مساحة للتعارف - العيلفون

علم الهدي مكي · 31-08-2009, 06:38 PM

الاخوة الاعضاء سلام من الله عليكم ورمضان كريم عليكم

لاحظنا جميعا" عدم معرفة بعضنا البعض في بعض الحالات وكثر السؤال

(منــــــــــو أنــــــــــــــت)؟

نرجوا في هذه المساحة ايراد الاسم الكامل (النسب) واللقب والحي

بالتفصيل زقاق زقاق (الازقة اختياري ان وجدت)

والمهنة ,مكان العمل ,الحالة الاجتماعية ,السكن

او اي معلومات تقرب المسافات للمعرفة .....

ولكم التحية

التعديل الأخير تم بواسطة علم الهدي مكي ; 19-10-2009 الساعة 12:12 AM

علم الهدي مكي · 31-08-2009, 06:43 PM

* علم الهدي مكي محمد مكي
* فريق وراء سابقا (حي الشاطئ حاليا")
بجوار كل من نادي المريخ مرورا" باأحمد مناع عمر الجاك بشير الطاهر غربا"
ومن الشرق زاوية المكاشفية
* متواجد حاليا" بالامارات العربية

التعديل الأخير تم بواسطة علم الهدي مكي ; 19-10-2009 الساعة 12:16 AM

تمتام · 31-08-2009, 09:34 PM

فكرة جميلة جدا بصراحة وأحييك أخوي علم الهدى
أحمد عبد العزيز عباس أحمد تمتام
فريق ورا عركي بخيت محمد والحواته أولاد حسن الأسطى أخوال الوالد
والوالد اصلا من أبو روف
مقيم في السعودية وأعمل بالسودان وزارة الصحة طبيب
وشكرا

علم الهدي مكي · 31-08-2009, 11:23 PM

حصل الشرف تمتام
وكدا الواحد يقول ليك تمتام وهو عارف منو تمتام
وفي انتظار البقية

الصديق السر · 01-09-2009, 12:25 AM

الاسم : الصديق السر علي
السكن : حي السلام - السوق
الاقامة : الدمام - السعودية
العمل : شركة درويش للتكييف

تخريمة

مشكور اخي علم علي هذا البوست التعريفي الجميل
والله لفتة منك حلوة
وتحياتي لاخينا الغالي علاء اكو
زميل دراستي وابن دفعتي
واين هو الان
ومنتظرين مشاركته
اخوك الضبانة الهلالية الصديق

احمد الحبر · 01-09-2009, 12:34 AM

اقتباس:

المشاركة الأصلية كتبت بواسطة تمتام

فكرة جميلة جدا بصراحة وأحييك أخوي علم الهدى
أحمد عبد العزيز عباس أحمد تمتام
فريق ورا عركي بخيت محمد والحواته أولاد حسن الأسطى أخوال الوالد
والوالد اصلا من أبو روف
مقيم في السعودية وأعمل بالسودان وزارة الصحة طبيب
وشكرا

ما تقول امي العازه عركي وخت نقطه واقفل السطر

__________________

{وجوهٌ يومئذٍ ناضرة الى ربها ناظرة}

مليووون صلاة على الحبيب رسول الله صلى الله عليه وسلم

....

ود المقابلي · 01-09-2009, 12:48 AM

بشكرك الاخ علم الهدي علي الفكرة الجميلة دي

ولي الشرف في ادراج اسمى في قاائمة التعااارف

الاسم : سفيان عمر محمد عركي المقاابلي
بالعيلفوون حى الشااطى حووش ود النص
مقيم

الدماام

لك التحية والتقدير مرة تانية اخوونا علم الهدي

التعديل الأخير تم بواسطة ود المقابلي ; 16-04-2010 الساعة 09:17 PM

احمد الحبر · 01-09-2009, 12:57 AM

مشكور يا علم على هذا البوست الرائع
أحمد الحبر أبوعركي
فريق وراااااااء
السعودية الرياض

__________________

{وجوهٌ يومئذٍ ناضرة الى ربها ناظرة}

مليووون صلاة على الحبيب رسول الله صلى الله عليه وسلم

....

احمد الحبر · 01-09-2009, 01:05 AM

اقتباس:

المشاركة الأصلية كتبت بواسطة ود المقابلي

بشكرك الاخ علم الهدي علي الفكرة الجميلة دي

ولي الشرف في ادراج اسمى في قاائمة التعااارف

الاسم : سفيان عمر محمد عركي المقاابلي
بالعيلفوون حى الشااطى حووش ود النص
مقيم بالدمام

الدماام

لك التحية والتقدير مرة تانية اخوونا علم الهدي

أهلين أبو النسب ..

