطلعن

يرضيك وبيك لى يجمعنمن اغانى سيد ايضاً نظره نظره استمتعو

الوان
09-05-2011, 08:08 AM
قسم بي محيك البدري غرامك منو ضاق صدري
حبيبي البي العليّ تدري

المحي نور ليلة القدر نصب قوس حاجبو لي غدري

ومعاك في داخل الخدري فؤادي المالكو من بدري»

حمام الأيك والقمري يصيح ينبيك عن امري........

وبين عواسلك السمري روايحي وفاكهتيوخمري....

أراك وتوفي بي نذري دموعي الفي الوجن تزري........

حنانكما عليك وزري انا قاسيت الهوي العزري.......

صحيح لجروحي لا تبري وهواك بيرضاي ما جبري.....

وبسيمات فاهك التبري يا جميل آه كم قللت صبري......

اخاف يحسدني فيك دهري ويحرسك سري عن جهري.....

وحرسك قوس حاجبكالشهري جويهرات خدك الزهري.......

فبالك وين اجد فكري ومصافحة اليمينسكري........

ببالك هل يمر ذكري وامامك شكوتيوشكري.......


......./ من قصيدة ..قسم بي محيك البدري

* هذه الكلمات النواصع كانت لابي صلاح شاعر الحقيبة الذي وهبها وهج روحه وانفاسه ومشاعره،

الوان
09-05-2011, 08:09 AM
http://www.youtube.com/watch?feature=player_detailpage&v=qQQM3QcCzU0

الوان
10-05-2011, 12:10 PM
الشاغلين فؤادى

الشاغلين فؤادى وتايهين فائتين
يكفى البى زارف دمع المايهين

سال القبلى شايف لى برقاً لمح
والصيد فى الخمائل ياناس اجتمع

قوموا يا احبة نسترق السمع
مابطيق القعدة والبان اجتمع

هجر احبابى لى يامولاى قدروا
انسلبت نحولى واعضاى خدروا
لامونى العوازل بحالى اذدروا
هم خايفين دلالو تايهين مادروا

سامرت الكواكب لما الفجر لاح
ونادى الفجر نادى وقال يا اهل الصلاح
صلو الوقت حاضر قاوا اهل الصلاح
انا والليل قايمو لى خيال لى لاح

النسيم عاودنى اقوم من نومى صاح
مشغول فكرى حاير مشطوب إنشطاب
يانسيم بالله تجيب رد الخطاب
اوعى الجاهلة نية وما بتحمل عتاب


غنأ البلابل

الوان
10-05-2011, 12:12 PM
[URL="http://www.sm3na.com/song30134.html

الوان
10-05-2011, 12:20 PM
http://www.youtube.com/watch?v=4jD-FO34Yjg&feature=player_detailpage

البلايل فى الزمن الجميل قبل الانقاذ

الوان
10-05-2011, 12:25 PM
http://www.youtube.com/watch?v=_sB_hisJHfs&feature=player_detailpage

الوان
10-05-2011, 12:26 PM
http://www.youtube.com/watch?v=KCGSBXlqAG4&feature=player_detailpage

الوان
10-05-2011, 12:26 PM
http://www.youtube.com/watch?v=ZD0y02Frm5s&feature=player_detailpage

الوان
10-05-2011, 12:38 PM
المصيــر


ليه بنهرب من مصيرنا ونقضى ايامنا فى عذاب
ليه تقول لى انتهينا ونحن فى عز الشباب
***
نحن فى الأيام بقينا قصة ما بتعرف نهاية
ابتدت ريده ومحبه واصبحت فى ذاتها غاية
كنت تمنحنى السعادة ولى تتفجر عطايا
ولما أغرق فى دموعى تبكى من قلبك معايا
***
كنا فى ماضينا قوة قوة تتحدى الصعاب
نقطع الليل المخيم ونمشى فى القفر اليباب
كنا للناس رمز طيبة وكنا عنوان للشباب
وهسى تائهين لينا مدة نجرى من خلف السراب
***
تأنى ما تقول إنتهينا تنهى جيل ينظر الينا
بانى أماله وطموحه ومعتمد أبداً علينا
نحن قلب الدنيا ديه ونحن عز الدنيا بينا
تانى ما تقول إنتهينا نحن يا دوب إبتدينا



لو قلت حياتى ليك


لو قلتا ليك حياتي بيك وروحي ليــــــك تفدي عينيك
بـــــــــرضــــــــو شـــــــويـه شـــــــويـــه عـــــلـيـك
لـــو كــــــان غــــــرامـك فـي الأزل مـكـتـوب لغيرى
خـلــيــــــنـي عـــايـــش بــالأمـــل مــرتــاح ضميرى
ودارى عــــن قــلبى الحقيقه أخدعنى صور لىّ جنه
مـــوجــــوده فــى أفــــق الـــمــحـــــــــنــه الـقــاها
حـــان الاجـــل وحــــــــــيــــاتـي تــبـــدأ يــوم لـقاك
لو كان غرامك في عيوني نظره عابــــره كنتا بكيـتك
ومسحتا دمعاتى الغوالى ومسحتا صورتك من خيالى
كنتا نـسـيـت كــنــتـــــا نسيتك لكنك اكتر من دموعي
انت ارتعــاشــات الـشـمـــوع وانت خفقات الضلوع
انــتــا انــا وانـــتـا وانــا يــا ذاتــي كـيف انساك انا
لو كـــان غـرامك في عيوني نظـره عابره يا حبيبي
أنا بعدها اصـبحـتا ذكـري يـملكـني احساس الغريب
غـريـب بـلاد وغـريـب اهل وبلادى في سواد المقل
اراهـــا يـــزداد حــبـي ليـك ويزداد شعورى بالحياه
وانـادي لـيــك يا روحي ليك عبر المسافات البعيده
بيناتنا دنــــيـــنـــا السعيده دنيا الأمل الدنيا السعيده



لو بعدى بيرضيه


لو بـعــدي بـيــرضـيــــه وشـقـــــاى بهنيه
اصـبــر خـلــيـــه الأيــــام بـــتــــــــــوريه
يا قـلــبــى خــلــيـنى كـل لـحـظــة مبكينى
مالــو قـصــدك تـتـعــذب وبـعـذابك تفنينى
زاد حـبـــك نـســـاه اشــواقـــى وحـنـيــني
عـشـــرتــنـــا الـطــويــلـه وخوتنا يا حليله
أمــالـــنــــا واحــلامـــنــا اتناساهم فى ليلة
كـيــف اقـبــل عـواطـفــك والـعــازل دليله
حــاول مــن مــره واكـتر من مره يرمينى
بالـنــظـــرات الجـارحـه وبالهجر البكوينى
امـــشــي وأســـأل عـنـه يـتـحاشى يلاقينى
يا ظـالــم يــا جــائــر لـو تـدرى الحـقـيـقـة
الــوان مــن عـــذابــك مــا بــقــدر بـطـيقه
زيدنى عذاب وانساك أنا لو عارف طريقة



ليه تعتذر ليه


ليه تعتذر ليّ أنا ما بكن ليك
غير كل حنيه من قلبي وعينيه
بتبكي ألحاني وتشكي حرمانى
راحت افراحي وحلت أحزانى
بدور اتوب وانسى وخايفو ينسانى
أملى ضيعتو شبابى افنيتو
عمرى كيف يرضيك باكي قضيتو
بترعى حب غير حبي وحبي ما راعيتو
السنين مرت وأنا مستني
منتظر منك رد يطمني
ليت يسعدني أو حتى يحطمني.



ليــه بتســأل


ليه بتسأل عني تاني بعد ما شلت الأماني
رحت خليتني لزماني انت عارفه علىّ جاني
***
لو بتفتكر الليالي تداوي غلبي
ولا تاني ترجع الافراح لقلبي
انت واهم يا حبيبي
***
دي اللـــيالي أمــرَّ ليه من دموعي الفي عينيه
وكل لحظـــة تمـر عليه تنقص الايام شويه
وتطفي شمعاتي القليله وافضل ابكي واقول حليله
في الدمـوع أنا كل ليله أدفن اشواقي وحناني
***
من حياتك ســرّ حياتي كنــت أجمــل أمنياتي
عهــدي راح ما اظنه آتي وما فضل غير اغنياتي
مرة اضحـك ومرة ابكي مــرَّة اتحـمّل اســاي
مرّة أهــرب منُّه واشكي واعتبـــر حبّك حكـاية
وعشــت فيها بكل روحي وارتضيت سهديّ وجروحي
كنت داري وكنت دوحي وانطفيت يا نــور زمــاني



مين قســـاك


مـيـن قـســاك مـيـن قـسـى قلبك آيه نساك يا ناسى حبك
عـشــتا سـنـيــن وسـنـين طويله فى الحرمان أنا كل ليله
الآلآم ابـكـت عـيــونى والآهــات واصـــوات شـجــونى
شوف عـيــنـى كــم ألـمــونى عـشانك انت يا ناسى حبك
دون النــاس يــا دنـيــا مـالى طال صبري وزاد انشغالى
مـال قـلــبى لـلــقـلـبـو خــالى ميـن قساك ونسيت يا سالى
يا مـحـيــرنى يـا حــلــيــل ليــالى عاشو هناه قلبى وقلبك
هل رضيك سهدى وعذابى كيف يرضيك حرمان شبابى
حبى اليـــك ابـكـى الـنــدامــه وحـبــك لى عـمره ابتسامه
مـضــت أيــامى حسـرة وندامه والأحـلام يا حبيبى قربك
يشهد لى اللــيـل وصــمـتــه ضـقـت الـويـل والهم عرفته
كاس وراء كاس المر شربته أدارى عـذاب قلبى الحرمته
ميـن قـسـاك وآيـه الكــسـبـتـه بتكوي عيونى عاشت تحبه
ميــن قـسـاك ميـن قـســى قـلـبـك آيه نساك يا ناسى حبك .



ما تسمع كلام ما تصدق وشايه


ماتسمع كلام ماتصدق وشايه
مهما يقولوا ليك حكايه وراء حكايه
ديل حساد وحاتك غايريني من هوايا
ديل حساد بغيروا من حبي وغرامك
يا الزاهي في قوامك يا الراقي في كلامك
ما تشمت علي وتبخل بى كلامك
العاطفه الفي قلبي شمعه ونورها انتي
ماممكن تضوي لو ما انتى بنتا
لو ما ديمه شفتك باسم لىّ انتى
اليوم البمر وين نلقاهو تانى
صابحني ببسمه ومسيني بأماني
افديك بحياتي واغمرك بحناني



يا زاكى العبير


يا صباح يا زاكي يا زاكي العبير
سلملي عليهم عليهم كتير
أدخل بنورك في الحجر
وأغري السلام كل الزهر
قول ليهو عاشقك كان صبر
على نار فراقك يا نضر
اهلاً بنورك يا صباح
من شع في الأفق ولاح
خلى الجميع بالفرحه صاح
حمدا لمولانا القدير
شوف الحبيب تلقاهو نور
اشرق معاك صحى الزهور
غنت على حسنو الطيور
في واحة الوادي الشجى
فكر كتير في منظرو
وبعيون شعاعك انظرو
كلم ضياك ما يسحرو
لو شاف جمال وجه المنير
كم في الصباح منظر يسر
كم في الصباح أعمار تمر
تزهو البلاد والشعب حر
نحو الكمال دايماً يسير



نفسك أبــيـــــه


نفسك ابية وروحك خفيفة وليك جازبية
ليك جازبية وروح من رقة النسام
ماخوزة من انفاس السوسن البسام
سمعت بى اشواقى من عالم الاجسام
للعالم الروحى
حيث الجمال يوحى
روائع الالهام
ياكوكبى السارى
نورك يزيد نارى
انا الذى اهديتك كل اشعارى
وسبحت بى معانى جمالك اوتارى
وهبت ليك باقات من روضة اشعارى
تعال نهار وليل شوف العلى جارى
او اسال النجم حولك

الوان
10-05-2011, 12:42 PM
http://www.youtube.com/watch?v=A2flWMdCKRc&feature=player_detailpage

الوان
10-05-2011, 12:42 PM
http://www.youtube.com/watch?feature=player_detailpage&v=_du-MashmVU

الوان
10-05-2011, 12:43 PM
http://www.youtube.com/watch?v=rQNbmU4eXiA&feature=player_detailpage

الوان
10-05-2011, 12:43 PM
http://www.youtube.com/watch?v=wGLfvJUMoPc&feature=player_detailpage

الوان
10-05-2011, 12:44 PM
http://www.youtube.com/watch?v=J8vOnlqQxvg&feature=player_detailpage

الوان
10-05-2011, 12:45 PM
http://www.youtube.com/watch?v=2LKgYcuQjTk&feature=player_detailpage

الوان
10-05-2011, 12:45 PM
http://www.youtube.com/watch?v=rZqYF4knfkA&feature=player_detailpage

الوان
10-05-2011, 12:46 PM
http://www.youtube.com/watch?v=9HshiuTYwPg&feature=player_detailpage

الوان
10-05-2011, 12:47 PM
ابراهيم عوض كفايه بكره نشوف الجابرى ومعاهو خوجلى عثمان

الوان
11-05-2011, 08:42 AM
كلمات الشاعر المبدع
كامل عبد الماجد


مـحـبـوبــى وكــتــيــن يـبـتــســم
الــدنــيــا يـــانـــاس تـنـقــســم
الفرحه تملاهـا وتزغـرد فيهـا والشـوق يرتسـم

مــرات اقــول اديـهــو كـلـمـه تـزعـلـو
حبة عـذاب وكـلام عتـاب انـا عارفـو مابتحملـو
علشان اشوف خده الحريـر الدمعـه جاريـة تبللـو
لكنـى قبـال ابــدا بلحـظـات اقـيـف اتامـلـو
الضحكة واللفته البتاخد من عيونى النوم شهور وتجفلو
وانسى العتاب الكنت نـاوى اقولـه وارجـع منهـزم
الــدنــيــا يـــانـــاس تـنـقــســم
الفرحه تملاهـا وتزغـرد فيهـا والشـوق يرتسـم

فى العيون ببنيلـو داريـن مـن مـوده ومـن منـي
بضمه فى قليبـى إنبسـاط و محبـه فياضـه وهنـا
مـاردت غيـره ولاهــو راد زولا ســواى انــا
نظراتـه كيفـن اوصفـا دى الفـى عيونـي مدونـا
همساته تحنـان القمـارى الراجعـه للعـش والجنـا
وتــضـــوى والــلــيــل يــنــهــزم
وكــتــيــن يــبــالــغ ويـبـتــســم
الــدنــيــا يـــانـــاس تـنـقــســم
الفرحه تملاهـا وتزغـرد فيهـا والشـوق يرتسـم

الوان
11-05-2011, 08:43 AM
http://www.youtube.com/watch?v=YQpfHZihlWE&feature=player_detailpage

الوان
11-05-2011, 08:45 AM
الشاعر: سيد عبدالعزيز والرائع أحمد الجابري


ياحليف الصون فلتدم في علاك
إنت زول معصوم ولا إنت ملاك
إنت بدري وكيف الخدر ظلاك
أنت كوكب نور تشتهي الأفلاك
فيك كم آيات يالحياك جلاك
منظر الساحرات ومنظر الأفلاك
ياجميل النور ماسه من عيناك
منظر الأنوار طالعة من مغناك
والشباب يترنم بي معاني غناك
والجمال الفيك عن مديح أغناك
كل معاني اليوم طالعه من معناك
تبسم الأيام لوبسمت سناك
الزهور والنور بانو في وجناك
والزي جمال الحور زيه فتو هناك
مهما أجيد أوصـاف أشوفها حامله صفاك
يانـقـي اللــون أيه أقول في صفاك
الحريــر يخشــى للصفا الصافاك
والتبــر يبـقــى زي صفر لصفاك
تخشع الأبصار من شعاع محياك
وعُقَّل الأفكار يسرحن في ضياك
النفـوس في هواك يالهواك في حياك
أنا عندي يوم الفوز حبيبي يوم رؤياك
الـرآك غير شك بي حبيبه رعاك
ليه لأنه يشوف كل شئ يرعاك
حتى نور الكون حجبوه معاك
يابـهـي الطلعة أنا كيف خلاصي معاك

الوان
11-05-2011, 08:46 AM
http://www.youtube.com/watch?v=ICIuxSMrp4g&feature=player_detailpage

الوان
11-05-2011, 08:50 AM
( البـــلوم)


البلوم فى فرعو غنى طرانة ياحبانة أهلنا

*****

طرينا مشوار العصارى و رقشة الورد البرارى

البريـــد دايــر يــــدارى و القلوب دايرة المحنة

*****

الغمامه حلات رحيلا فوق روابينا الجميلــة

الطيور جات لمقيلا كلموها خلاص رحلنـــا

*****

يالدموع لبتين تفارقى يالدروب لبتين تلاقـــى

أبكى يادموع السواقى حظنا العاسر حرمـــنا

*****

الزمن عزبنا يامـــــا حرمنا وشال الابتسامة

يالمسافرين بالسلامة أشرحوا الحال لي اهلنا

الوان
11-05-2011, 08:50 AM
http://www.youtube.com/watch?v=7ixw0ZQjtO4&feature=player_detailpage

الوان
12-05-2011, 08:19 AM
الفنان الراحل خوجلي عثمان


ولد خوجلي عثمان في السودان _الحلفايا _ وهو فنان ذو صوت جميل وأخآذ بدا مسيرته الغنائية عبر برنامج (ساعة سمر ) وتغني حينها باغنية اسمعنا مرة التي كانت بداية انطلاقته نحو النجومية .. توفي في يوم 10 /11/1994 حيث مات مقتولا داخل اتحاد الفنانين بام درمان بواسطة معتوه بدون سبب جناه .. وكان عمره حوالي الاثنين والخمسين عاما ..

الوان
12-05-2011, 08:21 AM
حتى الغناء أرزاق تتجه لحناجر محظييها لا تخطئهم القسمة، و(أسمعنا مرة) الأغنية ذائعة الصيت التي برغم رحيل مغنيها ما زالت حية تعيش في آذان المستمعين، الأغنية التي كتب أبياتها اسحاق الحلنقي أواخر ستينات القرن الماضي دفع بها -على حد قوله- لـ «الرأي العام» للملحن عبد اللطيف خضر ود الحاوي، كانت تجمعهما أمسيات أمدرمان الهادئة لصياغة إبداعهم قبلما يفكرون في من تصدح بها حنجرته، ذلك لكثافة الإنتاج الإبداعي وتدفقه، فالحلنقي بعد أن بلغ به (الطناش) مبلغاً كتب (اسمعنا مرة) ولحنها ود الحاوي وكانت الفكرة إعطاءها لفنان يعتلي ساحة الطرب حينها (لم يفصح عنه اسحق)، الصدفة وحدها جعلته يلتقي بخوجلي عثمان.
الظاهر جيداً حينها وطالبه بأن يمنحه أغنية يصدح بها، الراحل خوجلي كان يردد أغنيات الشفع كثيراً إبان ظهوره ورغم شهرته حينها ولكن اسحق قال لم أكن قد سمعت غناءه بعد.
يعود الحنلقي متذكراً: في بداية العام 1970م كنا مجموعة من الفنانين والشعراء نشارك الفنان زيدان ابراهيم مناسبة سعيدة في منزلهم بأمدرمان، وجاء الراحل خوجلي وتغنى ككروان، فقلت للحاضرين هذا (الكروان) لن تنج حنجرته من أغنياتي، فمنحته (اسمعنا مرة) لتصبح أكثر أغنية أحب أن (استمع) إليها واستمتع بها. لقد زادت من شهرتي وثبتت أقدام الراحل خوجلي عثمان الفنية، حتى أنه كلما أُستضيف في مقابلة إذاعية ابتدأ بها غناءه وزجني في ذكر شكره العظيم.

الوان
12-05-2011, 08:25 AM
اسمعنا مره


اسمعنا مره وحاتنا عندك اسمعنا مره
الدنيا تبقى مافيها مره
والكون يلالي بهجه ومسره
حن في عمرنا كايسنو مره
وان قلت لا لا هم واستمره
ـــــــــــــــــــــ
ان درنا نشكي وين نشكي ليكا
وين نلقى دنيا تجمعنا بيكا
كنت بتجينا ياحليل مجيكا
وان ضاع عمرنا محسوب عليكا
ــــــــــــــــــــ
انت البتنهي وانت البتأمر
ان قلت نشقى نشقى وان قلت نصبر
زي الفراشه في سمانا تخطر
نادر وجودك في الدنيا يندر
ـــــــــــــــــــ
نحن المشاعر جنات حبيبه
بسمتنا راحه وعالمنا طيبه
دايرين عيونك تصبح قريبه
شان كل حلوه في الكون نجيبا

الوان
12-05-2011, 08:31 AM
http://www.youtube.com/watch?v=eAJlmaSYL20&feature=player_detailpage

الوان
12-05-2011, 08:38 AM
مابنختلف
مابنختلف مابنختلف

درسني بس قانون هواك

بحفظ حروفو حرف حرف

اول بشيل الضمه ديك

وابدي السكون حرف الوقف

واكسر عيوني امام عينيك

واحفظ ملامحك بالوصف
**
القصيده من كلمات الشاعر العملاق حسن الزبير
التي استخدم فيها حركات الاعراب كنايه مباحه لكلمات الغزل
المتواريه في شكل حركات الاعراب وقد ابدع في اختيار اسماء
القواعد والصرف
وقدمها للفن السوداني علي اجود مايكون الراحل المقيم
الفنان خوجلي عثمان رحمه الله

الوان
12-05-2011, 08:39 AM
http://www.youtube.com/watch?v=t60rD1npY-w&feature=player_detailpage

الوان
12-05-2011, 08:42 AM
ماشة وين ياروحي ماشة
وفي الدروب سايقاني غاشة
دي الرويحة المني طاشة
مابتخون محبوبا حاشة
*****
ياروحي مالك باالشدائد
انا غير حبائب همي زائد
دة التعب الفي الضمائر
واشقاوة القلبو رائد
****
ياروحي هاجري وفتشي
وهاجري عاد كان تلقي شئ
انا مهما مهما فترني المشي
انا عندي زول بقي كل شئ
زووووول بقي كل شئ

الوان
12-05-2011, 08:43 AM
http://www.youtube.com/watch?v=EpVuPqlndlI&feature=player_detailpage

الوان
12-05-2011, 08:44 AM
http://www.youtube.com/watch?v=hzWx-62pZKU&feature=player_detailpage

الوان
12-05-2011, 08:45 AM
http://www.youtube.com/watch?v=P5aQ1XDZBwU&feature=player_detailpage

الوان
12-05-2011, 08:46 AM
http://www.youtube.com/watch?v=4KyPZkBgGVE&feature=player_detailpage

محمد عثمان
13-05-2011, 10:29 PM
رائع يا ود اخوي .بس أكتب لينا اسم الشاعر .

الوان
14-05-2011, 08:29 AM
رائع يا ود اخوي .بس أكتب لينا اسم الشاعر .

حاااااااضر:oao9:

الوان
15-05-2011, 12:05 PM
يا فتاتـــــــــي
الطيب محمد سعيد العباسي
غناء: الطيب عبدالله

في ليلة من ليالي الشتاء .. في ميدان الجيزة بمصر .. رأيتها تتهادى كغصن بان تأود، وعلى كتفيها الفراء الأبيض الجميل، وعلى صدرها الصليب – أرسلت لها قبلة مع الهواء؛ فثارت وقالت لي «اخرس .. يا أسود .. يا بربري ... مد رجلك على قدر لحافك» فأنشدت أقول:

يا فتاتي ... ما للهَوى بَلَدُكُلُّ قّلبٍ في الحُب يَبْتَـردُ
وأنَا مَا خُلِقتَ فـي وَطَـنٍالهَوى في حِمَاهُ مُضطهَـدُ
فلـمَـاذا أرَاكِ ثَـائِــرةًوَعَلاَمَ السِّبَـابُ يضطـرِدُ
والفراءُ الثميـن منتفـضٌكفؤادٍ يشقى بـه الجَسَـدُ
ألأنَّ السَّـوَاد يغْمُـرنـيليس لي فيه يا فتـاةُ يـدُ
أغريبٌ؟ .. أن تعْلَمي فأنالي دِيَارٌ فيحا ولـي بلـدُ
كَمْ تَغنيـتُ بَيـنَ أرْبُعِـهلِحبيبٍ فـي ثغـرِه رَغَـدُ
وَلكـمْ زَارنـي وطَوَّقنـيبذراعيـهِ فَاتـنٌ غَــرِدُ
أيَّ ذَنبِ جَنيـتُ فانْدَلَعـتثورة مِنك خَانهـا الجَلَـدُ
أو ذنبي في قبلةٍ خطَـرتمَع نَسيـمٍ إليـك يَتئـدُ؟
ألِهذا فالنهْـدُ مُضَّطـربٌ؟ولهـذا العيـون تَتـقِـدُ؟
ولماذا هذا الصليبُ تُـرَىبينَ نهْدَيـك راح يرْتَعِـدُ؟
خبريني ذات الفراء فقـدجَفَّ جناني وأحْدَبَ الرَّشَدُ
أيَمُّـر النُميـر بـي ألِقـاًوأنـا ظـامـئٌ ولا أرِدُ؟
أو غيري هـواكِ ينهبُـهوفؤادي لدَيْـكِ مُضطهـد؟
أليَّ الهَجْر والقِلـى أبـداًولغيري الشفاهُ والجسَـدُ؟
لي كغيري يا زهرتي أمَـلٌوفؤاد يهوى ولـي كَبِـدُ
لي بدنيايَ مثلمـا لهمـولِي مَاضٍ وَحَاضِـرٌ وغَـدُ
فالوداعَ الـوداعَ قاتلتـيهَا أنا عن حِمـاكِ أبتعـدُ
سَوفَ تنأى خُطايَ عن بَلَدٍحَجَرُ قلبُ حوائـه صَلِـدُ وسَأطوي الجراحَ فِي كبديغَائراتٍ مَـا لهـا عَـدَدُ

الوان
15-05-2011, 01:11 PM
أغنية نسيم الروض زورنى في الماسية من اغانى سنة 1936 ولقد قالها /عمر البنا
وهو فى بيروت يعانى البعد والغربة .. سجلها للإذاعة أولاد شمبات كما تغنى بها الفنان صلاح بن البادية.. ولقد أجرى فيها عمر البنا حوارا مع النسيم ويدعوه إلى زيارته بعد أن يتعطر النسيم بطيب المحبوبه لينعش بهذه النفحات روحه التي تعبت وأنهكت من الم الفراق والبين...
ولكن هذه النفحات كانت عطرة وقوية لتغمر كل أرجاء البلد باديته وحاضرته وظن الشاعر
إن النسيم قد عانق المحبوبه فأطفت عليه هذه الرائحة الذكية ...وعندما جاءت إليه النسمات وجدت عيونه تجرى فيها الدموع ولكن النسيم طمأنه وقال له إن محبوبته تعلم بحاله من الحب والوجد ودائما في ذكرته ..
يا نسيم الروض
******************
يا نسيم الروض زورنى في الماسيه
وجــيب لي الطيب من جناين آســيا
وأنعــــش روحي من الـــم البين
*******
نسيم الروض نفــحاتك بــاديه
غمرت أرجاء الحضر والباديه
أظنك مريت في ساعة هاديه
وعانقت غصين الزهره الناديه
********
جاتنى النسمات بطيبك ساريه
وجدت عيني دموعن جاريه
قالت ياعشوق محبوبتك داريه
بحـــالك وليك دائمــا طاريه
******
شكرا يا نســيم أخبارك وافيه
لكن رياك لشــفاى ما كافيه
ما اظنى أطيب وأشوف العافيه
غير ما أنظر الجميلة وجافيه
*********
زوري في الطيف ياغانيه
انا روحي للمـــوت دانيه
لو أشوف ناعساتك رانيه
الامــــى تضيع في ثـــانيه
******
ياخــــلاصة الدرة الغــاليه
غير فصدة خدودك حــاليه
ليك حق لو لعاشقك ســـاليه
مادام فاتنه من حب خــاليه
********
نيران هجرك لاعضاى كاسيه
مازينى جفاك ولى ما ماسيه
كيف شوفتك ما تصبح قاسيه
والنجوم قصرت لعلاك ما مواسيه .....

الوان
15-05-2011, 01:23 PM
عزة في هواك

الشاعر خليل فرح

عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محال
وبحسب النجوم فوق الرحال
خلقه الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمال
ولا ابتغيت بديل غير الكمال

* * *
وقلبي لي سواك ما شفتو مال
خذيني باليمين وأنا راقد شمال
عزة ما نسيت جنة بلال
وملعب الشباب تحت الظلال
ونحن كالزهور فوق التلال
نتشابي للنجوم وأنا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما اشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال

* * *
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجو الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدي كل يوم عظمة ازداد جلال
عزة في حذا الخرطوم قبال
وعزة من جنان شمبات حبال
وعزة لي ربوع أم در جبال
وعزة في الفؤاد دوا يشفى الوبال

الوان
15-05-2011, 01:27 PM
نحن ونحن الشرف الباذخ

دابي الكر شباب النيل

قوم وم كفاك يا نايم

شوف شوف حداك يا لايم

مجدك ولي وشرفك ضل

إمتي تزيد زيادة النيل

نحن نطارد العنزة الفاردة

نحن نزود مشارع النيل

نحن برانا نحمي حمانا

نحن نموت ويحيا النيل

ما بنندس ما بنتوصي

نحن نكيل برانا نشيل

نحن الطينة ومطر العينة

نحن الوادي برقه يشيل

نحن الصولة سيوف الدولة

نحن كنانة اسماعيل

بابه العالي وشرفه الغالي

كان لجدودنا ظله ظليل

يا حكامنا جيبوا البينه

ولا انقرعوا كفوا الشينه

ده ود عمي وده ضريب دمي

انت شنو طفيلي دخيل

يا نزلانا أمرقوا الذمة

كيف ينطاق هوان الأمة

شالوا حقوقنا وزردوا حلقونا

ديل عاوزين دمانا تسيل

من تبينا قمنا ربينا

ما اتفاسلنا قط في قليل

ما فيش تاني مصري سوداني

نحن الكل ولاد النيل

ايضاً من كلمات خليل فرح

الوان
15-05-2011, 01:31 PM
كان خليل فرح عضواً بجمعية الاتحاد السوداني التي تكونت عام 1921م في بيت محي الدين جمال أبو سيف ، ومن أعضائها المؤسسين توفيق أحمد البكري وبشير عبد الرحمن . وكلهم طلاب كلية غردون عصرئذ . واتصل بها خليل . وكان هدف الجمعية وحدة وادي النيل . ثم صار من أعضائها مدثر البوشي والأمين على مدني وعبيد حاج الأمين وبابكر قباني وتوفيق صالح جبريل وغير هؤلاء .

" لم يقف أعضاء الجمعية والمعتنقون لمبادئها عند هذا الحد بل نزلوا إلى الشارع مع الشعب يرفعون شعار : شعب واحد ـ نيل واحد ـ دين واحد ـ وهو المبدأ والشعار الذي يدين به أعضاؤها إلى اليوم . وهو أيضاً الشعار الذي هزم به الاتحاديون الانجليز وهو في أوج جبروتهم ، ومعهم سدنتهم ، رغم السلطة والمال . ثم وبهذا الشعار نفسه احتلوا الآغلبية الساحقة من مقاعد أو برلمان سوداني " (14)

وكانت الاحتماعات تتم منتظمة في الخفاء ، خوف بطش السلطة الانكليزية ، وأن بطشها لشديد . وربنا أشار إلى هذا خليل حيث قال :

خبِّي كاسكْ لا ينُوبنا نابْ ****** أصلُه خشم المركزْ ذئَـــــــــــــــــــــابْ
نحنَّ من الليث في جَنَابْ ****** ما بِصَحْ تبريم الشَنَـــــــــــــــــــــــــابْ

والمعنى ظاهر ، أن الشرطة تتربص بشاربي الخمور ( أنظر الهوامش ) غير أن المعنى قد يشير إلى تربص الشرطة عموماً ، وأخذها الوطنيين بالشدة ، ولعل الاجتماع في دار ( فوز ) كان أساساً لمثل هذا الغرض السياسي ، واتخذ سمة الندوة أو الجمعية الأدبية " والقعدات " :

" وينفرد منا شخصان نعرف ما هدفهما ، إنهما محي الدين جمال وتوفيق صالح جبريل ، من دعامات تلك الجمعية السرية ( الاتحاد ) وقد دأبا أحياناً على اعداد منشورات يحضان فيها على كراهية الحكم القائم ، وكانا مع بعض أعضاء آخرين يقومان بإلصاق تلك المنشورات عند الغسق في أماكن عديدة بالمدينة " (15)

ومن بعد جمعية الاتحاد ظهرت جمعية اللواء الأبيض ، ويرى حسن نجيلة أن الجانب الثائر من أهل جمعية الاتحاد انضم للواء الأبيض ، بينما وقف الجناح الآخر موقف الصديق العاطف وان لم يشترك في حوادثها اشتراكاً عملياً . (16) وكان خليل داعية لما قامت ثورة 1924 لنحقيقه ولك أن تراجع قصائد مثل ( ماك غلطان ) و ( الشرف الباذخ ) وغير هاتين لترى ذلك واضحاً . اذن فقط كانت مشاركته أشعاره والحانه التي اذكت الشعور الوطني بما كانت تحض عليه من حب الوطن وضرورة تعليم المرأة الخ . ودوره كان أشبه شي بما قام به الفنان سيد درويش في الأغنية المصرية ، اذ على يديه تم تحريرها من حبسها التركي المهجن بتراث عصور الانحطاط الفكري ، حتى سطعت مصرية صميمة ، متناولة حياة أبناء الشعب البسطاء وقضاياهم :

بلادي بلادي بلادي ******** لك حبي وفـــــــــــــــؤادي

أو :
طلعتْ يا مَحْلا نُورهَا ******* شمسْ الشَمُوسَــــــــــــــــــهْ
يللاّ بنا نمِلاَ ونحْلِبْ ******** لـــــــــبن الجَامـــــــوسَـــه ْ

وكان سيد درويش يستلهم الحانه من مناضلي الحياة اليومية من العمال والصيادين وتطلع لتلحين الأوبرا ، وكتب الأوبريت ، وربنا تميز عنه خليل فرح بكتابة الشعر ، وبضوح الرؤيا السياسية وشمولها اذ كان يؤمن بوحدة وادي النيل كله ، فان كان أعلام ثوار 1924هم قادتها السياسيون والعسكريون ، فإن خليل فرح هو الوجه الثقافي لتلك الثورة .

الوان
15-05-2011, 01:33 PM
مرض خليل فرح


في سجل خدمة خليل فرح تقارير طبية أولها يوضح أنه كان أصيب بالدوسنطاريا ، وتاريخه 19 يوليو 1924 . وقضى الطبيب بمنحه إجازة مقدارها عشرة أيام . ثم بدأت علته بنزلة شعبية أوائل أبريل 1929 . وأنزله أطباؤه مستشفى الخرطوم الملكي في العام نفسه , وترسل ادارة مصلحة البوستة والتلغراف السجل الطبي لخليل أفندى فرح ورقمه 4908 . وتتعدد الرسائل بين ادارة المستشفى ومصلحة البوستة والتلغراف . هذه تسأل عن الموعد الذي يغادر فيه خليل المستشفى . وتلك ترد أنه ليس بالمستطاع تحديد يوم بعينه ولكن مكوثه بالمستشفى لن يقل عن ستة أشهر . وفي خطاب تاريخه 25 يوليو 1929 يعين مدير المستشفى علة خليل وأنه مصاب بالسل الرئوي . ويمنح أجازة شهر حسبما قضت به اللجنة الطبية . ويعود للمستشفى خليل في 29 أغسطس 1929 لينظر الأطباء في أمر علته . ويبقى شهر سبتمبر 1929 وأكتوبر وترسل مصلحة البوستة والتلغراف تسأل عن موعد خروجه من المستشفى الذي يرد مديره في 29 أكتوبر 1929 يعتذر عن التأخير ويقول أن خليلا سيمكث هناك لحين استكمال الفحوصات الطبية ، بيد أن رئتيه سليمتان ، وصحته تحسنت ، وزاد وزنه ، ولكن بقاءه شهراً آخر يفيد خاصة أنه انتكس وعاوده الداء من قبل . ومبلغ علمنا نه بقى نزيل المستشفى حتى يوم 26 نوفمبر 1929 على أقل تقدير . اذ ذلك كان تاريخ خطاب من مصلحة البوستة والتلغراف للمستشفى وفيه تسأل : متى يغادر خليل المستشفى ؟

اذن فقد امضى خليل زماناً في المستشفى ، واحصينا الإجازات المرضية التي منحت له ، بأقل من مرتب كامل ، والمسجلة بملف خدمته فوجدنا أنها تبلغ مائة وثلاثين يوماً . هذا غير ما كان قد منح له من إجازات علاج بمرتب كامل ، وما كان أمضاه بمصر طلباً للشفاء . حتى مات نزيل مستشفى النهر بالخرطوم يوم 30 يونيو 1932.

وكير ممن أدركتهم الرومانسية حملت اليهم معها توأمها : علة الرئة السل . جون كيتس وفردريك شوبان قبله ، والتجاني يوسف بشير بعده ، كتبت جون سيشل :
" لو أن فردريك شوبان ولد في القرن العشرين وليس التاسع عشر لأمكن للطب أن يمد في حياته التي احترقت على تسع وثلاثين سنة . ولا يعلم الا الله عندها ما كان يمكن أن يؤلف من موسيقى " (5) .

وعاش خليل فرح حياته القصيرة ـ جلها ـ في القرن العشرين وما أبرأ القرن العشرون وطبه سقامه . وما قتله جون سيشل من باب الافتراض ولا ندري ما كان يمكن أن يحدث .

وخليل ذكر علته كثيراً وقد سخر منها حيناً بعد حين ، أو أنه لا يعدم تعبيراً حسناً يصفها به ويصف حاله وحالها حيث تثقل عليه ، وجسمه نحيل في الحقيقة وفي مجاز الشعراء أيضاً . ووهنه وهزال جسمه هو من بعض ما يحس وهو في كلمته التي تنبئ عن صورة الداء الوحش :

ظَلَّ ينهشْ دون إنْتِقَال * * * في الأواخر فَضَّى الصّحنْ

وهي حين يقول :
عَزَّة جسمي صارْ * ** * زي الخـــــــــــــــــــــــــــــــــلال

عند مصطفى بطران هزال الشاعر المدنف :

انتحلْ جسمىٍ والمحال طِب * * * مصدرُه الزهرهْ نواحِى سُهيل

نفس المعنى في قول محمد بشير عتيق :

جسمِي المنحـــــــــــــــــــولْ * * * بَـــــــــــــــــــــراهُ جفاكْ
يا مليحْ الزَيْ

تعبير خليل كما ترى أكثر صدقاً وجمالا وليس به ذكر كلمة ( النحول ) بل هو يسخر من دائه رغم شدته :

تلك ستُُّون ليلةً هي كالسجــــــنِ أو أشدْ
صدمةٌ ليتها صدمة الأتومبيل أو الأسدْ
عِلتى وهي علتى قصةُ الناسِ في البلد

الوان
15-05-2011, 01:34 PM
خليل في ساحة الشعر الغناء

كتب الهادي العمرابي عن حال الشعر قبل ظهور الخليل قال :
" واننى آسف جداً إذ أقول تمخضت العقول فولدت كلاماً ركيكاً سخيفاً مبتذلاً ، ولكنه رغم ركاكته وسخفه وابتذاله قد وجد طريقه إلى العقول فاستعبدها و إلى الرؤوس فسكنها " (10) .

ولعله قصد إلى شعر الغناء في ذلك الزمان ، اذ ربما اتصف بما قد ذكر العمرابي أكثر من الشعر الفصيح . فذلك على ما كان عليه من التقليد والجمود قد حافظ على سلامة اللغة أكثره ، ومنه ما قد أبقى على الجزالة اللفظية . وشعر الغناء كان أعم انتشاراً من الشعر الفصيح . إذ كان هذا الأخير متاحاً لقلة من المتعلمين القارئين . وتيسر لشعر الغناء الذيوع عن طريق الحفلات الغنائية وكان يؤمها خلق كثيرون . ولا ريب أن العمرابي انما يتحدث عن أغنيات كأغنيات الطمبور ، وكان قد أسف إلى الألفاظ الدنية اقرأ :

فوق قلبي جَرَّتْ كيَّهْ شالتْ بصَرْ عينيَهْ

أو :

كُلمَا جنَّ ليلــي ازْدَادَ هَلْواسِي

ويكتب اسماعيل العتباني يقول :
" لكن شد ما ينقبض له القلب هو أن الغناء عندنا خال من العنصر الانساني السامي ، عنصر الوطنية وإلإيمان بالحق والذود عنه لذلك تجد نفوس الجماعة في بياننا خالية من جذوة المثل العليا منغمسة في بحور المادة ، وكل ما يصيب شهواتنا وبطونها من متاع ........ " (11) .