__________________

{وجوهٌ يومئذٍ ناضرة الى ربها ناظرة}

مليووون صلاة على الحبيب رسول الله صلى الله عليه وسلم

....

ود المقابلي · 01-09-2009, 01:08 AM

اقتباس:

المشاركة الأصلية كتبت بواسطة احمد الحبر

أهلين أبو النسب ..
التعوووسيه دي حلووووووووووووه

ياا هلا والله نسيبنا و اخووونا احمد الحبر

ورمضان كريم وتصووموو وتفطرو علي خير

ما هى ولا شنو

التعديل الأخير تم بواسطة ود المقابلي ; 16-04-2010 الساعة 09:18 PM

علم الهدي مكي · 01-09-2009, 01:59 AM

نشكر كل من عرف عن نفسه
وفي انتظار البقية

تمتام · 01-09-2009, 04:01 AM

اقتباس:

المشاركة الأصلية كتبت بواسطة علم الهدي مكي

حصل الشرف تمتام
وكدا الواحد يقول ليك تمتام وهو عارف منو تمتام
وفي انتظار البقية

بالمناسبة يا علم ما قلت ليك بيتنا بجانب مقابر أم قحف وحاليا مستوصف الوالدين

أسامة شيخ إدريس · 01-09-2009, 09:27 AM

الفكرة رائعة يا علم
فعلا كدا الواحد بعرف الناس كلهم
وعلاء الدين اخوك يبقى دفعتنى وكنا بنزاكر فى بيتكم يا علم
اسامة محمد احمد شيخ إدريس قيامة
حى الصفا شمال مربع 3 وجنوب نادى الوفاق جوار مسجد سبيل الرشاد الجديد
متزوج وأب لطفلين (لينة وأحمد)
درست صحافة وأعمل حاليا على الماجستير فى الصحافة العلمية
اعمل سكرتير تحرير مجلة الحياة العلمية
مدير تحرير الموقع العلمى www.apsi.sd

__________________

علم الهدي مكي · 01-09-2009, 01:23 PM

ياتمتام طلعنا أولاد جيران والحمد لله
انا بتذكر الحتة دي يا اسامة لكن طشاش طشاش

ألاخ أسامة نبهنا لي حتة يمكن ان تضاف للتعريف وهي
_المراحل التعليمية ان وجدت؟
_الحالة الاجتماعية : عازب زينا كدا ,عامل فيها خاطب، خاطب، متزوج, مطلق, ارمل

mushaakis · 01-09-2009, 03:35 PM

الاسم: مهلب احمد بلة.

اللقب: مشاكس.

السكن السابق: : حي الشاطي منزل رقم ٢ مربع ٩٦ .

السكن الحالي: بحري - سر الهوي.

محل الاقامة: هولندا.

جدعة
-------------------

يا علم عمر الجاك جارك دة سموني علي ولدو المرحوم مهلب عمر الجاك وعثمان فارس اجدادي الطيبين لهم اطيب وارق التحاية

__________________

هلالاب والحمد الله.

علم الهدي مكي · 01-09-2009, 11:37 PM

الا رحم الله الاخ مهلب عمر الجاك وأسكنه فسيح جناته مع الصديقين والشهداء ورحم الله جميع أموات المسلمين.

نعم الاهل والنسب الاخ مهلب المشاكس
لقد تم حتي اصطياد قلة من أعضاء المنتدي وفي الانتظار البقية الباقية

منعم السيد · 01-09-2009, 11:53 PM

ود المقابلى يا رجل كيفك وكيف اخبارك طوله منك والله عامل شنو وين اخوك بالله فتره طويله منو

__________________

سأظـل دائمــاً أتقبــل رأي النــاقــد والحــاســد

فالأول يصــحح مـسـاري والثـانـي يـزيـد مـن إصـراري ..

(زمجر يا أسد صوت الضباع أزعجنا)

ود المقابلي · 02-09-2009, 12:12 AM

اقتباس:

المشاركة الأصلية كتبت بواسطة منعم السيد

ود المقابلى يا رجل كيفك وكيف اخبارك طوله منك والله عامل شنو وين اخوك بالله فتره طويله منو

حبيبنا منعم اخباااااااارك وبركة الشفناك بالنت طيب

انا موجود دوت كوم والله هنا في ksaفي الدماام الحبيبة
اخووي يا غاالي في لندن عسااك انت طيب والاهل والاخوااان

مهلب يا حبووب والله زمن مشااكس من انت في السودان وشكلو شاكست اكتر في هووولندا

واخوناا اسامة ربنا يخلي ليييك الشبااب ويخليك ليهم
وحبيبنا الدكتووور تمتام والله الذاكرة خبرة بعييد عنك بس بركة الشفناك معانا