وجاء خليل ومن معه وجاهدوا لمحو ذلك الاسفاف وتلك الركاكة وذاك الضعف ويرى المبارك ابراهيم أن تاريخ تهذيب الأغاني السودانية في مبتداه لا يتعترف إلا بوجود الزعماء المجودين الثلاثة : ابراهيم العبادي ، صالح عبد السيد أبو صلاح وخليل فرح (12) وهذا قد اتسم شعره بصفة عامة بحب الطبيعة والوطن . ونقول إن القصيدة تصدر عنه بلحنها مثلما هو يشفق عليها أن تقع في أيدي العابثين . فكانت ألحانه فريدة . والعمل الغنائي يخرجه خليل فرح كاملاً كلمات ولحناً وغناء . والذي أسماه المبارك ابراهيم تهذيباً إنما كان في واقع الأمر ثورة .

الوان
15-05-2011, 01:36 PM
خليل في مصر

أمضى خليل فرح آخر اجازة له في خدمة الحكومة في مصر من ( 7 اكتوبر 1928 إلى يناير 1929) . ولعلها كانت أولى زياراته لها . ومن المؤكد أنه زار مصر مرة ثانية على أقل تقدير . وكان من أهل مجلسه هناك أحمد الطريفي الزبير وتوفيق أحمد البكري . وانزله خاله معه بحي عابدين . ثم ما لبث أن انتقل ليسكن مع أحمد الطريفي بناحية منشية الصدر . وتوفيق أحمد البكري كان من الشبان الوطنيين ، وله اشتغال بالسياسة ، وقد سافر من السودان خفية يقصد العلم في مصر ، وكان شاعراً ، ونمت بينه وبين خليل مودة وكانا ينشدان الشعر ، وذكر أن توفيقا هو الذي انتخب له قصيدة عمر بن أبي ربيعة ( أعبدة ما ينسى مودتك القلب ) .

وخليل كغيره من دعاة وحدة الوادي يرى في مصر مثلاً أعلى في الثقافة والعلم ، وأدرك قوة الصلة بين الشعبين ورباط الكفاح المشترك بينهما ، لما في البلدين من ظروف تتشابه وأهداف تتحد ، فعشقها ومضى إليها ، والتقى هناك بموسيقي ضرير هو محمود صبحي ودرس علي يديه شيئاً من علوم الموسيقى . وعاده أطباؤها ونصحه أحدهم وأسمه الدكتور توفيق أن يبتعد عن السهر والخمر فإن لم ينتصح فستكون حياته قصيرة . وذكر أحمد الطريفي أن خليلاً قال بعد مقابلة الطبيب :
" ايه يعني مدة طويلة ومدة قصيرة خلينا نشرب عشان ننتهي بسرعة " (9) .
والنماذج الدالة على تعلق خليل بمصر وحبه لها كثيرة في شعره منها : ( نحن الكل ولاد النيل ) ( نحن كنانة اسماعيل ) وغير هذا . وثابت أن بعض عيون قصائده الأغنيات أنشأهن هناك مثل " صائد الأنام " و " عزة في عواك " و " ما هو عارف " . وهذه الأخيرة قد تنبئ عن ضيق بالبقاء هناك رغم الحب والتقدير :

عيني ما بتشوف إلاَ شاهق أين وجه البدر التمام
وفي هذا ما يدل على استبداد عاطفة الحنين بالوطن به ، وعلى شوقه إلى الرجوع إذ بالوطن ما هو أعز كمثل " الودعته شاهق " و " الطريح الفاح طيبه عابق " و " قدلة " يتمناها في طريق الترام ، حافياً حليق الرأس .

الوان
15-05-2011, 01:37 PM
اليكم الان بعض اشعار خليل استمتعو

الوان
15-05-2011, 01:39 PM
فى الضواحى وطرف المداين

في الضواحى وطرف المداين
يلا ننظر شفق الصباح
قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح
للقنيص الخيل خف راسن
نحن ما بنخاف من مراسن
المكارم غرقنا ساسن والمجاهل
مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح
في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح
يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيخ والبراح
شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لا بهل الوشاح
يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح
ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح

حسن محمد
15-05-2011, 01:39 PM
ماشة وين ياروحي ماشة
وفي الدروب سايقاني غاشة
دي الرويحة المني طاشة
مابتخون محبوبا حاشة
*****
ياروحي مالك باالشدائد
انا غير حبائب همي زائد
دة التعب الفي الضمائر
واشقاوة القلبو رائد
****
ياروحي هاجري وفتشي
وهاجري عاد كان تلقي شئ
انا مهما مهما فترني المشي
انا عندي زول بقي كل شئ
زووووول بقي كل شئ
ياود الحبر وين الشاعر
اعتقد حسن الزبير والله اعلم

الوان
15-05-2011, 01:40 PM
ود مدنى

ماله أعياه النضال بدني
روحي ليه مشتهيه ود مدنى
ليت حظى يسمح ويسعدني
طوفه فد يوم فى ربوع مدنى
كنت ازور أبويا ود مدنى
و أشكي ليه الحضري و المدني
أه على حشاشتي و دجني
وحنينى و لوعتي و شجني
دار أبويا و متعتي و عجني
يا سعادتى و ثروتي و مجني
حين سألنا حاوي الوصب
من خمايل قرية القصب
قالو جات سيرتك على النصب
ونحن بين الروضة و القصب
صنفه بعرها قالن إن تصب
تربط الأحلام مع الخصب
كان حبيبنا و حاشا ما نصبي
ومن زمان فارقنا وهو صبي
تاني ما سمعنا إنقطع خبرو
يا حليم طشو ما إتخبروا
واحدة فيهن قالت إنجبروا
فقر أبونا وخدمة النبرو
الكنانة أكرمت نزلي
وأغدقت من خيرها كل زلي
إن حييت أو مت فى الأزل
ده مقدر طبعه فى الأزل
غايته بختم نفثتي الخطرت
بي تحية من حشاي شطرت
للتدور والطايره و الما طارت
و سلامآ ما الغصون خطرت....

الوان
15-05-2011, 01:48 PM
والله عملت بحث لى كل اغانى خوجلى لكن ماقدرت اتحصل على الشاعر ممكن نرجع لى محمد عبد الرحمن السر
ياود الحبر وين الشاعر
اعتقد حسن الزبير والله اعلم

محمد عثمان
15-05-2011, 02:47 PM
ود اخوي ود الحبر والله عقدتنا نحن الكبار . الكلام السمح الكبار ده بتجيبوا من وين . من مجلة الفجر ولا من حسن نجيلة . ولا دار الوثائق .والله يا ولدي الله يخليك . ويندر أن نجد زيك في أبناء جيلك . روعة . روعة روعة . واصل وربنا يعينك .

الوان
15-05-2011, 02:53 PM
الله يخليك ياعم لكن المساعدات موجوده وبى طرق متعدده ود اخوي ود الحبر والله عقدتنا نحن الكبار . الكلام السمح الكبار ده بتجيبوا من وين . من مجلة الفجر ولا من حسن نجيلة . ولا دار الوثائق .والله يا ولدي الله يخليك . ويندر أن نجد زيك في أبناء جيلك . روعة . روعة روعة . واصل وربنا يعينك .

محمد عثمان
15-05-2011, 03:00 PM
يا ولدي يا مهند . من أجمل أغاني الحقيبة التي تشجيني أغنية قضينا ليلة ساهرة . للشاعر محمد بشير عتيق . بصوت عوض وأبراهيم شمبات . بالله لو سمحت شوفه ليا . شكراً .

الوان
16-05-2011, 06:19 AM
يا ولدي يا مهند . من أجمل أغاني الحقيبة التي تشجيني أغنية قضينا ليلة ساهرة . للشاعر محمد بشير عتيق . بصوت عوض وأبراهيم شمبات . بالله لو سمحت شوفه ليا . شكراً .

قضيناليلةساهرةتضمنتمحاسن
منكلروضةعينةومنكلعينةزهرة


قضيناليلةسهرةتتوجةقياصر
تلالاتكواكبمناطيبالمناظر


وكلمرةآهةتبالىبىهواها
صبحشعوروسائروفكروظلحائر
مابيندىوحدىصبرةوكابيندىوحدىخمرة


الروضةلابسةحلةمنالزهورطرائف
بيهاالمكانتجلىوالجونسيمورائق
والغيمنشروظل


بالمسكراتالانخباتعربواجلة
وناسعليهافرحةوناسصريعةجرحة
وناسقلوبهااسرىوالفالفعاشقيذوب
وراهاحسرة


غزاالعيونوكاحلةرشيققوامواحلى
ملكزمامفؤادىتركاعضاىنلى
وافكارىديمةراحلة


مااجملارتساموواحلىابتسامو
تسكرنىراحكلاموفىقلوبنااستقر
ونجمالسعودتجلى

الوان
16-05-2011, 06:22 AM
http://www.youtube.com/watch?feature=player_detailpage&v=9wpbvdPaqDg

قضينا ليلة ساهرة ود البنا والمجموعه

الوان
16-05-2011, 06:24 AM
http://www.youtube.com/watch?feature=player_detailpage&v=cyqNnQlVhUw

الوان
16-05-2011, 06:25 AM
http://www.youtube.com/watch?v=QGKEpFuVQMY&feature=player_detailpage

الوان
16-05-2011, 06:27 AM
http://www.youtube.com/watch?v=eQejtz9cGRc&feature=player_detailpage

الوان
16-05-2011, 06:28 AM
http://www.youtube.com/watch?v=h8yEVEe3J5U&feature=player_detailpage

الوان
16-05-2011, 06:29 AM
http://www.youtube.com/watch?feature=player_detailpage&v=HZKaDJdF6BI

الوان
16-05-2011, 06:29 AM
http://www.youtube.com/watch?v=8rQLK3tKuOA&feature=player_detailpage

الوان
16-05-2011, 06:31 AM
http://www.youtube.com/watch?v=Efo94SvIyUU&feature=player_detailpage

الوان
16-05-2011, 06:34 AM
http://www.youtube.com/watch?feature=player_detailpage&v=L8iXgu-4DPI

الوان
17-05-2011, 08:32 AM
والتعبير عن الحزن بالبكاء بالصوت العالي عند السودانيين مألوف عند الرجال والنساء خاصة عند الوفيات ..ولكن العبادى بكى في ساحة الجمال..ولم يقف العبادى عند هذه الأغنية بل استصحب معه دموعه في معظم أغانيه ..وفى أغنيته الرائعة حليل رياضنا الغنا ...صداح هزارها لغنا..... زرف الدموع كثيرا.....
عمل الدهر دى العملة.................جرد على الحملة
فارقت دورن جملة....................تفرغ عيوني وتملا
مر يانسيم بى جارى.................واحكيله كل الجاري
قول ليه دمعه الجاري...........في خدوده سوى مجارى
ذكرى الحبيب عاطرانى...........كابه الدموع ماطرانى
الزما......والاطرانى.............سيان....... لو تطرانى
ياريته لو.... وافاني ..........قبل اندرج في اكفانى
أنا كنت أعده لفاني ...............وما كان منامي جفاني
كلمات مشحونة بالشجون سكب فيها العبادى أحاسيسه ومشاعره إبداعا .....لتهطل الدموع أمطارا تغمره وترسم مجارى على خدوده .....صورة إبداعية جميلة..... ويواصل العبادى...
فقت الحضر والبادي......وفقت الختم والبادي
ثغرك برق عبادي........ويمطر جمر في كبادي
هذه الجمرة لاتطفبها إلا هذه الدموع الغزيرة.... البادي الأولى يقصد بها البدو والثانية من البداية هذا جناس تام....... لحن هذه الأغنية الحاج محمد احمد سرور وسجلها للإذاعة أولاد شمبات وبالموسيقى عبدا لعزيز محمد داود.....نواصل...

الوان
17-05-2011, 08:35 AM
أما ذلك الدم خضب أيضا ايادى ابوصلاح فقال......
حبيبي هواك جمره حرقني ....بفارق الروح لو يفارقني
بريق منظوم فاطرك يسرجني.....وخديدك لاح نوره هيجني
محنن بدمى كيف تجنى ..........ده إيه الفى ايديك فرجنى
هذه الأغنية من الحان كرومة وسجلها الفاضل احمد على اسطوانة ثم أولاد الموردة للإذاعة السودانية.
وقد أبدع الشاعر خضر حسن سعد في أغنية ما شقيتك عندما تحدث عن الدمع الذي يخضب الايدى فقال...
ما الخضاب الحنن يداك.. ..وما الابار الدقن شفاك
هل خطيبا طالب يداك .........أم زينك قلبوه شين
ما الخضاب الحنن يداى.....وما الابار الدقن شفاى
ما خطيبا طالب يداي.....كفى تمسح صبحي ومساى
هذا اثر البكا يامناى ............بئس حالي بين الأنام
هذه الأغنية للفنان المبدع صاحب الصوت الشجي حسن سليمان الهاوي......

الوان
17-05-2011, 08:36 AM
واول ما ابداء به شاعرنا عتيق وهو اكثر من يجيد وصف الدموع والمحبوبة
ومثال ذلك قصيدته السلام ياروحي ماغني الحمام
ياجميل هل تدري انا لي فيك مرام
وقلبي لي باعث هواك من بدري لب
والغريب اتقلي في جمرالغرام
ودمعي وابل من سحايب طرفي كب
قول لي كيف اسلاك او اخشي الملام
ومن عيونك كيف يكون امني استتب
وكيف احاول عن هواك اكتم كلام
والمدامع تفشي اسرار المحبة

الوان
17-05-2011, 08:38 AM
ألان في بعض دموع عتيق في اغنيته ياناعس الأجفان ...
تذرف عيوني بحور ..أقضى الليالي قيام ..مابين شوق وهيام
.................وأرعى النجوم في سحور ......
وفؤادى آه منحور ومقتول بغير سلاح..وأقول بكل صراح
......................سببي العيون الحور...

الوان
17-05-2011, 08:39 AM
الدموع سكبها بطران في دمعة الشوق
دمعة الشوق كبي حكم حبي ارعي نجم الليل

دموع وسهر والام في الصدر

صدري مزماري والدموع شربي

ولم ينهزم حينما قالوشوقي مهما ازداد برضو شايقو قليل

الوان
17-05-2011, 08:41 AM
وشيخنا العبادى يواصل ذرف الدموع مدرارا وهو يصف حاله ...
حي الم البعاد حشش كلاي وأجرى دمعي........ أنا شوقي طائل لي ظبية وجرا
هذه من قصائد العبادى الأولى ..والسودانيون دائما يصفون مكامن الألم في الكبد والقلب (هردت كبدتى ، قطعت قلبي) لكن العبادى أضاف لها الكلى كموقع جديد للألم النفسي والعاطفي ولم لا والمغص الكلوي أكثر الإمراض إيلاما وألم البعاد هنا حشش كلى العبادى بمنجل والمنجل دائما يكون صدئ وأسنانه كالحربة أم طبائق وسأتناول هذه الأغنية كاملة في موضوع آخر عن الحقيبة لكن هذه الأبيات لاتتحمل الانتظار......
يوم إن كان تصادفك حافلة أو غير حافلة.....تتناول فؤادك وتمشى منك قافلة
تنظر قامة ممشوقة ومضمرة كافلة........نغماتا تنسيك الفروض والنافلة
إلا أن يقول...
اقتبس البدر من أمنة نوره ودارتو....الخز والدهب عار من جسيمها نضارتو
الدر حين نسب لفاها شوفوا قدارتو..أضحى على الرؤوس يحمل و نافذة ادارتو
ويواصل العبادى تألقه.....
فرع الياسمين المن النسيم يتنى ...سالكه مضمره والتنه فوق التنه
عب نهوده كتلنا وجاء يكتلنا...........فزنا بالشهادة منو اللقاها متلنا
ويتدفق الإبداع كدموعه...
إن جاتك تقود في عومه زى الوزه.............واللفتات غزالا بالنتايل....... فزه
وقتين تدى جوز عينيها كسرة وغزه.............زى الفارس الكتل حسامه وهزه
تستمر دموع شاعرنا في النزول لتعبر عن حرمانه وبعده عن ملهمته فيقول في أغنية أخرى. ..
تذكاره احرمني الهجود....ومسخ على كل الوجود ..
...................وبى ليمه يابارى جود .................
الخضره ضامه على البياض ..خديك زى زهرة الرياض
ده الخلا دمعي أنا في فياض.....واوردنى من الموت حياض
امتد الحزن إلى كل مناحي الحياة وأصبحت لا قيمة لها ويدعو الله أن يجمعه بمحبوبته........الخضره مع البياض وأظنه لون زينب والخدود الأسيلة التي تشبه الورد هي التي جعلت عيونه تفيض دموعا...ولم يواجه الموت مرة واحدة بل مرات....

الوان
17-05-2011, 08:45 AM
وأيضا لبطران أغنية جميلة يذكر فيها معاناته ويقول فيها..
ياشادى قول للبى زيل
وأنعش حياة جسمي الهزيل
واذكر بعاد لبنى وسعاد
واهديلن الشوق الجزيل
ياشادى قول كيف السبيل
واهدينا من هذا القبيل
أخرجنا من دائنا الوبيل
واندب لنا الزمن القبيل
يا شادي قول نظمك كميل
صوت البلابل ليك زميل
أشفى الجريح وأشفى السقيم
زى مل تميل بقلوبنا ميل
هذه الأغنية لحنها وسجلها على اسطوانة كرومه.....

الوان
18-05-2011, 12:45 PM
الشاعر المرهف عبد الرحمن الريح
يانجوم الليل


يانجوم الليل اشهدي
علي لوعتي وتسهدي
علي بكاي وتنهدي

من ليه حسن الكون هدي
النافر الجافي الهدي
ياعيني يوم تشاهدي
اقري السلام واستشهدي

ياعيني دمعك بندي
وقول العوازل فندي
انا لي غرام يامعاندي
زي زهرة الخد الندي

ياعيني ابقي ترصدي
عسي توجدي ماتقصدي
مهم جرح قلبي الصدي
هو برضو غاية مقصدي

قمرآ حماني تهجدي
وتركني فاقد منجدي
آه من صفارو العسجدي
وعينه المتل عين الجدي

يامن خرقت عوايدي
ونظمت فيك قصايدي
لو عمري شيئآ في يدي
لوهبتو ليك يا سيدي

الوان
18-05-2011, 12:46 PM
عبد الرحمن الريح
يا حـمامة مع السلامة


يا حـمامة مع السلامة ** ظـللت جـوِّك الغمامة
سيري في جَوِّك المُعطّر ** وانشدي شعرك المُشطّر
قولي لي الشادن المُبطّر ** تيـه دلالاً وزِد وسـامة
بلِّغـيه التـحية مِـنِّي ** واحكي ليه الصبابة عني
واحـلفي يا حمامة اني ** فـيه لـن اسمع الملامة
انشدي شعري بين دورو ** عَلّو يذكرني في خدورو
اوعي يلعب عليك دورو ** ويسكرك عَرفو كالمُدامة
اسـألـيه عن المَودّة ** كيف ضاعت وكيف صدَّ
بـعـد ذلك اذا اسـتبدَّ ** قـابلي الجبرة بابتسامة
قـولي ليه عن المحبة ** وعـن فؤادي الذي احبَّ
عَـلّو يسأل عن الاحبة ** مَرّة في عمرو ياحمامة
الجمال ناسي فيه ذاتي ** فـيه خاطرت بي حياتي
بين حُـبّي و ذكـرياتي ** اصبحت روحي مُستهامة
الجـمال ياحمامة فاتن ** فـيه الوان من المفاتن
كل من يعشق المحاسن ** قـلَّ ان يـوجد السلامة

الوان
18-05-2011, 12:46 PM
عبد الرحمن الريح

هــات لـيــنـا صـبـاح


يـخـجـل البـدر ويـخـمـد المـصـباح
يـالـيــل هــات لـيــنـا صـبـاح
انحنا كل صباح نبني في الآمال ماوجدنا رباح
سـرنـا المـكـتـوم بـالـدمـوع انـباح
والسـهـاد اصـبح لـينـا امـرو مـباح
القلوب ترتاح للكمال التام في الكمال نرتاح
اصلو زول لكن صورو الفتاح
من سلاف الروح محنة للملتاح
الجمال شراح للصدورلكن للقلوب جراح
قالو اهل الحب في الزمان الراح
نشوة الاشواق احلي من الراح
النسيم لو فاح يمتزج بزلال دمعنا السفاح
كم عشوق مهجور مضي بالاصفاح
عينو في الورد وروحو في التفاح
ياهوي الارواح انت للعشاق كالشذي الفواح
عطر الدنيا واملأ الاسواح
يزهو بيك الكون في غدو و رواح

الوان
18-05-2011, 12:47 PM
عبد الرحمن الريح
لي في المسالمه غزال




لي في المسالمه غزال نافر بغنى عليه .....جاهل قلبه قاسى وقلبي طائع ليه
مصــــــباح الظــلام الربنا معليه ................... زايد في الكمال نور الجمال جاليه
إن شافه الغزال مع نفرته يواليه ................... وان شاقه القمر أنواره تخجل ليه
كل من شافه قال أنا بالنفس افديه ............ هو غصن الرياض الزاهي في واديه
أزهار الربيع ما زى زهور خدّيه ............... وجدلات الحرير ما لينه زى ايديه
ان جاء النسيم زى الفــرع يتنيه .......... والثمر الرطيب كـذب اليقول يجنيه
باللّمى والخدود يأذى العشوق يفنيه ... الصحا والنعاس والسحر في عينيه
والده معجنه وعلى فطرته مربيه ........ الفرد الوحيد في الدنيا مافى شبيه
يتجاهل علىّ وأنا حالي ما غابيه ......سابني في نارهواى وشال قلبي يلعب بيه
هو أمير الهوى وقاضى الغرام مفتيه .............. إن جار علىّ في قتلى كيف يفتيه
يا قلبي الحزين انت الصبر خاتيه ................. إن جار أو عدل سيبه اليتيه في تيه

الوان
18-05-2011, 01:43 PM
عبد الرحمن الريح
أقول أنت نور


أقول أنت نور
ولا أقول زهور
ولا أقول نسيم
فواح بالعطور

أقول أنت نور
من أفق الوجود
ولا أقول زهور
من روض الخلود
ولا أقول نسيم من عطر الورود
أراك في الحقيقة
مع**** دقيقة
ومحاسنك رقيقة
كأنك حديقة ومفاتنك زهور

أقول أنت نور
من أفق الجمال
ولا أقول زهور
من روض الخيال
ولا أقول نسيم
السحر الحلال
أقول انت ايه
محيرني ليه
أحب أسألك
أشوفك تتيه
أخاف أخجلك
لأنك نبيه وكلك شعور

فليك حق تكون
تحب العلوم وتهوى الفنون
وديع كالرضيع
بعيد عن ظنون
وما في الفؤاد يبين في العيون
لأن الوجوه
تكاد أن تفوه بما في الصدور

الوان
18-05-2011, 01:43 PM
عبد الرحمن الريح
ماليا غيرك حياة



ماليا غيرك حياة
يا اسمر يا رمز الضياء
انت حياتى
يا فاهم يا دارس معنى الحياة
من ادبك ليك حارس من غير رياء
يا باسم يا ناعس
يا ملاك يا لابس توب الحياء
انت حياتى
ما شوهوك بفصادة
على الخدود السادة
طبيعى خلقة ربك
ما داير زيادة
مع لونك الاسمر
ورد الخدود محمر
لا بودرة لا احمر
ايات محاسنك زى ماء الحياة

الوان
18-05-2011, 01:44 PM
عبد الرحمن الريح
جاني طيفو طايف

جاني طيفو طايف لحاظه كالقذايف

وانا من عيونه خايف

جاني طيفو طايف في ثوب من الطرايف

خدود كالقطايف ليهو العنب شفايف

حبيبي دمعي زارف غرقني سيله جارف

لماذا عني صارف وهالكني وانت عارف

حبيبي انا حالف في عوازلي ليك اخالف

قلبي ليك محالف ومتي ياغزال توالف

تلا في هواي صحايف ولقي حبي غير زايف

قال لي اراك خايف ودون تشرح انا شايف

ياملهم العواطف ومهدل المعاطف

متي ياجميل تلاطف وتكون علينا عاطف

جاني طيفو طايف

الوان
22-05-2011, 09:45 AM
مع كروان الحقيبة بادي محمد الطيب

إن جاء ذكر أغنية الحقيبة فذكر الناس من شعرائها العبادى وود الرضي ، الجاغريو ، سيد وعبيد، عتيق ، المساح ، الأمي ، وغيرهم من لالئ العقد النضيد وذكر من الفنانين سرور وكرومه وزنقار والأمين برهان فإنهم لا شك سيذكرون كروان الحقيبة وبلبلها الصادح بادى محمد الطيب الذي نصحبه في هذه السياحة الفنية
إسمه الحقيقي أحمد المصطفى ويلقب منذ صغره ببادى ، ولد عام 1935 بحلة عباس والتي تتبع حالياً لمحلية الكاملين ، درس بالخلوة في صباه وحفظ القرآن الكريم ( ثلاثة عودات ) وتلقى دراسة القرآن على يد جده لأمه الفكي محمد عبدالله وأكمله مع الفكي محمد مصطفى الحلاوي وكان التعليم آنذاك يركز على الخلوة وبدأ جمال صوته ونداوته يظهر في تلك في الفترة بصورة جذبت اليه الأنظار وكان محمد أحمد شقيق بادى فناناً معروفاً في حلة عباس والقرى المجاورة وكان يغني مع كمال الدين الطيب وسعد سعيد بلال كثلاثي وكان بادى أنذاك يدرس بالخلوة ( ويشيل ) معهم
ثم ما لبث بادى أن استقل بنفسه فاصبح فناناً معروفاً على نطاق قرى الحلاوين والقرى المجاورة . ويقول بادى انه قد وجد تشجيعاً على الغناء من والده فقد كانت تأتي في اليوم الواحد ثلاث عربات من القرى المجاورة الى حلة عباس طلباً لبادى فى ان يغني لهم.يقول بادى إن والدى كان يبحث عنى ويطلب منى أن أذهب معهم وأشاركهم أفراحهم, وفي بداياتي الفنية كنت أردد أغنيات من سبقوني. أمثال محمد وردي – إبراهيم عوض – حسن عطيه و عثمان الشفيع إضافة الى ذلك كنت أردد الأغاني السائدة بالمنطقة وهي مزيج من الأغاني الشعبية وأغاني الحقيبة

السفر الى الخرطوم

لم يكن بادى عندما جاء الى الخرطوم يضع في مخيلته الإنطلاقة الواسعة في عالم الغناء والطرب ولكنه جاء مثل ما يأتي أهل القري الى الخرطوم يبحثون عن فرصة عمل بخلاف الزراعة التى هي الحرفة الرئيسية فى المنطقة, وعمل بادى في عدة مهن قبل أن يستقر به المقام في جامعة الخرطوم حيث عمل فى إحدى كافتيريات الجامعة وكان مدير الجامعة في ذلك الوقت العلامة الراحل البروفيسور عبدالله الطيب وأبرز الفنانين الذين عاصرهم بادى فى تلك الفترة عوض شمبات ، الكابلي وحمد الريح الذي كان يعمل بجامعة الخرطوم وكان بادي يدندن فى أثناء ساعات العمل الشئ الذي استرعى إنتباه الطلبة فأخذوا يلحون عليه في المشاركه عبر المنتديات فاستجاب لرغبتهم وكانت هذه نقطة تحول بالنسبة له

الوان
22-05-2011, 09:45 AM
قصته مع قائد الاسطول

يقول بادى أنه قد غنى أغنية قائد الاسطول بالكبريته عام 1961 عبر برنامج أشكال وألوان الذى كان يقدمه للإذاعة أحمد الزبير وكانت أغنية قائد الاسطول من الأغنيات التى يمتحن بها الفنانون الذين يغنون بالاذاعة لأول مرة وقد أدى بادى الأغنيه بصوره جميله وملفته للأنتباه فظنه الناس كرومه.يقول بادى إن مما عمق صلاته بالأغنية المسابقة التى نظمها أحد محررى مجلة هنا أمدرمان ورصد لها جا ئزة عبارة عن راديو ولم يكن بادى ضمن الفنانين المتسابقين على المسرح الذين كان من ضمنهم أبوداؤود ،عبيد الطيب ، وصلاح مصطفى وكان بادى متفرجاً فوجد نفسه مندفعاً لطلب المشاركة فصفق الجمهور طويلاً لادائه الرائع وحقق المركز الاول. وكان الاستاذ محمد خير مدير المسرح آنذاك وفوارى مدير الإذاعة وطلعت فريد وزير الاعلام . وأغنية قائد الاسطول من الأغاني السياسية ذات الدلالة الرمزية والتى تتحدث عن المستعمر وبها كلمات قوية ولحن رائع وهى من الأغنيات المحببه الى بادى والتى يجد متعه كبيره فى في ترديدها في كافة المحافل والمنتديات


بدايته مع الحقيبة

يقول بادى إن علاقته بأغنية الحقيبة بدأت مع بداياته الفنية في مطلع الستينات حيث كانت مجلة الاذاعة والتلفزيوتنشر الأغاني وتحديداً أغانى الحقيبه وامتاز ذلك النشر بجودة التوثيق ونسبة الأغانى لشعرائها ولذلك لم يجد بادى مشقةً في الحصول على نصوص الأغاني. و أخذ يحفظ ما تننشره المجلة واعتمد في معرفة الالحان على الإذاعة والتلفزيون . وفي ذلك الوقت من الزمان كانت مجموعة من الفنانين تقوم برحلات فنية تجوب خلالها مدن وأرياف السودان فشارك أبوداؤود وسيد خليفة رحلاتهم وغنى معهم. وغنى بادى أغنيات من سبقه من فناني الحقيبة فكان أن غنى لكرومه وسرور وعبدالله الماحي والأمين برهان وعاصر جميع فناني الحقيبة ماعدا مصطفى بطران وخليل فرح وعاصر كل شعراء الحقيبة ما عدا العمرابي وخليل فرح

الوان
22-05-2011, 09:46 AM
انهم يفترون على الحقيبة


يعتقد بادى أن أغلب الذين يهاجمون أغنية الحقيبة انما يفعلون ذلك عن جهل تام بما تحتويه هذه الاغنية التى عبرت بصدق وشفافية عن مجتمعها . ثم امتد أثرها الي يومنا هذا حيث لا زالت مرغوبه ومطلوبه من قبل كافة الفئات العمرية ولنستمع لود الرضى وهو يناجي زوجته بأعذب الالحان والأشعار؛ فريدة براها ترتاح روحي كل ما اطراها ست البيت فالمرأة في أشعار الحقيبة ليست كما حاول البعض أن يشيع جسداً لا مكان للقيم الروحية فيه وإنما هناك القيم الإنسانية والعفاف؛ ما قصدي فيك لسان قصدي بس شوفتك صدقني يا انسان لذلك استطاعت أغنية الحقيبة أن تحافظ على تجددها ومواكبتها فهي كانت ولا تزال المرجعية الأساسية للذوق السوداني


من أغاني بادى


تغني بادي بالعديد من أغاني الحقيبة المعروفه في ذلك الزمان وقام بتلحين الكثير من الأغاني نذكر منها على سبيل المثال لا الحصر أغنية، الواعي ما بوصو، وهي من كلمات بت مسيمس وتتحدث هذه الأغنيه عن عبد القادر ودحبوبه بطل ثورة 1908 بمنطقة الحلاوين بالجزيره وكذلك لحن بادي أغنية ’المقدر لا بد يكون، الخدير ، فتاة اليوم ، دابى البركة ، مناى الجدية ، الليلة هوى ياليل ، العديل والزين ، وغيرها من الأغنيات وهناك أغنيات كثيره كان يمكن أن تضيع وتنسى لولا المجهودات التى بذلها بادى في سبيل حفظها مثل – مسونوركم – ومن الأغنيات التى عرف بادى بترديدها؛ ’إنت حكمة، وهي من كلمات محمد على عبدالله الأمى وألحان كرومه ، ليلتنا ليلية وهي من كلمات سيد عبدالعزيز وألحان زنقار ، قمربين الأزهار’ وهي أغنية تراث ، قمر العشاء، وهي أغنية تراث ايضاً، السمحة أم عجن، وهي من كلمات سيد عبدالعزيز وألحان كرومه. ومن أغنيات بادي أيضاً، يا مدلل، بكا الخنساء ، أذكريني ياحمامة ، في الفؤاد ترعاه العناية ، صباح النور ، الفى دلالو ، يا سمير ، سيد الروح ، كما غنى بادى أغنية، الهجروك على؛ وهى من كلمات وألحان عبدالحميد يوسف وغنى بادى أيضاً أغنية ،بتريد اللطام، و تمثل الأغنية قيلت فى رثاء عبدالقادر إمام ودحبوبة. والأغنية من كلمات رقية شقيقة البطل عبدالقادر إمام ود حبوبة

الوان
22-05-2011, 09:47 AM
بادى وإقتحام استديوهات الإذاعة بسبب اغنية

مبدياً غيرته على الحقيبة روى لنا الفنان بادى محمد الطيب قصة إقتحامه لاستديوهات الإذاعة بسبب أغنية فقال تعود تفاصيل تلك الواقعة عندما كنت بالمنزل في العباسية استمع لبرنامج استديو النجوم وكان مقدم البرنامج الأستاذ صلاح طه واستضاف خلال البرنامج أحد فناني سنار والذي تغنى بأغنية : يا حبيبى هل تدري أنا صاحي طول الليل أتأمل البدر واذكر جمال محياك ،، وكان اللحن مختلفاً تماماً عن لحن الأغنية فما كان مني إلا ان ارتديت ثيابي على عجل واستأجرت عربة تاكسى وتوجهت مباشرةً الى الإذاعة واقتحمت الاستديو على الهواء مباشرةً وسألت الفنان الذي أدي الأغنية عن المصدر الذى أتى منه بهذا اللحن فاخبرني به, فتوجهت الى الفرقة وطالبت بمصاحبتي على العزف وأديت الأغنية بلحنها الصحيح . ويرى الأستاذ بادى أن المصنفات الأدبية والفنية لها دور كبير في هذه المسألة فهى مطالبه بضبط وتحقيق النصوص منعاً لتحريفها. ويقول بادى سبق وأن طلبت منهم إدخالى فى إحدى لجانهم لا لشئ سوى المحافظة على التراث ولكن هذه الدعوة ذهبت أدراج الرياح ولم تجد الآذان الصاغية وطلب بادى من شركات الإنتاج الفني في حالة تسجيلها لإغنيات الحقيبة أن ترجع اليه أو الى الأستاذ على مصطفى الذى يعتبر أكثر الناس حفظاً وتجويداً لاغنية الحقيبة


بادى يبكي ويغني

الذين يستمعون لبادى يرون كيف يكون متفاعلاً مع الأغنية التى يرددها ويستمعون اليه وهو يصرخ بأعلى صوته مردداً ( يا سلام) وفي أوقات كثيره عندما يكون في منزله بالعباسية يغنى ويبكي ويعزي السبب في ذلك الى خوفه من ضياع مثل هذا التراث الخالد دون أن يجد من ينقله على الوجه الأمثل


مقدرته على الحفظ والاستدعاء

ميزتان يمتلكهما صداح الحقيبة بادى محمد الطيب, هما الحفظ التام لكلمات وألحان وتواريخ ومناسبات أغنيات الحقيبة بالإضافة للقدرة الهائلة على الاستدعاء متى أراد ذلك فهو يمكن أن يغنى في أى وقت أى أغنيه تطلب منه ويقول إن الفضل في ذلك يعود الى حفظه المبكر للقرآن الذي نقى ذاكرته وجعلها لها هذه المقدرة الإلتقاطية


التواصل مع حلة عباس



في جميع المناسبات أفراحًا كانت أم أتراحاً يجد أهل قرية حلة عباس بادى حضورا باذحاً لا يغيب يشاركهم في كل ذلك باحساس إبن القرية البار وفى الأعراس ينطلق صوت كروان الحقيبة يمتع الأهل ويحمل اليهم نكهةالزمن الجميل فيطربون ويعلمون أن هذا الرجل مسكون بكل هذا الوله والعشق فيتذكرون اللقب الذي أطلقه عليه الأستاذ حسين خوجلي حيث سماه الصوفي المعذب

الوان
22-05-2011, 09:48 AM
كلمات على لسان بادي

الخرطوم عاصمة الثقافة العربية منذ عهد ود الرضي وارجعوا لاشعاره للتأكد من ذلك
عاصرت كل شعراء الحقيبة ما عدا العمرابي وخليل فرح وأحفظ من الأغنيات مالا يعرفه غيري
غنيت لصالح تشييد العديد من المدارس وطفت من أجل ذلك بجميع الولايات وكنا نغني في المسارح ودور السينما
خارجياً غنيت في العراق وليبيا وسلطنة عمان ودول عربيه أخرى كما غنيت في معهد العالم العربي بباريس في الثامن والعشرين من فبراير 1997
أغنية الحقيبة تعتبر قمة في الأدب السوداني ومن ناحية المعاني هي مثال للأغنية الجامعة المانعة
أحرص على تلبية الدعوات التى تصلني من مختلف المنتديات وأشارك فيها بانتظام
عوض بابكر صاحب مجهودات كبيرة في حفظ أغنية الحقيبة وتكريمه واجب وطني
موقع الحلاوين على الانترنت إضاءة مشرقة ومجهود جبار يعكس عزم وتصميم أبناء منطقة الحلاوين على إبراز ثقافتهم وفنهم للغير ليكونوا مثالاً يحتذى و أتمنى التوفيق للموقع في أداء رسالته المنشودة
ويستمر الألق

تعاقب الليالي والأيام سلبا كروان الحقيبة وبلبلها الشادي بادى محمد الطيب الكثير من ألق الشباب وأذهبا عنه رونقه وبهاءه لكنهما لم ينجحا بأى حال من الأحوال في الوصول الى روحه المتوثبه التى ما زالت تمتلئ دفئاً وألقاً وصوته الشجي الذي يبعث في النفس ذلك الشعور المفعم بالإرتياح العميق وهو شعور ينطلق فورإنطلاقته في ترديد إحدى روائع الحقيبة الدعوات الصالحات من موقع الحلاوين على الانترنت لهذا المبدع الباذخ بالصحة والعافية وهو يحمل في جوفه هذا الإرث التليد والموروث العامر بمعاني الخير والحق والفضيلة


هذا كان حوار مع بادى فى جريدة الرأى العام - مارس 2005

الوان
22-05-2011, 09:50 AM
http://www.youtube.com/watch?feature=player_detailpage&v=kAfSEVp1hoM

الوان
22-05-2011, 09:51 AM
http://www.youtube.com/watch?v=Bsr2RHOVAdc&feature=player_detailpage

الوان
22-05-2011, 09:52 AM
http://www.youtube.com/watch?feature=player_detailpage&v=8BQ_EzI5FLg

الوان
23-05-2011, 02:03 PM
ادريس جماع

ولـَّي المساء .. ولـَّي المساء

الواله المحزون .. في جوف الضباب

وأنا أهييءُ زينتي .. وأُعِدُّ في زاهي الثياب

آملاً لقياك حبيبي .. يصدني زهو الشباب

***

أمسي مضي.. بين التحسرِ والأنين

ووسادتي بللتها بالدمع.. والدمع السخين

مع تباشير الصباح ... وبسمة الفجر الحنين

غنيتُ مثلُ الطير فرحا ... في رياض العاشقين

***

تسري النسايمُ غضبةُُ .. وأنا أهيمُ بلا ظلال

وتمرني الأنهار.. في دنيا الغرائب والخيال

وهناك أرقدُ في الرمال.. ولا أري غير التلال

****

غداً أذوِّبُ مهجتي.. في حر أنفاس الغرام

أرنو إليكَ والوعتي .. ظمأه تؤجج في الرمال

غداً يكون كما نودّ .. ونلتقي عند الغروبِ

غداً تجفُّ مدامعي.. وتزولُ عن نفسي الكروبِ

غداً تعودُ مباهجي .. غداً حبيبي حتماً يعود

ورحم الله سيد خليفة

الوان
25-05-2011, 02:42 PM
الملهمـــــــــة
كلمات:عبد الرحمن الريح
غناء:ـ التاج مصطفى
************
نور العيون انتى الامل
طال الفراق وانا
في اشتياقي.. كيف العمل
انت الامل.. وانت الرجا
والفرحة يا نور الدجا
اضمن الي عمري النجا
لو طيف خيالك لي جا
في الكون الكرى.. هل ارى
شخصك قريب.. هل ترى
انا في انتظاري لم ازل
يا ملهمة شعر الغزل

************
عيوني يا اخت الزهر
في حبك اعياها السهر
في جسمي تأثيرك ظهر
لو كنا مجتمعين سوا
ما كان على قلبي احتوى
حر النوى
ونار الجوى
وظلم الهوى
لكن انا.. اهواك يا كل المنى
.... مهما حصل


************

امالي في الدنيا الجديدة
تتحقق امالي العديدة

الوان
25-05-2011, 02:43 PM
http://www.youtube.com/watch?feature=player_detailpage&v=ljijJoA0kHc

الوان
26-05-2011, 12:10 PM
اشعار عبد الرحمن الريح


غناء التاج مصطفي


نور العيون إنت الأمل



طال الفراق.. وأنا..



في اشتياق.. كيف العمل؟




أنت الأمل وأنت الرجا



والفرحة يا نور الدجى



اضمن إلى روحي النجا



لو طيف خيالك لي جا



في الكرى.. هل أرى..



شخصك قريب يا هل ترى؟!