مع شكري وتقديري ل علم الهدي
مع خااالص ودي للجميع

التعديل الأخير تم بواسطة ود المقابلي ; 16-04-2010 الساعة 09:48 PM

معتز الحمدنالابي · 02-09-2009, 12:19 AM

ده محل التعارف الناس قلبو ونسة امشوا الدردشة لسه لازلتم تجوطو في المنتدي هنا زكر الاسم والبيانات التعريفية فقط العايز تعارف وسلام شخصي يخصص ليهو بوست او الدردشة فوووووووووووووووق
والتحية للجميع الكلام ده ما قاصد شخص او شئ لكن الحقيقة عشان المنتدي يكون مرتب ومنظم ويقبل الاشادة من الجميع

مانديد نرجو حذف اي مشاركة غير تخص التعريف بالعضو وابدا بي حقتي ده والشكر للجميع

علم الهدي ما تقول حاجة

__________________

الصديق السر · 02-09-2009, 12:28 AM

اقتباس

المشاركة الأصلية كتبت بواسطة معتز الحمدنالابي

ده محل التعارف الناس قلبو ونسة امشوا الدردشة لسه لازلتم تجوطو في المنتدي هنا زكر الاسم والبيانات التعريفية فقط العايز تعارف وسلام شخصي يخصص ليهو بوست او الدردشة فوووووووووووووووق
والتحية للجميع الكلام ده ما قاصد شخص او شئ لكن الحقيقة عشان المنتدي يكون مرتب ومنظم ويقبل الاشادة من الجميع

مانديد نرجو حذف اي مشاركة غير تخص التعريف بالعضو وابدا بي حقتي ده والشكر للجميع

علم الهدي ما تقول حاجة

دا كلام تمام
اخي معتز
هذا البوست انحرف عن مساره
نرجو من الجميع الالتزام بمحتوي البوست فقط
يا اشراف نرجو نقل كل المشاركات الغير تعرفية

Addwali · 02-09-2009, 01:05 AM

بسم الله الرحمن الرحيم
بشكرك الاخ علم الهدي علي الفكرة
الجميلة دي
ولي الشرف في ادراج اسمى في قائمة التعاارف
العيلفوون حى الشااطى حووش ود النص

الاسم :يوسف عمر ابراهيم الدولي
الاقاامة: الاماراات العربية المتحدة
ابوظبي

ود الشريف · 02-09-2009, 02:31 AM

اخونا علم صاحب فكرة التعارف دى لفته حقيقة واختصار بارك الله فيك

امين الشريف صباحى
فريق وراء حى الشاطى حاليا
ومقيم بالصين
بيتا تيك لى خدمات الشحن

__________________

إن مرت الايام ولم تروني فهذه مشاركاتي فـتذكروني ، وان غبت ولم تجدوني أكون وقتها بحاجة للدعاء فادعولي

إنـي ابتليت بـأربع مـا سُلِّطوا.... إلا لشـدّة شقوتـي وعنـائي

ابليس والدنيا ونفسي والهوى...كيف الخلاص وكلهم أعدائي

بمـعية الرحــمن ونــهج حبيبـه ... أبــلغ بـإذن الله رجـــائي

أسامة شيخ إدريس · 02-09-2009, 09:28 AM

انا طبعا أخالف معتز وصديق السر تماما فى موضوع الحزف
على العكس
انا أرجو تثبيت البوست لأنو بيتيح فرصة التعارف أكثر للاعضاء
الشاتنق المعمول أعلى فى الصفحة الرئيسية فى رأى انو كئيب وجايط
انا شخصيا لا أستطيع التعامل بة كثيرا ربما لصغر حجم الخط أو ربما لتقارب أسماء المتحدثين مما يجعلك تبذل جهد كبير لتعرف من صاحب الجملة
أرى أن التواصل فى هذا البوست بة شئ من الحميمية
على فكرة بعض المنتديات التى تلجأ الى هذا النوع من الشاتنق غالبا ما تتجاهلة
اطالب بعدم حزف التعليقات فهى لا تضر أحدا بل تفيد أكثر
وأطالب بتثبيت البورست ليصبح تعارف وتعليقات لأنو من غير المقعول أجد فى المنتدى دفعة قديم وصديق فرقنا الزمن واشوفوا وامر وانادى عليهو فى الشاتنق وأتجاهلو لأنو التعليق ممنوع
ح القى نفسى وبتلقائية كبيرة صحت به
وييييييييييييييييييينك يااااااااااااااااااااااااااااااااااا حبيبنا مشتاقين
هذه التلقائية التى اقصدهاهى ملح الحياة
والتى يطالب معتز وصديق ببترها
انا أحتج واعترض وأطالب