عيوني يا أخت الزهر..



في حبك أعياها السهر..



في جسمي تأثيرك ظهر..



لو كنا مجتمعين سوا..



ما كان على قلبي احتوى:



حر النوى.. ونار الجوى.. وظلم الهوى..



آمالي في (الدنيا الجديدة)



تتحقق أحلامي العديدة



بعد الجفا.. ألقى الصفا.. وحسن الوفا



أتهنى بي رؤياك هل..



هل من وصال.. يا روحي هل؟!__________________

الوان
26-05-2011, 12:13 PM
باغت العمر التاج مصطفي وهو في الثانية والسبعين ولكن ميقات الأجل لم يؤخر حصاد زرعه الوفير ، فالتاج شب علي الغناء مبكرا ومضي بعد أن عرف حجم موهبته وأدرك نوع إبداعه وقوة اندفاعه وان مشروعه كان قد اكتمل و أزهر و لم يعد فيه من مزيد. إذا تحدثنا عن أرث التاج مصطفي في الموسيقي عموما وفي الغناء في السودان وخصوصا ، تتجلى قيمته علي نحو بارز وبناء.
إذ ما إن بوسع نقاد فن الغناء أو الباحثين في فن الموسيقي الحديثة أن يدخلوا بهذا الباب من دون بعتبة التاج مصطفي وداره
فمن هو هذا المغني الموهوب و الموسيقي البارع الذي اثري وجداننا مثلما اثري المكتبة الموسيقية السودانية بمؤلفات هامة أظن إن المدرسين و الدارسين يحتاجونها في ذات الوقت ؟

ما هي ميزة التاج مصطفي عن غيره في هذا المجال ؟
حين ولد التاج مصطفي ( سيرته الذاتية مضمنة ) ولد معه في الوقت نفسه و ترعرع عشرات الأشخاص و لكن موهبته مكنته و وحصنته بموقع متميز بين أبناء جيله .
ربما كان لظروف السودان دورا كبيرا في التعتيم علي الفنان التاج ومعه الفنان الراحل العاقب محمد حسن وغيرهم من المغنين والعازفين الأفذاذ ، ومع ذلك فالحقائق تبقى صلبة ويبقى التاج مصطفى والعاقب محمد حسن ورفاقهم وغيرهم عينة رائعة من تلك الثورة القومية المحاصرة.
وإذا علمنا بأن المفكرين العرب الأوائل قد صنفوا الموسيقى كواحدة من العلوم الرياضية إلى جانب الطب والفلك، أدركنا الميزة التي تمتع بها التاج مصطفى في بحثه عن التفقه في علوم الموسيقى وزيادة الكشف عن أسرارها، وسعيه لوضع يده على مفاتيحها وطاقاتها وخصائصها. هكذا وجد التاج نفسه أمام هذا العلم الهام وأن يطلع على عالم ساحر رحيب كما يقول، وعمق فهمه على المستويين المعرفي والتكنيكي.
يبقى أن يقف المرء باحترام شديد لشعب السودان الذي ما انفك ـ رغم محنته الممتدة ـ لعقود من الزمان ـ أن يدفع أفواجاً من الفنانين والموسيقيين والعلماء الموهوبين في حقلي الغناء والموسيقى من أمثال التاج مصطفى وإبراهيم الكاشف وعثمان حسين وحسن عطية وأحمد المصطفى ومصطفى سيد أحمد وآمال النور وفرقة عقد الجلاد والسر عبد الله ووهبه وبدر التهامي إلى آخر العقد النضيد.

الوان
26-05-2011, 12:13 PM
http://www.youtube.com/watch?feature=player_detailpage&v=JojDbkROXLM

الوان
26-05-2011, 12:14 PM
لقاء مع الفنان الراحل
التاج مصطفى

أجرى اللقاء: د. عبد القادر الرفاعي

الغناء ... كيف اكتشفت صلتك به وكيف تعرفت على موهبتك؟

** والله.. يا أخي المسألة بالنسبة لي ما مسألة اكتشاف ـ علاقتي بالغناء علاقة قديمه جديده.. يمكن أقول أنها بدت من زمن بعيد.. منذ الطفوله، أنا اتكلمت كتير عن أثر الصوفيه.. وعن أثر الثقافة السائده زمان أيام كنا بندرس في المعهد العلمي .. أثر علي كثير جداً الشعر العربي والمديح والدوبيت والأغاني الشعبية.. دي كلها مشحونه بالموسيقى والايقاعات وهكذا... كده بدت العلاقة. وكده شبيت وانطلقت.

أستاذ التاج... إذا طلبنا منك أن تحدد لنا من خلال الموسيقى التي أبدعتها والغناء العذب الذي تميز به انتاجك ـ نقصد أن تقيِّم لنا عطاءك... ماذا تقول؟

** الحقيقه ما بقدر على إجراء هذا التقييم أنا أشوف الشيء الصحيح أن يقوم بي ده الناس اللي أحبو انتاجي الغنائي والموسيقي... هذا دور النقاد والناس والمهتمين اللي تابعوا قضية فن الغناء... وأضيف أن تقييمهم لإنتاجي لازم يتم من خلال تقييم شامل لدور الفنانين والمغنيين اللي عاصروني وعاصرتهم، ومن هنا المقارنه بين ما انتجه ابناء جيل هو أنو بساعد على الاجابة على سؤالك.

أستاذ التاج... هل توقفت عن العطاء؟؟ أم ما تزال؟؟

** والله تعرف مافي فنان حقيقي بيتوقف عن العطاء... لكن الصحة ليها أحكام وكذلك العمر.

هل أدى استاذ التاج رسالته كاملة؟

** والله أنا ما أقدر أقول أني أديت رسالتي كامله... ليه؟ لأني مش رسول أو نبي، لكن أنا راضي عن ما قدمته من مجهود. راضي من نفسي، ويمكن أزيد باني سعيد أني حضرت التقدير والتقييم لجهودي.

أستاذ التاج... تتابعت وجهة نظرك مع وجهة نظر عميد الأدب العربي الدكتور طه حسن. فقد سئل العميد ذات مره عما إذا كان يعتقد بأنه قد أدى رسالته كامله؟ فقال: "أنا مهما يطل عمري لا أملك أن أكمل رسالة، وأنا غير راض عن نفسي وعن عملي. ولعل الرسل هم وحدهم الذين أتموا ما أنيط بهم من رسائل وما نحن برسل"؟

** التاج مصطفي معلقاً ((صدق)).

أستاذ التاج... ممكن نسمع منك قصة أغنية يا نسيم أرجوك؟

** جداً .. الحقيقة الأغنية دي ـ أقصد يا نسيم أرجوك، أنا تعرفت على الأغنية عن طريق صديق عزيز هو الاستاذ عبد الله علي أردب، معلم يسكن جوار مسجد الأمين عبد الرحمن بمدينة أم درمان شارع مكي ـ العمدة وكان وصلتوا عن طرق صديق تاني اسمه احمد عيسى (مغني) وفني طباعة، لاحقاً التحق بمعهد الموسيقى والمسرح... كنا بالإشتراك مع المرحوم خالد ابو الروس والاستاذ سوميت وأيضاً محمد فضل المولى التوم (ضابط عظيم)... كنا كلنا نعمل في فرقة خالد ابو الروس للتمثيل ـ عوض الحسين صاحب الاستاذ علي شمو... وكان عوض طالب بالمعهد العلمي... البيوت السودانية كان شى عادي جداً تستضيف الطلبه ... ما كان في كلفه... عوض الحسين كان يسكن مع صديق ليهو طالب في بيتهم... مره عوض دخل البيت، بيت صاحبه ده ووجد أخته في الديوان نايمه بره، كان البيوت فيها برندات، لما شافتو راحت جاريه وعوض رجع... اخوها عاتبها... ليه تنومي بره؟ ... أم صاحبو قالت ليه اختك دي قاعده على المنسج: "كان في توب اسمه الحمام طار" ... المهم البنت دي بعد ده رقدت واتغطت وما قامت تاني. بعد تجهيز الجنازة وبعدين بعد التشييع عوض الحسين كتب الأغنية، (يا نسيم أرجوك).

ثم ماذا عن عوض الحسين؟

** عوض الحسين أكمل المعهد العلمي وسافر إلى مصر ودرس بالأزهر الشريف، بعدها رجع إلى السودان والتحق بالتدريب بالمعاهد العلمية، أصبح مدير المعهد العلمي بكريمة، ثم نقل إلى المعهد العلمي في مدينة كسلا، ثم مدرسة الخرطوم الثانوية العليا بنين... عوض الحسين كلما يجي الخرطوم يتكرم بزيارتي، أنا كنت مدرب بالتدريب المهني، نقعد أنا وهو ونستعيد الذكريات ... يقول لي يا التاج ما تقول توفيت، هي لسه عايشة في وجداني ... قصت البنت دي أثرت عليهو شديد واصبح زاهداً في الحياة.

أستاذ التاج: انت خليت سكن حي العرب موطن فن الغناء في أم درمان ... لماذا انتقلت للسكن بام بده؟

** شوف ياخي أنا جيت أم بده بتأثيرالفنان الراحل المرحوم العاقب محمد حسن ... العاقب قال لي يا التاج ياخي أخير باقي عمرنا نقضيهو جنب بعض ... ده السبب ... لكن أنا أطلب منك شخصياً أن تهتم بتراث العاقب الغنائي والموسيقي. العاقب فنان كبير ولكنه ظلم ... أتذكر في سنة 1974م دعوهو لي برنامج في التلفزيون ودخلوا معاهو في أسئلة اتحولت لي مواجهة ... أثناء النقاش واحد من المشاركين في البرنامج قال ليهو وريني انتو عملتو شنو؟ ... طبعاً الكلام ده فيهو انكار شديد مش للفنان العاقب فقط وإنما لينا كلنا ده أنا كان رأيي وأنا أشاهد البرنامج. العاقب محمد حسن أبدع أغنية "هذه الصخرة"، "نحنا اتلاقينا مره"، "إدللي" ، "حنيني إليك" ، ده على سبيل المثال لا الحصر، أحب أضيف دراستو للموسيقى في مصر وقبلها بدايتو ليها في السودان ولكن لم يجد إهتمام ولا إنصاف... عشان كده أنا أرجوك تعمل حاجه من أجل العاقب.

الوان
26-05-2011, 12:15 PM
http://www.youtube.com/watch?feature=player_detailpage&v=2Adilp7RwU0

الوان
26-05-2011, 12:16 PM
انصاف
كلمات عبد الرحمن الريح
ــــــــــــ

يا روحي أنصفني في حكمك
لأنه قاسي علي أنا يا حبيبي ظلمك
ـــــــ
تظلمني والأيام قد تنصف الإنسان
يشاهد المحبوب عفواً عيان وبيان
بالنسبة للطفك والرقة يا فتان
ما كنت تظلم من أضحى بيك ولهان
تتركني في الماضي مع إنه في الإمكان
تجدد الذكرى وتنسي كل الكان
ــــــ
هيامي بيك يا فاتن مصدره الإنصاف
أنصفت حسنك حب وأنصفت حبي عفاف
ذوبت قلبي معاني رقيقة في الأوصاف
هومت نفسي خيال في معبدك طواف
وسكبت روحي على كاس المحبة سلاف
هل بعد هذا أكون لسهام نواك أهداف

ـــــ
أنا يا حبيبي غرامي تركته للأيام
تركت حب ودموع وتركت شوق وهيام
عودت نفسي إذا ما اشتدت الآلام
أصبر على الحرمان وأضحى بالأحلام
جنة هواي العذري ندية كالأنسام
تخلي نار الشوق برداً علي وسلام
ـــــــ

الوان
26-05-2011, 12:18 PM
http://www.youtube.com/watch?feature=player_detailpage&v=L2SIblfer9M

انصاف بصوط كمال ترباس

الوان
26-05-2011, 12:18 PM
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
هواك لازال بواليني ...
خيالك جوه في عيوني..
لكن انت ناسيني ....
وانا الاشواقي ليك زايدين..
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
وليه يا روحي متخاصمين....
بعد ما كنا متحابين...
ياروحي الفراق لمتين...
فراق يومين عليّ سنتين....
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
ياغايب عن عيني....
حصل ايه بينك وبيني....
تجافيني وتعاديني....
وتترك قلبي بين نارين..!!
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن

الوان
26-05-2011, 12:20 PM
http://www.youtube.com/watch?feature=player_detailpage&v=X-PsrTtXGso

التاج مصطفى يغنى انصاف بالعود

الوان
31-05-2011, 01:29 PM
عبـاد الشمـس

قاسم أبو زيد

:::::::::

عباد الشمس شافك .. مشاك ..

ساقِك جبيرة وجد

تيار الظلام غطاك

غياب البهجة ما هزّاك

هواك .. هز العهود .. بى الصد

*******

تذوب يوم الشموس ضوّت

عباد الشمس يوم جاك .. سألنا الغيم .. عِنادِك ردْ

أسف بُعدِك حروف جفّت

جِدار الماضى .. دمعة خد

********

غَفل طرفِك .. صَرَخْ .... ياليل

سرق عِشقِك صباحاتى

شتيل إحساسنا ما فرهَد

********

رحل صوت المغنى .. حزين

ولسّة الصوت .. صِراع زمنى

مواعيد عِشقِى ما بتِنـْه

الوان
02-06-2011, 08:58 AM
أسحار الجمال

اهداء لكل محبي الكلمات الجميله
شعر: عبد الرحمن الريح

احترامي إليك من صميم قلبي غير ما أشعر
التفافنا عليك والدليل حبي تسمح تنظر
شوف دموع عيني
سايلة في خدي
من لهيب الشوق يرضه ما في خلاص
هكذا يا ظالم جزا الإخلاص
إنت في حبك والفؤاد مجروح
ما فضل مني شئ خلاف الروح
هكذا الأشواق
تسمو بالعشاق
من سرا الأشباح
لي سما الأرواح
حيث تروي غناك
للنجوم هناك
سارحة في علياك
طاهرة كالأفلاك
أنت ........... نور من بدور الكمال
ساطعة فيك آيات من معاني الجمال
تجعل الفنان عبقري الخيال
لو نظم أشعار أو عزف أوتار
تندهش أفكار والعقول تحتار
يا جميل ياما في الجمال أسحار
أنا في شخصك بحترم أشخاص
وطبعا عندى أحترامك خـــــــــــــــــــــــــــــــــــــــــــــــــ ـــــــــــــــاص

الوان
05-06-2011, 12:00 PM
كان العرب الرحل ينقلون الاخبار بين الناس وجأؤا الى الشاعر الحاردلو وقال له انه ظهر شاعر جديد فى الشرق
فقال لهم اعطوه هذه الابيات فاذا فسرها فهو شاعر واذا لم يفسرها فهو ليس بشاعر والابيات هى
سيسب واتقلد مع ليالى الصيف
لا موج لا شتاء لا زيف
زولو واحد حريف ولطيف
الملايد العشره حراتو بعمل كيف

وذهب العرب الرحل بهذه الابيات الى الشاعر ود الرضى وقال له الحاردلو قال لو فسرت هذه الابيات فانت شاعر واذا لم تفسرها فانت ليس بشاعر
ورد عليه ود الرضى بهذه الابيات

شعرك بعرفو لكن معاهو غتاته
وشعر البنات ما بوصفوه بالحراته
اتسبسب واتقلد ديع المبروعه عن اماته
والملايد العشره اصابع المشاطه

الوان
07-06-2011, 11:58 AM
مناسبة قصيدة الاهلية
قيل ..ان الشاعر ود الرضي حين كتب هذه القصيدة (الاهلية )كان ابن ثمانية اعوام .....

ومناسبة هذه المعاني الجميلة والكلمات العميقة والفهم الكبير لابن الثماني سنوات...

انه كان يعمل في بناء المسيد مع مجموعة فيها الاكبر منه.. وكانوا يحملون قدح المونة ناقص..

وكان هو يقوم بملئه تماما ..فراته عمته

ونهرته وامرته ان يفعل مثل البقية ..فرد عليها بقصيدته

بسم الله ابتديت متل البرق لاحت

فى الشين والفسل بقينا نتباحت

طال الكان قصير والعالى اتاحت

والصولات حليلن ملكتن راحت

مالك يا زمان شبعتنا هولا

لبست الناس تيابا حاشا مى هولا

يات من كان يجي دماعو مبهوله

ولله راحت بقت البواجهولا

مالك يا زمان شبعتنا وح ووحيح

صح الدون كضب

كضب العوالى صحيح

يات من كان انا جعلتو لى صليح

عقرب حزّه لى ويا نفسي زين ومليح

فى احوال الزمن صار الفكر حاير

والياباك خلو عندو شن داير

فوق اهل الفكر كاس الوحيح داير

نفد سوق النفاق سوق السمح باير

تب الشباب ان بقا كواس

تب الصبى ان قطع المروة خلاص

تب الشايب ان بقى وسواس

تب الاقربين الاتفاتتو الامغاص

الوان
07-06-2011, 12:00 PM
احرمون ولا تحرمونى ( ود الرضى)

احرموني ولا تحرموني
سنة الاسلام السلام
عطفكم يا من الموني
كالاشعة الاسهم رموني
الشجون بالليل نادموني
الانين والنوح علموني
لو معنعن قول كلموني
حبي طاهر لم تظلموني
برضي قابل الظلم احترام

يا النفوني كفى اعرفوني
ساهي ساهر ساحات جفوني
في هواكم يا من جفوني
لا الوم ان لم تنصفوني
انعكاس الاحوال كفوني
ايضا الايام عرفوني
يوم سموما ويوما غمام

كلما النسمات عطروني
فاجأوني دموع مطروني
رب اغفر للعكروني
في وداعة الباري العروني
رب وقت يتذكروني
او يقول القايل دروني
او يحدث عني المنام

الدهاة بالسلو ما دهوني
عن تجاهكم ما وجهوني
بي تحكو وشمتو النهوني
وبرضي هايم وخاضع لهوني
لا اقول مستنكف دهوني
عن كثير عن قيس نبهوني
عن حقيقة الحب غين ولام

ما تنفس صبح او ضحى لي
الا غاب هدهد فكري ورحالي
قال قربك عين المحال
قلبي غير زكراك ما صحى لي
يكفي ان السهد اكتحالي
يكفي شاهد لي انتحالي
شاكي شاكر شاخص دوام

طاف خيالك والليل كافر
شفت بدرو المتجلي سافر
صك غاضب لقى دمعي دافر
قاللي جملة وعقد الاظافر
قاللي طبع الريم اصلو نافر
قتلو عل تريم النوافر
وعل راء الريم تبقى لام

في التفكر اصبح وامسي
ايضا التزكار نجوى همسي
وحياتي اشبه برمسي
اشكو يومي واسترحم امسي
ما عهدتك يا ليل تمسي
طلت وامتى اشراق شمسي
وانت وين يا بدر التمام

قتلو ليت الايام يندن
تبقى لانت وسحابا دندن
بلماك النيران يخمدن
ليك روحي واجزيك حمدا
قال لي كيف تستوجب لي حمدا
من تعاطى المكروه عمدا
غير شك يتعاطى الحرام

واحد من الناس
07-06-2011, 12:22 PM
يا صغيرنا مكتبتك دي انا داير ليها اجازة 6 شهور ما هذا الإفراط في الإبداع

الوان
07-06-2011, 12:41 PM
يا صغيرنا مكتبتك دي انا داير ليها اجازة 6 شهور ما هذا الإفراط في الإبداع

يا كبيرنا كل يوم اخد حبه ونوم طوالى انا عامله صيدليه اى واحد حسب حاجتو

الوان
20-06-2011, 08:03 AM
مع الدوش ووردى الحزن القديم
ولا الحزن القديم

إنتِ

ولا لون الفرح

إنتِ

ولا الشوق المشيتْ بيهو

وغلبْنى أقيف

وما بِنْتِ

ولا التذكار ولا كُنْتِ

بتطْلَعِى إنتِ من غابات

ومن وديان...

ومنى أنا..

ومِن صحْيَة جروف النيل

مع الموجَهْ الصباحيَّه

ومن شهقَة زهور عطشانَهْ

فوق أحزانهْا

متْكَّيهْ

بتَطْلَعى إنتِ من صوت طِفلَهْ

وسط اللمَّهْ منْسيَّهْ

تَجينى



معاكْ يجينى زمن

أمتِّع نفسى بالدهشَهْ

طبول بتْدُق

وساحات لى فرح نَوّر

وجمّل للحُزن..ممْشى

وتمشي معاي

خُطانا الإلفَهْ والوحشَهْ

وتمشى معاي... وتْرُوحى

وتمشى معاي وسط روحى



ولا البلْقاهو بِعْرِفنى

ولا بعرِف معاكْ ..روحى

الوان
21-07-2011, 06:50 AM
بلدنا نعلى شأنا ياناس
كلمات والحان الموصلى
بلدنا نعلـي شأنا ياناس سودانا نادانا

في الفجرية زارع بيزرع في المزارع
أريد زراع بلدنا ونور الشمس ساطع

في الفجرية صانع بيصنع في المصانع
أريد عمال بلدنا وصوت المكنة طالع

يا الحارسين حمانا.. بــعزة وأمانة
أريتو يسيل عرقنا.. بدل ما تسيل دمانا

نحلك يا قضــية .. بدون صوت بندقية
أخوي خليك معاي.. أخوي ما تكون عليّ

الوان
26-07-2011, 09:25 AM
هذه القصيدة الرائعة للرائع إسماعيل حسن
و تغني بها الموسيقار محمد وردي...

حلفتك يا قلبي
حلفتك بربي
خليهو الغرام
إتنكر لحبك
وريهو الخصام
ليه تِتهان يا غالي
ليه و الذُّل حرام
***
تتعذب لوحدك
ليل و الناس نيام
إن جاك يوم يصالحك
قول ليهو الكلام
أوعى يعود حنينك
و ترُد السلام
***
أوعى يا قلبي تنسى
في لحظة الوصية
أنا عارفك حِنَيِّن
بِتشَمِّت عليّا
***
حلفتك يا قلبي
الخانك تخونو
و الفايت غرامك
أوعك يوم تصونو
زي ما أبكى عيني
سهِّر لي عيونو
أوعى تقولي تاني
ما بنعيش بدونو
إيه في الحُب لقينا
غير همو و شجونو
***
حلفتك يا قلبي
حملتك أمانة
الخانت عهودك
ما تبكي عشانها
حلفتك تقول لي
إيه آخرة بُكانا
الدنيا الجميلة
و الحُزن الحلال
الطير في غصونو
الساجعات في حنانها
كُلَّ الناس تغني
ليه نِحنا الهَم طَرانا
يا قلبي ليه
قول لي بأمانة
***
أوعى يا قلبي تنسى
في لحظة الوصية
أنا عارفك حِنَيِّن
بتشمِت عليّا...

الوان
06-09-2011, 02:07 PM
فلـق الصبـاح / خليل فرح

قيلت هذه القصيدة فى مدح الوطن فى عام 1930م. وكان خليل حينذاك فى مصر يمثل الشاعر وطنه بفلق الصباح، الذى يلوح نوره يفوح نداه عطراً من جنان رضوان، ويمدح نسيمه الذى يتنفسه عبقاً رائحته وحسناً شمَّه فى كل فصول العام. فهو لا يرى جميلاً مثله فى الكون "بليل السوح" معبراً عن هوى وطنه بهوى الأسحار، ويخاطبه بقوله: هل أنت روضة مزهوة بزهورها أم كوكب يفخر بانبهاره، ويقول له: أنت مضمخ فى جبهتك بالعبير والزعفران، فصرت لاذعاً كالنار فى البهار أى بهرة الكواكب ولمعانها. ولا يخفى على الشاعر أن محبوبه الوطن الذى يمثله بانسان تلوح على خديه حمرة زاهية، ثم تتحوّل إلى صفرة فاقعة اللون من تأثير الخجل الذى ينتابه. وقد قال بعض المفسرين: ان الشاعر يقصد أميرة يتغزّل بجمالها. ولكن الخليل دائماً فى شعره يرمز إلى الوطن بغادة يحبها ويصف أجزاء جمالها، ليموِّه على رجال الأمن ما يقصده من شعره الوطنى. فهو يقول "أخجلوك يا أمير …إلخ " فيظن السامع أنه يريد محبوبته الأميرة، وليس وطنه الأمير.
ثم بعد ذلك يخاطب البستان الذى أصبح زاهياً بحمل ثماره اليانعة من رمان وخلافه، وهو يرى الخمر فى الدنان وطير الكنار مغرداً فى حنان، والهزار فى مرح ودابة. ثم يمثله بالطاووس مختالاً بكبرياءه الذى يلائمه ويطالبه بالغناء قائلاً:
أين يا زمان حبيبك آذار (مايو) ويقصد بذلك أناشيد الوطن التى يفوه بها الفتيان فى ذلك الشهر من الزمان، حيث يذهل العدو أم أنت لا تزال يا وطنى غلاماً جاهلاً لا تتحرك فى زمن صيفك أو فى وقت شتاءك فى (اللعب بالنار) ويقصد به التحرك بالثورة.
ثم يذكره باللهيب الذى يشعله الوطن، فيفر إليه الناس كالفراش. فهو خائف من محبه الذى يصليه فى نار غرامه معذباً ينتظر الانتفاضة. ثم يخاطبه ويستعجله الأفاقة قائلاً: أيها الوطن أفق وأشعل نورك فى أهل وطنك، شبهه "ببخور العيد" كى يجتمعن فى الدور متحدين من رجال ونساء وكبير وصغير وذلك بقوله:
"من خدود وبدور وصدفة ومحار"
ثم يخاطب عزة وطنه قائلاً: "أنظرى إلى الساحة فقد ضاءَ نورها فى ظلام الليل حينما تغور النجوم، وحان وقت الصباح، الذى يهل نوره على الوطن كلّه ( العيون الحور والخديد الحار). ثم يقول لعزة أنهضى كفاك نوماً وراحة وضياعاً لزمنك. فأنت التى يزدهى أبناؤك ويفخرون بك. لقد فاتتك البلاد الأخرى فى الرقى، ويشير إلى ذلك قوله: "البنات فاتوك فى القطار الطار" .
ثم يقول يا عزة انتبهى وشاهدى الشباب من حولك فى الأقطار الأخرى سبقوك إلى العز والمجد، وأنت من أصل عظيم فى مجدك الخالد. ثم يصف (عزة) هذه بالجمال والكمال فى أوصافها وفى أدبها ونقاء ضميرها وعيونها (السود) التى ترى ما حولها سواداً وظلاماً. ومثل هؤلاء كثيرين فى البطانة (الريف السودانى) يقول لها إن منزلك (أى وطنك) يحتاج إلى ضياء ونور يزينه نعليك يعنى الشباب فى حضِّه على العمل بما يرفع مكانه ويجعله مرموقاً فى نظر الآخرين.



فلـق الصبـاح
فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح (1)
هــو هـــذا نــداك
أم هـوى الأسحــار
أنت روضة وليك زهرة
وله كوكب وليك بهرة (2)
ضمخــوك للجبيــــر(3)
زعفران وعبيـــر
إنتَ نـار فـى بهــار(4)
صَبّـغْ الخـدين حُمرة
بعد ساعة بتشوف صفرة
الاصفـرار ده كتيـر
أخجلـوك يـا أميـر
ولّــه نُمّــت نهـار
صبح البُستـان شايل(5)
شجـر الرمـان مايل

السُــلافْ فى الدِنـــان
والكنـــار فى حنـــان
والهِــزار فى هِــــزار(1)
إنتَ كالطـاووس خــائـل
كبرياءك وفيـك خــايل(2)
انـزل انـــت كمـــان
غـّن قـول يـا زمـــان
ويـــن حبـيـبــى آذار(3)
مــا عرفنا عدوك زاهــل
ولَّـه لِسَّـه غُـــلام جاهل
مُتَهـــلل صيـــــف
شِتـــا عنــدك كيـــف
فــى اللـــعب بالنــار
فـى لهيبــك أشـوف ساحل
كالفــراشة أجيــك راحل
أنــا خــــايف كيـــف
يــا لطيـــف الطيـف
أهــوى وابقــى فـى نــار
فلــق الصبــاح نّـــوَّر
لــى نحــور الغِيــد صَـوَّر
جميعَـــنْ فـى الـــدور
مِــن خــدود وبـــــدور
صَــدَفَـــه و مُحَّـــارْ
عَـزَّة شُـوفى الحــوش نوَّر
بــى نجــوم الليـــل غَـوَّر(4)
يـــا صبــاح النــــور
علـــى العيـــون الحـــورْ
والخـــديـــد الحــــار
عَــزَّة قـومى كفـاك نـومك
وكفــانــا دلال يـــــومكْ
إنـت يــا الكبـــرتــوك
البنـــات فــاتــــــوكْ
فــى القطــار الطـــار
عــزَّة شُـــوفى شبــاب قــومكْ
سبقـــوك علـــى كــومك(1)
بـــت رجـــــال ولــــدوكْ
للقبيــــلة هـــــــدوكْ
إنـــت عِـــزْ وبَطَــار
الجمـــالْ فـى كمــــال وصفك
أدبِــك وجمـــال خِلْفــــك
الضميــــــــر كالعــــــودْ
والعيـــــون السُّـــــــود
فى البطـــانة كُتـــــار
منزلــك عُنْـــــوان ظــــرفك
نــوريـــة يَصــون إلفــــك
زَعَلِــــكْ يــا أم خــــــدود
سَــــوِّى ليــــه حــــدود
مِنُــــه يــا سَتَّــــار

جميع محتويات المكتبة منقولة وبعض الاجتهادات من الاصدقاء

الوان
12-09-2011, 09:50 AM
نظرة يا السمحه ام عجن
اشعار سيد عبد العزيز

لوكان قليل تبرى الشجن ...
اعرف صفا الايام افيقن ...
انظر جمال تلك الوجن ...
دولات صدودك ماوعن ...
الامى وبى تدرعن ....
ابكى واصيح متضرعاً ....
ياناس دموع عينى ترعاً ....
ارحمونى مارضنى الظعن ...
امالى جور لى قاطعن ....
احشاى هديل اتقطعن ....
وبالفرقة نشابك طعن ...
يامنبع النور والفطن ...
يالفقتى يعرب والرطن ...
فى جوفى من حبك قطن ...
ياجاهلة مليون الف طن ...
كيف اسلى عينيك والوجن ...
يالبسمتك نور الدجن ...
جسمك حرير ناسجه العجن ...
ناضر وبللون انعجن ...
الضاويه زى خديك من ...
فى الدنيا يانور الزمن ....
ارواح نسائمك لى رمن ...
نرجس مزج لمسك اليمن ...
ما احلاك ياالجيدك شدن ...
يالعمرى فيك ضائع سدى ً ...
انا عندى شوفتك يا اللدن....
احسن من الروح فى البدن ....
يامنبع الذوق اه يامن ...
حبك غرز فى الجوف كمن ...
ياغاليه قط ماليك تمن ...
ان هب اوجار الزمن ...
ليك السلام ماولعن ...
خديك بالنور يلمعن ...
وعدد النجوم ما يطلعن ...
يرضيك وبيك لى يجمعن

الوان
02-10-2011, 10:12 AM
من نظم محمد عوض الكريم القرشي :
وغناء أحمد المصطفى : ( اسمه الحقيقي : أحمد محمد بركات )

يلاك يا عصفور نغني ليهو
أنا لي حبيب مُغرم وبغير عليهو

يلاك يا عصفور نغشى الخمائل
عشان نشوف حبي كالبانة مايل
راد قُربو منك
وأحكي ليهُ عنك
و غرد بفنك
إن شاء الله يسمع منك ولي يجامل

قوم حكم الأوصاف
أنا من عيونهُ بخاف
الناضر اللطاف
إن شاء الله حبهُ ويدوم هناهُ

يلاك يا عصفور نطرب ملاكي
الخمري في لونهُ والخدُه زاكي
ده بنت المدارس
وعفافا حارس
ولى هواها وارث
بهديها أشعاري وطولتَ شاكي

الوان
10-10-2011, 06:21 AM
كلمات سيد عبدالعزير غناء الكاشف



إنت عارف
أنا بحبك ... وبحلف بك ...
ولا ماك عارف ..... بالمرة
إنت صارف عني مدة
وأنا خايف تتحدى
أنا خايف ...
متى نبدأ التعارف
والتألف والمودة
ياحبيبي من فضلك
جاملني طاوعني
لاتخالف واحد مرة
أنا شايف
أنا شايف
المحاسن .... الطرائف
في صمتك في كلامك
في عيونك ... في إبتسام
في خدودك في قوامك

إنت جالس ... إنت ماشي
إنت واقف ... إنت نايم
صغير غرير الطرف حالم
ماك عالم ... ماك عارف
أنا طرفي جفا المنام
آلف الحب والهيام
مع الجمال بالعواطف
في هواكم إستمر
متين أصادف
رضاك علي وعلي توالف
هواي مناي حياتي حبك بالمحبة
بلاك أشوف النور ظلام
وأذوق طعم كل حاجة مرة
زورني مرة
إن رأيتك بالقرب مني
سعد أظني ... هل تدري إني
أحس بعظمة وشأن كبير
أفرح كتير فرح كبير
أكاد اطير من الفرح
والأمل أحيا وأخالف المسرة

الوان
19-10-2011, 02:57 PM
كتبها فضل الله محمد وذاب فيها حنيناً ود الأمين...أغنية "زاد الشجون" دستور العاشقين لمئات السنين

الخرطوم: هادية إبراهيم

اغنية زاد الشجون صاغ كلماتها الشاعر فضل الله وقد تركت بصمة في وجدان وذاكرة الشعب السوداني، وامتازت بمقطوعات متميزة وكلمات رزينة، اذ تعتبر احدى مواليد المدرسة الكلاسيكية في التأليف الموسيقي والغنائي وقد وضع لحنها وتغنى بها الموسيقار محمد الامين.
سألنا الموسيقار محمد الامين عن هذه الاغنية فقال: اغنية زاد الشجون من الاغنيات الحبيبة الى نفسي لان لها وقعا خاصا وأذكر أنني استلمت النص في اواخر (1964-1965)، ووضعت لحنها في العام 1965م تقريباً، وذلك لاسباب فنية. اذ كان من الصعب تنفيذ السلم الموسيقي ولم يكن متفقا عليه، واضاف وبعد أن بدأت في البروفات شعرت انه لا يمكن تنفيذها ثم عملت على تجميدها فترة حتى خرج معهد الموسيقى دفعتين ونفذت في منتصف السبعينات تقريباً.
وقال محمد الامين اذكر أيضاً اني قدمتها لأول مرة بمسرح ود مدني وبعدها بمسرح قاعة الصداقة، وفي 1981م قدمتها في انجلترا بلندن خلال حفل مسرحي بلوقن هون، مشيراً الى الاغنية بدأت بمقدمة موسيقية بالبيانو وترد عليه الفرقة كما يوجد بمقدمتها صولو جيتار وفي داخل الاغنية صولو للأورغن وصولو في الكوبليه الثاني بالكمان، مبيناً أنها من الاغنيات الكبيرة والتي بذل فيها جهداً كبيراً في التلحين والموسيقي، وختم محمد الامين حديثه قائلاً: ان اغنية زاد الشجون لم تكن أول تعامل بيني وبين الشاعر فضل الله محمد اذ سبقتها اغنيات (بعد الشر عليك، اكتوبر 21، الانطلاقة، الجريدة).
وعن نفس الاغنية قال شاعرها فضل الله محمد: كتبت زاد الشجون وأنا بالجامعة، وأنا ومحمد الامين ابناء مدينة واحدة، وبعد أن اخذها مني لحنها في وقتها ولكنه تأخر في تقديمها لسنوات (قرابة السبع سنوات)، وتوجد بهذه الاغنية نكتة إذ قال الشاعر أبو آمنة حامد عن تأخر اغنية خاصة لسنوات: هذه اغنية غريبة أن محمد الامين هذه طريقته مثل الاغنية، وأضاف فضل الله لقد استلم محمد الامين الاغنية منذ أن كنت طالبا ولكنه لم يتغن بها إلا وأنا صحفي.
وتحدث الينا أيضاً الدكتور محمد سيف قائلاً: إن اغنية زاد الشجون ظهرت في الثمانينات حيث شكل الموسيقى منتظم بجانب وجود عدد من الفرق الموسيقية والفنانين كانوا في قمتهم والفنان محمد الامين كان المتربع على الساحة الفنية ولديه اكبر عدد من الآلات الموسيقية هو والفنان محمد وردي والاثنان كل واحد له طابع خاص ويختلف عن الآخر.
وأشار محمد سيف إلى أن الفنان محمد الامين قد جودها من حيث التوزيع الموسيقي وتوزيع الادوار على الآلات الموسيقية، مضيفاً "تعتبر اغنية زاد الشجون من الاغنيات الكبيرة والتي لها وقع خاص في نفوس الجمهور، والجمهور دائماً يتقبل الجديد من محمد الامين لأن اغنياته تتميز بمقاطع كثيرة ومتنوعة".
وقال الموسيقي اسامة بيكلو عن زاد الشجون: تعد من الاغاني الكبيرة في عالم الفنان محمد الامين الموسيقي وتعتبر اغنية بمقياس اربع اغنيات من حيث التأليف تعتمد على القالب الكلاسيكي في التأليف الموسيقي، مشيراً الى أن الموسيقار محمد الامين متاثر جداً بالمدرسة اللحنية للاستاذ المصري محمد عبد الوهاب وتأثيره كان كبيراً من حيث الاغنيات الكبيرة التي ادتها الفنانة ام كلثوم، واوضح بيكلو أن التأثير اتضح جلياً من خلال المقاطع المختلفة في اغنية زاد الشجون وتعتبر مقاطع غنية ودسمة من حيث المولودية وذلك يدلل على أن الموسيقار الامين صاحب مدرسة متفردة في الاغنيات الكبيرة وتشبهها اغنية (طائر الاحلام) وكلاهما من ذات المدرسة الكلاسيكية في التأليف الموسيقي والغنائي وهي مدرسة متفردة وعظيمة.


زاد الشجون -
رائعة الأستاذ محمد الأمين

ما هو باين في العيون وين ح نهرب منو وين
الهوى البعث الليالي العامرة بي زاد الشجون
يفتح قلوبنا ديار محبة .. .. ديار حياة للعائدين
ما بنقاوم كيف ح نقدر … وين ح نهرب منو… وين
ما افتكرت الحظ بيساعد عمري ويورد من جديد
من بعد فرقتنا ديك مين كان بيفتكرك تعود
كنت بحتاج ليك بي شدة وأنت عني بعيد
ما في عيشة بلاك بتبقى .. .. ما في نشوة و ما في ريد
والهوى الجمبك عرفـتو عاطفة ملتهبة وجنون
وين ح نهرب منو … وين
آه ادعينا وقلنا تاني ما ح نشتاق في عمرنا
وقبل ما تمر ليلة واحدة بي حرارة الشوق غمرنا
كم لهينا وقلنا ندفن الحب في سهرنا
الحياة صعبت علينا وبي اثر فقدك شعرنا
شفتا كيف حبك حياتنا آنت يا الحبك حياتنا
وكيف بدون حبك نكون
وين ح نهرب منو… وين
شفت كيف حبك بيعمل… يشغل الوجدان يعذب
وبرضو بتقول عني خادعك وإني بتلاعب وبكذب
ليك حق دنياك خالية لا بتشيل هم لا بتتعب
كنت تتعلم تجامل لو فؤادك مرة جرب
إنو ما يدق دقة واحدة .. .. إلا ويتفجر حنين
يفتح قلوبنا ديار محبـة .. .. ديار حياة للعائدين
ما بنقاوم .. كيف ح نقدر .. وين ح نهرب منو... وين

منقووول

الوان
24-10-2011, 08:18 AM
القلوب مرتاحة

كلمات : الطاهر محمد عثمان

ديمة في العشاق القلوب مرتاحة
وإنت يا قلبي الما لقيتلك راحة
ديمة في العشاق القلوب فرحانة
في مجال الكون تسمو أعلى مكانة
تنجلي وتتهنى... يبقى في إمكانه
بالسرور وتطوف الدنيا بي أركانه

ديمه في العشاق القلوب تتهنى
في مجال الحب تلقى ما تتمنى
إنت يا قلبي عليك حبيبك ضن
يا قليب إتصبر .. الله يدي الجنة

يوم قطارو القام ... الفراق هزاني
يا دموع الدم ... الجارية في وجداني
ما قدرت أوادعوا ... من سهادي الجاني
والألم بيقطع جوه في وجداني

ما عرفت الحب ... كنت بسأل عنو
ماني قايل الناس في سبيلو يجنو
ولم شفت عمايلو
قلت أهرب منو .. واللي ما عارفين عليهو يبكو يغنو

الوان
24-10-2011, 08:20 AM
في الأسي ضاعت سنيني


في الأسي ضاعت سنيني فأذا مت إذكريني،،
هذه زادي من الحسن و قيثاري و قربي
إن يكن حبك ذنبي ذنباً فأنا أهوي الذنوب
ها هنا أغاريدي و أعشاش الطيوب
لا أري فيها سوي إلفين كالحن الطروب

إيها البلبل قل لي إنشودة العشاق عزمي
وتعلم كيف تحيا في الهوي الحزنِ
عشها في القلب مهجور و لكني أغني
و أنا الشاعر يا بلبل دنياي التمني



يا حياة القلب غد طال إلي حِبي حنيني
فأنا وحدي فأن شئت إلي حِبي خذيني
هذه دنياي مالي في الأسي ضاعت سنيني
سئمت روحي حياتي فأذا مت إذكريني

الوان
23-11-2011, 01:21 PM
اشعار عبد الرحمن الريح


غناء التاج مصطفي


نور العيون إنت الأمل



طال الفراق.. وأنا..



في اشتياق.. كيف العمل؟




أنت الأمل وأنت الرجا



والفرحة يا نور الدجى



اضمن إلى روحي النجا



لو طيف خيالك لي جا



في الكرى.. هل أرى..



شخصك قريب يا هل ترى؟!

عيوني يا أخت الزهر..



في حبك أعياها السهر..



في جسمي تأثيرك ظهر..



لو كنا مجتمعين سوا..



ما كان على قلبي احتوى:



حر النوى.. ونار الجوى.. وظلم الهوى..



آمالي في (الدنيا الجديدة)



تتحقق أحلامي العديدة



بعد الجفا.. ألقى الصفا.. وحسن الوفا



أتهنى بي رؤياك هل..



هل من وصال.. يا روحي هل؟!
__________________

الوان
06-12-2011, 09:34 AM
الطاووس
كلمات عبدالرحمن الريح
---------------------------
ملك الطيور ارقص وسط الطيور نشوان
خلي الزهورتفتح مختلفة الالوان
ارقص وهل في الكون
طاير جميل مثلك بيهو الوجود مفتون
من درك المكنون
اكشف كنوز حسنك ورينا فيك كم لون
ما بين جمال وفنون
للزهر تصحو عيون
تهدي الشذي واحيان
تهدي الهوي النديان
للعاشق الولهان
يا اجمل الاطيار
ليك في الحديقة ديار
مبنية بالورد ومعروشة بالازهار
مخضرة الاشجار في شواطئ الانهار
ملتفة والاغصان بالخفة والميسان تلهب الانسان
انشر جناحك و ميل حي الربيع يا جميل
خلي الشمس تسكب ذهب الاصيل في النيل
في رياضك النضرات
النور يسير قطرات
محمرة العبرات
الروعة تستكمل
يبقي المكان اجمل زي لوحة الفنان

عبدالله التيت
06-12-2011, 01:03 PM
جانى طيفه طايف لحاظه كالقذائف وانا من عيونه خايف
خيالو جانى طايف فى ثـوب من الطرايـف
خدوده كالقطايف وليهو العنب شفايـــــــف
تلا في هواى صحايف لقى حبــــــــــى غير زائــــــــــــــــــف
قال لى اراك خايف دون تشـــــــرح انا شايــــــــــــــــــــف
حبيبى دمعى زارف غرقنى سيـــــــــــله جــــــــــــــــــــــارف
لماذا عنى صارف وهالكنى وانتــــــــــــه عــــــــــــــــــــــارف
ياملهب العواطف ومهــــــــــدل المـــــــــــــــــــــــــــــــعاطف
متى ياجميل تلاطف وتكــــــــون علينا عاطـــــــــــــــــــــف
انا ياحبيبى حالف لعواذلى فيــــــــك اخــــــــــــــــــــــــالف
وقلبى ليك محالف متى ياغـــــــــــــزال تـــــــــــــــــــــــوالف

الوان
06-12-2011, 01:15 PM
جانى طيفه طايف لحاظه كالقذائف وانا من عيونه خايف
خيالو جانى طايف فى ثـوب من الطرايـف
خدوده كالقطايف وليهو العنب شفايـــــــف
تلا في هواى صحايف لقى حبــــــــــى غير زائــــــــــــــــــف
قال لى اراك خايف دون تشـــــــرح انا شايــــــــــــــــــــف
حبيبى دمعى زارف غرقنى سيـــــــــــله جــــــــــــــــــــــارف
لماذا عنى صارف وهالكنى وانتــــــــــــه عــــــــــــــــــــــارف
ياملهب العواطف ومهــــــــــدل المـــــــــــــــــــــــــــــــعاطف
متى ياجميل تلاطف وتكــــــــون علينا عاطـــــــــــــــــــــف
انا ياحبيبى حالف لعواذلى فيــــــــك اخــــــــــــــــــــــــالف
وقلبى ليك محالف متى ياغـــــــــــــزال تـــــــــــــــــــــــوالف

الله الله الله عليك اخونا عبد الله
واغنيه لها موسيقه جميله لدى الفنا محمد الامين

Abu mohamed
06-12-2011, 01:44 PM
جانى طيفه طايف لحاظه كالقذائف وانا من عيونه خايف
خيالو جانى طايف فى ثـوب من الطرايـف
خدوده كالقطايف وليهو العنب شفايـــــــف
تلا في هواى صحايف لقى حبــــــــــى غير زائــــــــــــــــــف
قال لى اراك خايف دون تشـــــــرح انا شايــــــــــــــــــــف
حبيبى دمعى زارف غرقنى سيـــــــــــله جــــــــــــــــــــــارف
لماذا عنى صارف وهالكنى وانتــــــــــــه عــــــــــــــــــــــارف
ياملهب العواطف ومهــــــــــدل المـــــــــــــــــــــــــــــــعاطف
متى ياجميل تلاطف وتكــــــــون علينا عاطـــــــــــــــــــــف
انا ياحبيبى حالف لعواذلى فيــــــــك اخــــــــــــــــــــــــالف
وقلبى ليك محالف متى ياغـــــــــــــزال تـــــــــــــــــــــــوالف
أوووووووو أووك شكلك ياخوي لملمت العفش تب ونازل بعد دا :bngo9:

الوان
02-01-2012, 11:39 AM
مين فكرك يا حبيب
كلمات الرائع المرهف : السر دوليب
من روائع الفنان محمد ميرغني


انا قلت حبنا راح
مرى الزمن وطواه
والباقي منو شجن
وعذابنا فى ذكراه
لقيتو اكبر حب
بين الضلوع ماؤاه
لاقدرت يوم انساه
ولا هان علي اسلاه
**
ومين فكرك ياحبيب مين الهداك إليا
جرحي قرب يطيب جددتو تاني عليا
**
لكني رغم البين
ورغم الفراق الطال
كانت مشاعري تقول
ابداً فراقنا مُحال
ماليا غيرك انيس
ماليك غيري مأل
جمعت قلوبنا محبة
ربطت حياتنا امال
**
ومين فكرك ياحبيب مين الهداك إليا
جرحي قرب يطيب جددتو تاني عليا
**
ياحبيب كفانا خصامنا
وكفانا هم وضنا
مابتقدر انت تلومني
ولابعاتبك انا
ماكان بإيدينا شقا
ولا كان بإيدنا هنا
حسد القدر فرقنا
هو العلينا جنا
**
ومين فكرك ياحبيب مين الهداك إليا
جرحي قرب يطيب جددتو تاني عليا

الوان
09-01-2012, 12:10 AM
أسفاي ..
وا اسفاي .
وحاتكم انتو وا اسفاي ..
وا اسفاي ...
إرادة المولي رادتني وبقيت غناي ..
اسوي شنو ..
من المكتوب اسوي شنو
براهو الواهب العطاي ..
منو ؟؟؟؟؟؟
منو - اليقوم يساهر الليل
يسافر فوق جناح الشوق
يكوس نجماً بعيد ضواي ..
منو ؟؟؟؟
منو إذا وصفولوا خط كنتور تلاقي
خطاهو
مع الحردلو في الدوباي
وا أسفاي ..
بديع الدنيا
كل الدنيا وا أسفاي ..
عشان خاطر عيون
حلوين
وا أسفاي
منابع الطيبة متجاورين
وتسامحين
في السمحين
واسفار فوق صبي العين
معاك سلامة يادنياي
يا دنياي ..
بتنكد وتوسد
وسادة شوق
بنوم مرتاح وخالي البال
وتاني وتاني عهد صباي
عشان ما تبكي ببكي انا
ببكي انا
وحاكي الطرفة في نص الخريف بكاي
وطبولي تهف جبال الشيف
خايف في العذابي الريد
ومتوكل عليك
يا الله دافر الريد
فريق البسمة يلمح لي
بتتفتح مشاد الريد
واحسك جوة
زهرة فيها صوت الناي
وا أسفاي ..
وحاتكم انتو وا اسفاي

الوان
18-01-2012, 09:11 PM
الهادى الجبل



افتقدتك

افتقدتك .. يا صبا عمري وشبابي

افتقدتك .. لما زاد الشوق عذابي

افتقدتك .. في أسايا .. في شقايا واغترابي

افتقدت الابتسامة .. والعيون الساحرة يوم يسحر كلاما

اكتبي لي عن سنينك ..

كل يوم والايام تمر بتزيد أنينك ..

اكتبي لي عن مشاكلك ..

قولي لي عن اي شي في الدنيا شاغلك

اي زول في الدنيا لو سالك عليا ..

قصدوا يعرف ايه علاقتك انت بيا ..

قولي باكر ايوا راجع جاي ليا




لو شفتي كيف


لو شفتي كيف
بنزف نزيف الورد ..
بالشوك أنطعن
وقتين
عيونك
ما يجن
وألقى المواعيد أنتهن
وأصبح حليف
الصحرا
والريح الحفيف
كنت ..
سابقت الزمن
وانتظرت على الرصيف
أو شفتي كيف
بتر فض خطاي
لمن خطاك
ما تكون معاى
كل الدروب
وكانت تجوب
سكه رؤاي
وانتى فى ضراى
كل الطيوب
كنتى انسرقتى من الزمن
وازدهرتى مع الغروب

]

سلوى حسن جمبو
18-01-2012, 09:35 PM
ما هو الفافنوس

لحَّنها وغناها الاستاذ عبد الكريم الكابلي


ما هو الفافنوس
ما هو القليد البوص
ود المك عريس خيلاً بجن عركوس (عرقوس)
أحي علي سيفو البجز الروس (البحد الروس)
ما دايرة لك الميتة أم رماداً شح
دايراك يوم لقا بي دميك تتوشح
الميت مسولب والعجاج يكتح
أحي علي سيفو البسوي التح

***
كوفيتك الخودة أم عصا بولاد
درعك في أم لهيب زي الشمس وقاد
سيفك من سقايتو استعجب الحداد
قارحك غير شكال ما بقربو الشداد
***
إن وردن بجيك في أول الواردات
مرناً مو نشيط إن قبلن شاردات
أسد بيشة المكربت قمزاتو متطابقات
وبرضع في ضرايع العنز الفارزات
***
يا بقة عقود السم
(يا جرعة عقود السم)
يا مقنع بنات جعل العزاز من جم
الخيل عركسن ما قال عدادن كم
فرتاك حافلن ملاي سروجن دم
( فرتاق حافلن ملاي سروجن دم

ماهو : طبعا اداة نفي بي لهجتنا السودانيه
الفافنوس : نبات رخو بينمو علي ضفاف النيل
الغليد : يعني الكبير وهنا مقصود بيها السمين
والبوص : جمع بوصه وهي القصبه الجوفاء
العركوس : يعني التجمع والكثره
طبعا أحي كنايه علي الندم
البجز الروس: جز الشي يعني قطعه من أعلي
الميته: الموت
ام رمادا شح : يعني الموته الساهله البقومو النسوان يكبو الرماد في رؤوسهم
يوم لقا : كنايه عن الحرب
بي دميك تتوشح : مخضب بالدم يعني تموت في الحرب ماموته ساكت
كوفيتك : هي الكوفيه البتتلبس في الراس
الخوده : يقصد بيها الخوذه
بولاد : يقصد بها فولاذ
ام لهيب : الحرب
وردن : أي الخيل حضرن
مرنا : المقصود بيها بطئ
المكربت : عندنا في السودان يعني الجري ودايما بتتقال للحصان أو الحمار)
قمزاتو متطابقات : خطواتو متطابقه
هو الفارس والحارس لي كل بنات قبيلة الجعليين وهي القبيل المشهوره بالفروسيه ورفض الظلم و( ما بترضي بالحقاره ) ولمن الخيل والفرسان يخشو ميدان المعركه مابيهمو عددهم كم ولا عتادهم شنو من شجاعتو وبيقوم يخش في نصهم لمن يفرتق لمتهم دي وما كده وبس يملا سروجهم دم ودي كنايه عن انو بيقتل الفرسان والخيل دي بترجع بي سروج مليانه دم وبدون فرسان .

الوان
18-01-2012, 09:41 PM
ما هو الفافنوس

لحَّنها وغناها الاستاذ عبد الكريم الكابلي


ما هو الفافنوس
ما هو القليد البوص
ود المك عريس خيلاً بجن عركوس (عرقوس)
أحي علي سيفو البجز الروس (البحد الروس)
ما دايرة لك الميتة أم رماداً شح
دايراك يوم لقا بي دميك تتوشح
الميت مسولب والعجاج يكتح
أحي علي سيفو البسوي التح

***
كوفيتك الخودة أم عصا بولاد
درعك في أم لهيب زي الشمس وقاد
سيفك من سقايتو استعجب الحداد
قارحك غير شكال ما بقربو الشداد
***
إن وردن بجيك في أول الواردات
مرناً مو نشيط إن قبلن شاردات
أسد بيشة المكربت قمزاتو متطابقات
وبرضع في ضرايع العنز الفارزات
***
يا بقة عقود السم
(يا جرعة عقود السم)
يا مقنع بنات جعل العزاز من جم
الخيل عركسن ما قال عدادن كم
فرتاك حافلن ملاي سروجن دم
( فرتاق حافلن ملاي سروجن دم

ماهو : طبعا اداة نفي بي لهجتنا السودانيه
الفافنوس : نبات رخو بينمو علي ضفاف النيل
الغليد : يعني الكبير وهنا مقصود بيها السمين
والبوص : جمع بوصه وهي القصبه الجوفاء
العركوس : يعني التجمع والكثره
طبعا أحي كنايه علي الندم
البجز الروس: جز الشي يعني قطعه من أعلي
الميته: الموت
ام رمادا شح : يعني الموته الساهله البقومو النسوان يكبو الرماد في رؤوسهم
يوم لقا : كنايه عن الحرب
بي دميك تتوشح : مخضب بالدم يعني تموت في الحرب ماموته ساكت
كوفيتك : هي الكوفيه البتتلبس في الراس
الخوده : يقصد بيها الخوذه
بولاد : يقصد بها فولاذ
ام لهيب : الحرب
وردن : أي الخيل حضرن
مرنا : المقصود بيها بطئ
المكربت : عندنا في السودان يعني الجري ودايما بتتقال للحصان أو الحمار)
قمزاتو متطابقات : خطواتو متطابقه
هو الفارس والحارس لي كل بنات قبيلة الجعليين وهي القبيل المشهوره بالفروسيه ورفض الظلم و( ما بترضي بالحقاره ) ولمن الخيل والفرسان يخشو ميدان المعركه مابيهمو عددهم كم ولا عتادهم شنو من شجاعتو وبيقوم يخش في نصهم لمن يفرتق لمتهم دي وما كده وبس يملا سروجهم دم ودي كنايه عن انو بيقتل الفرسان والخيل دي بترجع بي سروج مليانه دم وبدون فرسان .

شكراً شكراً ام امنية
وحقيقة الكابلى مطرب من الدرجة الاولى وكل الحانه جميله

الوان
25-01-2012, 08:55 AM
الشاعر عوض جبريل
الفنان عبد الله محمد


الحنين البي ليه ما قدروه
ما قدروا العمر من وين إشتروه
****
ضوق وقاسي الوحدة ياقلبي الرهيف
ياوليف الشوق بقيت فاقد الوليف
أن نساني وباع خلاص حبي الشريف
الكلام البينا كيفن ينكرو
****
الحنين البي من قلبي الأمين
من مشاعري السامية والريد الدفين
يا حبيب غرامي لو طال السنين
ما بتمر بخاطري لحظة تودرو
****
يازمان العشرة وين طيبت القلوب
وين أماني عمرنا والريد الطروب
دي المحبة البينا لو كانت ذنوب
الذنب في الريده ليه ما يغفروه
****

عبدالله التيت
13-02-2012, 07:46 PM
هدية يامهند لزوم العرس وكده
(لبن الطيور)
للشاعر محمد الحسن سالم حميد
الاداء ودالنصرى
http://www.youtube.com/watch?v=TiiD_JYAuc0

الوان
13-02-2012, 07:54 PM
هدية يامهند لزوم العرس وكده
(لبن الطيور)
للشاعر محمد الحسن سالم حميد
الاداء ودالنصرى
http://www.youtube.com/watch?v=tiid_jyauc0

الله يخليك شيخ عبد الله
ومن اوائل المدعوين انت ان شاء الله

الوان
19-03-2012, 09:58 PM
مسكينه المحبه
للاستاذ الشاعر الصادق الياس

راح زمــان كــــان ليك مكانه
وكنت أقرب منى لى
وفــجــــأة أتــغــيـــــــرت
انــت ورحت تتكبر على
يا ماطال صــبــرى وهديتك
وقلت يوم حالك تسيبه
مانفع فـيـــك الــتــوســـل
انـت زول برخص حبيبه
وابـتــديـت افـكــر لعـمــرى
الـحـق الـفـضـل اجيبه
لو ضميرك راضى سيبنى
قلبى رضيان بى نصيبه
قبل مـا تـغـــيــر دروبــك
كـنــا بنمـاسيـك نصابحك
رحت ترخص بى مقامنا
يلا بيعنا وشوف مصالحك
ما بنعاكـســك فـى طـريــقـك
بالعذاب ما بنصارحك
بالعملته انـت فــيــــــــنـــــــــا
الله يـا ظالم يسامحك
كم سـهـــرت اللــيل شقاوة
وسرت ليك مشوار يفتر
لو بـيـنـفـــع أو بـيـــشــفـــع
شــوقى فى دربك يخدر
كــم غــلطـت وشـوقى
سـامح تانى يوم القاك مقصر
والله مـســكــيـنـه الـمــحــبه
تمشى لى ناس ما بتقدر

والله مـســكــيـنـه الـمــحــبه
تمشى لى ناس ما بتقدر


اريتو عشاى اجى بى هنا

الوان
27-03-2012, 11:41 AM
الرسايل شعر / سيف الدين الدسوقي
غنـــاء / أحمد الجــابري

من طرف الحبيب جات أغرب رسائل
يحكي عتابه فيها وقال ناسينه قايل

******
ياما قال حكاوي ما خطرت ببالي
قال في كل كلمة إني جفيته سالي
لو في كل لحظة لو تعلم بحالي
ما ناسيك والله ذكراك شاغله بالي
لو أنساك إنت اكون غدّار وخنته
أسأل عني غيري واحكم في مصير
ياما تشوف دلائل

******
ياما قال كلام مالي دخل بيه
إني بروح لغيره بهوى وأصطفيه
إنشاء الله حياتي تفنى دا لو فكرت فيه
لا لا وألف لا لا دا حبك عشت بيه
بدل أشواق ومحنه ترسل لي مظنه
كلام يجرح شعوري وما يريح ضميري
من زول عنه سائل

الوان
27-03-2012, 12:21 PM
تاجوج / اشعار كجراى
غناء وردى

http://www.youtube.com/watch?feature=player_detailpage&v=LxsHY2pAyQM#t=60s

الوان
25-04-2012, 01:05 PM
أسال كده قلبك عن حالي أسالو

وفيما انا انظر كدأبى الى السماء رايتها على درجة عالية من الصفاء,بعض النجوم تنتثر هنا وهناك منها الساكن ومنها ما يتلألأ , ليلة قمرية كأن نسيمها يتنزل من عل. هذا هو اللليل فى حضنه تتجلى عوالم من الأضواء موحية بحالة من الحلم السماوى .

يوم آخر من أيام حديقة العشاق ارى زوار الحديقة فى هدوء وجمال متميز, اخطف نظرة باتجاه صف الزهور فارى نداوتها وبريقها وكأتها تتشابى بتوق واستحياء الى السماء فى معرض لاثبات الجمال .

لوحة تفصيلية بديعة اخرى ادنو منها , قصيدتين, نقش فى الوجدان زهرتين من غرس اسماعيل يانعتين يبدوا عليهما خليطا من الألوان التعبيرية المدوية , الوان من لغة الطبيعة فى همسها عبر الأصفر والبنفسج حيث يزحف كل منهما نحو الأخر فى ذوبان مبين. هاتان الزهرتان هما سؤال , وبينى وبينك والأيام ,

يتناسق كل ذلك الأبداع والجمال بمعية الحضور فالكل تائه والكل آسر ومأسور ثم تسرى فى وجدانى موسيقى بينى وبينك والايام فتتراقص لها طبلات اذنى ثم يبدأ الجسد فى الحراك.

سألت العائد عن بينى وبينك والايام فقلت له :- كانت لنا ايام , قربتنا ايام ثم باعدت بيننا ايام هل كان هذا تصور اسماعيل حسن لبينى وبينك والايام؟

أجابنى قائلا :- انها المسافات, الزمن مسافات, تتغير المسافات ولا يتغير الحب المتعمق فينا , يتأصل يغور عميقا فى داخل المرء.

ثم اردف قائلا :- لا انا وولا انت تغيرنا فى دواخلنا بل كل الذى طرأ فهو غبار السنين العالق فى وجهى ووجهك ولم تغير المسافات ما بدواخلنا.

قلت له :- اسأل قلبك عن حالى اسألو



أسال كده قلبك عن حالي أسالو

تنبيك عن سوالك أشواقي
****
كده اسال عيونك يا اجمل حبيب
واسال لي خدودك براها بتجيب
في عيونك حياتي وفي لونك بغيب
****
قلبي الحباك أسالو
ما حب سواك أسالو
ما عاش لولاك أسالو
طول عمرو فداك أسالو
****
في حبك متيم والشوق ليك رسول
من قلبي بيجيك وما بيخشى العزول
وحولك يا حبيب يطوف وليك يزور

عنك وعني أسالو.. طهرك وفني أسالو
وما فجرت لحني وما غنيت نشيد
****
انا عايش عشانك يا أملي الوحيد ا
لو ما كان غرامك لحني وما كان صابني ريد
وما فجرت لحني وما غنيت نشيد
حسنك وفني أسالو عنك وعني أ سالو
*****
أنا ضقت السعاده وفا رقني الندم
قبلك كنت تايه وحياتي عدم
سلواى كان دموعي وسميري الالم
لكن يا حبيبي دنياى ابتسم
*****
حل ربيعي أسالو
قدت شموعي أسالو
وراحو دموعي أسالو



فرد قائلا ينبيك عن سؤالك اشواقى.
عندما ارجع لديوان ابى اسماعيل استصحب محمد وردى بكامل الاوركسترا وتطل صور عمى الفنان التشكيلى احمد عبد العال ومعه ابراهيم العوام , والا ستاذ عبد المطلب الفحل, كان مقامهم يطيب هناك, شعراء , ادباء وفنانون و تشكيليون ومبدعون من فى كل ضروب الحياة .

اذكر عندما كان محمد وردى يغنى بينى وبينك والايام وأسال قلبك عن حالى كنت دائما ارقص فى هاتين الاغنيتين ومنذ نعومة صغرى.

عندما اذهب للمزرعة دائما يكون بحوزتى جهاز تسجيل يحوى هاتين الاعنيتين وهما من احب الاغانى لقلب ابى و بيدأ الاستماع فى المزرعة ويتواصل بنا المسير باتجاه شاطىء النيل الازرق حيث نجلس على الرمال فنستغرق فى الاستماع.



حكى لى ابى اسماعيل عن الفترة التى كتب فيها هاتين الاغنيتين , حيث كانت فترة الافتراق بين ابى وامى , فكان انتاجا عاطفيا غزيرا تغزى من قصة الحب العنيفة بينهما وتفجر غديرا من الاغانى تماهى فيها كل العاشقين فى السودان , شهدت تلك الفترة قذائف ومشاكل بين الجيران بين اهل امى واهل ابى , فوجد العزال ارضا خصبة

فرد قائلا ينبيك عن سؤالك اشواقى.

عندما ارجع لديوان ابى اسماعيل استصحب محمد وردى بكامل الاوركسترا وتطل صور عمى الفنان التشكيلى احمد عبد العال ومعه ابراهيم العوام , والا ستاذ عبد المطلب الفحل, كان مقامهم يطيب هناك, شعراء , ادباء وفنانون و تشكيليون ومبدعون من فى كل ضروب الحياة .

اذكر عندما كان محمد وردى يغنى بينى وبينك والايام وأسال قلبك عن حالى كنت دائما ارقص فى هاتين الاغنيتين ومنذ نعومة صغرى.

عندما اذهب للمزرعة دائما يكون بحوزتى جهاز تسجيل يحوى هاتين الاعنيتين وهما من احب الاغانى لقلب ابى و بيدأ الاستماع فى المزرعة ويتواصل بنا المسير باتجاه شاطىء النيل الازرق حيث نجلس على الرمال فنستغرق فى الاستماع.



حكى لى ابى اسماعيل عن الفترة التى كتب فيها هاتين الاغنيتين , حيث كانت فترة الافتراق بين ابى وامى , فكان انتاجا عاطفيا غزيرا تغزى من قصة الحب العنيفة بينهما وتفجر غديرا من الاغانى تماهى فيها كل العاشقين فى السودان , شهدت تلك الفترة قذائف ومشاكل بين الجيران بين اهل امى واهل ابى , فوجد العزال ارضا خصبة

يطوفون بين العاشقين بحكاوى بعضا من القيل وبعضها تاجيج لنار الوجدان, اشعل العوازل نيران الاثارة فكانت مساهمة فى تاجيج العاطفة فتتوالى ردود الفعل دررا وابداعات.



بيني وبينك والايام قصة حب طويل

شيدنا ها با لامال والعشره النبياه

****

ديمه الناس تقرق وتمنعنا التلاقي

جمر البين يحرق ويزيد في اشتياقي

يا مسافر مشرق وين ايامكم حليله

*****

كانت في خيالي الحان في شعوري

اسرار المنه بتعذب ضميري

حلفتك بربك لو في الكيف تزوري

****

ان طالت ليالي وان جارت علينا

برضنا نحن انحن روح واحده بقينا

ومن قول العوازل سيبك ما علينا

_________________
منقووول

الوان
19-05-2012, 01:39 AM
وحياة ابتسامتك ياحبيبى وحياة عينيك
قلبى حاذرك ومن زمان سائل عليك
كلو لمسه فى خيالى عن جمالك هى فيك
قبل ماشوفك كنت فاكر الريد مستحيل
كنت هايم فى طريق خالى طوييل
لليلى دون الناس كللو ااهات وويل
تشهد الايام ويشهد الليل والنحيب
قلبى عاشق ودربى خالى من حبيب
قلبي عاشق ودربى خالى من حبيب
لكن يا حبيبي
من يوم ماشفتك قلبى للدنيا ابتسم
اشرقت دنياى وفارق دربى هم
فى انتظارك
ياحبيى رايح ارعاك بى حنانى
القى فى قربك سعادتى وانسى
تعذيبى وهوانى
يبغرو العشاق
من هوانا فرحة الريد والامانى
ياحبيبى عشت ليا وعشت ليك
هاك عهدى وهات ايديك
وحياة غرامى اهدى عمرى
وروحى ليك
انا روحى ليك

الوان
24-05-2012, 10:00 PM
يا ماري عند الأصيل
وحدك بشاطئ النيل
صدقني شكلك جميل

يا ماري أجمل مرور
بين المرح والسرور
ما بين أغاني الطيور
تسمع حفيفك زهور
مع النسيم العليل

صدقني إنك وسيم
وسيم وكلك شعور
أرق من النسيم
رشاقه وخفة روح
جبين دوام مطروح
لو شافك المجروح
يطيب ولو كان عليل

يا ماري وحدك تعال
تعال بكأس الوصال
أسقيني خمر الدلال
على مروج الظلال
وبين مجاري الزلال
أسمعني نغم الدلال
سحر الطبيعه الحلال
يزيد جمال دري

الوان
20-06-2012, 07:52 PM
http://www.youtube.com/watch?v=ozsv1sDAuGA&feature=player_embedded

الوان
28-08-2012, 04:40 PM
زهرة بخيلة
مدنى النخلى
*******
لو متلى هداك الحزن
او غاب حبيب عن موعدك
لو عشت افراحك سراب
وابت الظروف ما تسعدك
كان يوم عرفتى ضنى الجرح
جوايا وكتين افتقدك
يا زهرة بخلت بالاريج
الليلة مات فينى الاجيج
وفتر حنينى الكان زمان
************
عودت كالنوم فى العيون
وسهرت محزون ما بنوم
لو ليلى من بعدك حزين
العشتو جنبك كان هموم
لا بقيت انا الراجى السراب
لا الرامىاملو على الغيوم
الليلة مات فينى الاجيج
وفتر حنينى الكان زمان
************
ياما الترقب طال وزاد
والزاد مواعيد فى الخيال
والليلة فى درب السلامة
من الاسى وليل المحال
ارتحت من شوق الغمامة
الياما عانت ارتحال
الليلة مات فينى الاجيج
وفتر حنينى الكان زمان
************
جيتك معاى جانى الزمان
كل المشاعروالمنى
تقدر ترجع ليك خطاى
العايدة من درب الضنى
لا الشوق فتر فى ليل اساى
يقدر يعيد ليك الهنا
الليلة مات فينى الاجيج
وفتر حنينى الكان زمان

الوان
08-10-2012, 06:45 PM
طيبة

كل ماتباعد بينا عوارض
كل ما هواك يا طيبه مكنى
تلد الغربه القرب الواحد
وبيكى أسمى الشوق وأكنى
لما أفوتك من دون خاطر
أو دون خاطر مني تفوتي
بلقي حبايب في كل حته
وكل بيوت الفقرا بيوتي
لا غيرت وراك الجته
لا بدلت ملامح صوتى
لا غافلنى وهادن فني
غامل المدن الما عرفتني
تبن الشوق الصبرو مصوبر
للأرياف الكم وفتني
وللأطفال الناشفه ضلوعها
ونازفه بغني
أهدي دموعها وأطمن روعها
بي بسمة بكره الماها تمني
ولا مصنوعه...
أغني لشعبي ومين يمنعني
أغني لقلبي اذا لوعني
مخير دربي الما رجعني
اذا طلعني نخلة القرب
ولا الغربه الكدروميه
تنزل غنوتي بي قمريه
أو وقعني في بطن الجب
بطلع يوسف بالأغنيه
أغني الناس المابتسمعني
المني بعيده..المبعده عني
النادى نشيدها وكنت المعني
الايدي في ايدها
وإيدا بتبني
في دنيا جديده..اليوم راح تدني
وأريت غنواتي في ناس شغاله
تكون سنداله..وعود طوريه
ضراع رجاله..
كتاب أطفالها..وجملة بالها الما مكريه
بقة فالا..وسدت مالا..
في ليلة الدخله علي أسمي قضيه
حبيبة قلبي يا سودانيه..
يا أسمي معاني..
في زول بيعاني..
يا ود ضكران..
يا بت دغريه..
وأنا إن سامعاني
فضَلت أغاني غبش فقريه
وروح غانياني
حويتك منك يا دافعاني..
براحة إيديا كما الأشواق..
وياجابداني برفق عليا
وما بتحير بين الفوق..
وبين الناس التحتانيه
الا مغيَر.. ولاعقوق..
ولاكفيف الإنسانيه
ومنك وين ياكاشفه عينيا
بنور الإلفه ضيا الحنيه
وحلم العالم ناس تتسالم
والبني آدم صافي النيه
والأطفال الناشفه ضلوعها..
أطمَن روعها..
وتبدا تغني..غناوي البكره..
الكم مسموعه
حسيس طمباره مع نقاره
صفقة حاره.. وداره تغني
فيا حلتنا عليك ترابك
وإنت شبابك زينة الجنه..
أحلي عروس البلد اللتنا
ولا الغبش الرابه تهني
ولاهدير المدن التصحي..
وتمحي ظلام الحاصل عني..

الوان
13-11-2012, 06:40 PM
( يا عروس الروض )
..............
كلمات الشاعر اللبناني إلياس فرحات
ألحان فضل المولي زنقار
أداء زنقار و أبو داوود
[ وكنا نحسبها من أغنيات الحقيبة !! )
............................................
يا عروس الروض يا ذات الجناح ياحمامه
سافري مصحوبة عند الصباح بالسلامه
واذكري شوق محب ذا جراح وهيامه
يا عروس الروض يا ذات الجناح يا حمامه
سافري من قبل أن يشتد الهجير بالنزوحي
واسبحي ما بين أمواج الأثير مثل روحي
وإذا لاح لك الروض النضير فاستريحي
يا عروس الروض ياذات الجناح يا حمامه
رفرفي في روضه الافق الجميل وتغني
وانشدي محبوبكي عند الاصيل و تأني
فهي ان تسألك عن الصب العليل فهو عني
يا عروس الروض يا ذات الجناح يا حمامه
خبريها إن قلب المستهام ذاب وجدا
واسئليها كيف ذياك الغرام صار صدا
فغرامي لم يعد فيها غرام قد تعدا
يا عروس الروض ياذات الجناح يا حمامه
ذكريها في إويقات اللقاء والتصابي
يوم كنا كل صبح ومساء في اقترابي
حل بتذكار لي بعض الشفاء من عذابي
يا عروس الروض يا ذات الجناح يا حمامه
فإذا ابدت صدود أو جفا واعتسافا
فاتركيها إنها في ذا الوجود ستكافا
حين يأتيها زمان فتريد فتجافا
يا عروس الروض يا ذات الجناح يا حمامه
وإذا ما اظهرت عطفا ولينا واشتياقا
فاجعلي ما بيننا عهدا وثيقا واتفاقا
واخبريني رأيها أين يكون إن تلاقا
يا عروس الروض يا ذات الجناح يا حمامه
.................................................. .

عبدالله التيت
07-11-2013, 08:47 PM
http://geo-view.com/images/vv/medium/vv_041.jpg
http://www.youtube.com/watch?v=51uRAz2lh0c

محمد جعفر
07-11-2013, 08:58 PM
مهند سائر يا ود القبائل العريس سيروا ..
وعريسنا سائر لبت القبائل عجبنا ليه .. :smail:

ملاييييييين التبريكات والله .. وربنا يتمم ليهم على الف خير .. وعُقبال كل الشباب ..

:wrd:

محمد جعفر
07-11-2013, 09:02 PM
http://geo-view.com/images/vv/medium/vv_041.jpg


عُقباااااالك يا عبد الله ، وإن شاء الله يوم حِنتك .. :smail:

عبدالله التيت
07-11-2013, 09:10 PM
عُقباااااالك يا عبد الله ، وإن شاء الله يوم حِنتك
تعال بهناك عشان ما نخرب البوست
+
غايتو قصرنا مع مهند الليلة يوم حنتو وبُكرة العِرس

فى واحد لابت هنا

down:

http://wow.mrkzy.com/smiles/performings/7.gif

الوان
05-05-2014, 08:52 PM
نحييكم شيخ عبدالله ومحمد جعفر
وحنتكم كانت مااامنظر مثيلا

الوان
05-05-2014, 08:53 PM
مع هاشم مرغنى

حتى باقى العمر شيلو

اهديتك القلب المعـــــــذب
قلت لي ألمو بتزيلـــــــــــو
يبقى في وارف رموشك
فرحتو ولحظات مقيلـــــــــو
تبقى نورو تبقى فجـــرو
تمنع الدمعات يسيلـــــــــــو
هسى لو داير تسيبـــــــو
حتى باقي العمر شـــــيلـــــو

بي محنة الزول بيــــــــلوم
دمعة في الخدين بتجـــــري
كنت بأمل أنا في سماحـــة
الظروف فرقتنا بــــــــدري
إنت ما ريدي ومنـــــــــاي
كل لحظة بتضوي عمري
وكنت دايرك يا حبيـــــبي
لو مرة بي آلامي تــــــدري

في نهاية لومي ليـــــك
كنت بطمع تاني ترجـــــع
كنت راجي الدنيا تبســـــم
لينا في افراحــها تجمــــع
ما انت ما الزول المن عرفتو
طرفي ما اظن مـــــــرة دمع
وهسي لو داير تســـــــــــيبو
حتى باقي العمر شـــــــــيلو

الوان
05-05-2014, 08:56 PM
أنتي وأنا
انتي وانا
مــــن حقنـــا
نفرح نطير زي الفراش لمكان
بعيد ما زارو زولا قبلنــــا
نلملم عقاب الذكريات
لو الذكرى تاني تلمنا
ونبقى عشاق للابد
نشيل الغرام في دمنا
لا انتي تنســــيو لا انــا

انتي وانا عاشقين رهاف ساكنين
ضفاف شتل الاماني وحبنا
ومن حقنا نسكن في الكواكب
في قصر لى غيرنا ابدا ما انبنى
نسامر النجوم ويزورنا القمر
الحتى لو جافا الظهور ما بغبنا

ورجعنا تاني لقينا الصبر
كان اصلو مزروع عندنا
انتي ما روحي واماني والزول
الجميل الاصلو مخلوق مننا
وشنو الفضل ما بقيت
انا وباقي الحكاية المحزنة
انسان بريد عينيك كتير
عشق حكايتك وادمنا
ولما رحع خطوي ولقاك
بق يكره الغربة المريرة ويلعنا
وياربنا وياربنا العشناه من
ظلم الهوي ما يعيشو زولا بعدنا
وانتي ونا نبقى عشاق
للابد نشيل الغرام في دمنا
لا انتي تنسيو لا انا

الوان
19-05-2014, 11:09 PM
http://www.elafoon.net/board/up/download.php?img=9460

يعتبر الفنان عبد الدافع عثمان واحداً من أهم الأصوات الغنائية التي أثرت الوجدان السوداني وقدمت عطاء لا تخطئه العين، فهو من مواليد أم درمان حي العباسية في يوم الأربعاء21/12/1928م بمنزل آل قرع، وهو من البيوت التي عرفت بالعلم والدين والده كان تاجراً بسوق الموردة وإمام مسجد الإدارسة. درس بخلوة الشيخ الصلحي وحفظ القرآن مما كان له عظيم الأثر في طلاقة لسانه ومخارجه السليمة.
اهتمام التراث
تفتحت موهبة الفنان عبد الدافع عثمان منذ وقت مبكر وبدأت انطلاقته الفنية في مطلع العام 1945م ببعض الأغاني المصرية وأغاني الحماسة والتراث وفي ذلك الوقت أعجب به الراحل المقيم إبراهيم عبد الجليل وقام بتحفيظه أول عمل غنائي (أضيع أنا) وأطلق عليه لقب الكروان، وفي ذلك الوقت شجعه الشاعر مبارك المغربي والذي كان معجباً بصوته وشخصيته وقدم له عدداً كبيراً من الأغاني منها لحن الكروان، يا ملاكي، واعتذار، وهي من ألحان الفنان عبد الدافع عثمان نفسه بالإضافة إلى مرت الأيام والعديد من الأغاني والأناشيد، وخلال مسيرته لحن العديد من الأعمال الخاصة به.
انفتاح نحو الشعراء
تعامل الراحل عبد الدافع عثمان مع العديد من الشعراء منهم سيد عبد العزيز، عبد المنعم عبد الحي، محمد علي أبو قطاطي، وتاج السر عباس وإسماعيل خورشيد وتعامل مع عدد كبير من الملحنين على رأسهم عربي الصلحي وبرعي محمد دفع الله.
إجازة الصوت
أجاز الفنان عبد الدافع صوته بالإذاعة بأغنية الفنانة ليلى مراد هذا الغرام هذا الهنا والانسجام مع بعضنا، وكان الغناء في ذلك الوقت يتم بثه على الهواء دون أي تسجيل وقدم العديد من أغاني الحماسة، وقد سبقه من جيل الفنانين إبراهيم عبد الجليل وإبراهيم الكاشف وحسن عطية ومن أبناء جيله التاج مصطفى وعائشة الفلاتية ومهلة العبادية ومنى الخير.
ظهور بالإذاعة:
في يوم10/10/1945م تمت استضافته لأول مرة بالإذاعة القديمة على الهواء مباشرة وأيضاً في افتتاح الإذاعة الجديدة في العام 1958م وقدم عدداً من الأغاني من بينها أغنية يوم البحيرة للشاعر العراقي علي أحمد وهي أول أغنية يغنيها بالغة العربية الفصحى، وفازت بالجائزة الأولى في ذلك الوقت بعد ذلك قامت الإذاعة بتسجيل أغاني رواد الأغنية السودانية السابقة التي كان يتم بثها على الهواء مباشرة.
وقام بتقديم أغنية مرت الأيام التي فازت أيضاً بجائزة أفضل أغنية في الستينات.
مسيرة فاعلة:
خلال مسيرته الفنية شارك الفنان الراحل عبد الدافع عثمان في العديد من المناسبات الوطنية وتجول في معظم مدن السودان وساهم مساهمة فاعلة في المسرح القومي وتأسيس الإذاعة السودانية ونادي الربيع الرياضي وانتقل إلى الرفيق الأعلى في يوم الاثنين الموافق 25/1/2010م وشيع جثمانه الطاهر إلى مقابر حمد النيل.

الصيحة

الوان
19-05-2014, 11:24 PM
http://www.youtube.com/watch?v=NFpJbanL_CA

الوان
19-05-2014, 11:25 PM
:onlinelong:حالياً توجد فكرة لتطوير المكتبة بصورة افضل