__________________

معتز الحمدنالابي · 02-09-2009, 09:51 AM

اسامة اعتراضك مرفوض لأنه لو حاولت تجر موضوع تعريف البيانات للسلام والكلام عن الايام الخوالي بتجد مليون مشاركة كل الناس ديل اصدقاء وبنعرفهم يعني يا فلان وفلان لما تلقي خرج الموضوع عن مسارو بمعني انا لو حاولت البحث عن بيانات شخص واردت ان اعرف هو منو ابحث في 100 صفحة حتي اجده
اما اذا اردت السلام علي هذا الصديق فهناك بدائل كثيرة يمكن ان ترسل له في الخاص او الجماعي او تنشئ بوست اخر للونسة الدقاقة او تسمي الزكريات او الدردشة المباشرة فوق اذا تواجد في كثير من البدائل لكن نحن بنحب العكاس من صغار من زمن كنا في الروضة وماما لبستني الجزمة والشراب البنت قالو ليها اكتبي عربي كتبت حساب يعني ربونا علي الكجار والمعاكسة الاخ اسامة التعارف بالاسم والبيانات الشخصية بسهل عملية البحث عن اي شخص بالمنتدي ولك التحية....

__________________

أسامة شيخ إدريس · 02-09-2009, 10:10 AM

عفوا سيكون هذا هو الرد الاخير منى على هذا الموضووع
هو راى فى الآخر
لو انا كنت بعرف ايميل صديق السر من زمان ما كان اندهشت لمن لقيتو فى المنتدى يعنى المنتدى من باب التعارف دا هو البتيح لى اعرف الاميل والخاص والحاجات الانت بترى انها بدائل
لم اجد شخص واحد اتونس كلام فاضى حيث لم يتعدى مشاركة الاعضاء التحايا وقليل من الذكريات
ثم يا معتز اصلو المنتدى كلو انت عاملو للتعارف والصفحة دى بالذات اسمها إجتماعيات يعنى اتواصل موش اعرف واقعد افتش على المكان الممكن اتواصل فيهو مع صديقى اطلع من صفحة لى صفحة
يمكن تثبيت البوست دا اعلى
ما الذى يمنع الاندياح والذكريات والكلام الدقاق يا معتز
على الاقل نحن نتشارك الذكريات
تخريمة بسيطة يا معتز
أبداء الراى لا يعنى المشاكسة والمكاجرة والعناد لم يعرف عنى ذلك
تخريمة تانية
اختلاف الراى لا يفسد للود قضية
تخريمة أخيرة
أرجوان لا يكون راى مرفوضا من قبل شخص واحد فقط
وارجو من الباقين ابداء رايهم فأن غلب رأى الرفض فلكم ذلك

__________________

معتز الحمدنالابي · 02-09-2009, 10:20 AM

الاخ اسامة ما قلنا شئ في رايك ورايك علي العين والراس فقط نحن ردينا عليك ووضحت الحتة ده وانا ابرهن ليك انو في اعضاء نفس الكلام ده بكتبوا في حتة تانية مثلا انا كاتب موضوع عن الزواج تلقي دخل علي واحد وين يا فلان ليك وحشة وكده زي الونسة بتاعت المعرفة الفي البوست ده كلنا اندهشنا بي اخوان ومعارف قديمة جدا شوفناهم هنا ولسه بجي المزيد لكن بنراسلهم علي الرسائل الخاصة او ممكن ننشئ بوست للحتة ده وكلامك صحيح المنتدي كلو للتعارف لكن كل قسم خاص بي شئ معين حتي يكون المنتدي منسق ومرتب زي كل المنتديات الاخري وافضل كمان لما يدخل علينا غريب يستغرب ويفضل بينا عضو واغلب المنتديات بتجذب الناس بالنظام والترتيب في المشاركات والمشاركات الجديدة كمان نحن عايزين منتدانا ينقل منه لا ينقل اليه والمواهب كتيرة وانت احد اكبر المواهب في المنتدي مشاء الله عليك يعني يمكن تاتي بالجديد دوما عشان كده التنسيق واجب ومعاك عادي في النقاش ومافي ود انفصل عن القلب ولا مبة دائمة يمكن ان تزول فالجميع اخوة والنقاش مفتوح واعتبر كلامي اذا مس شئيا اخر مجرد راي لو خطا اصحح ولو صاح الحرية لكم للعمل به او ضده ولك التحية اسامة بدون تخريمات...

__________________

أسامة شيخ إدريس · 02-09-2009, 10:43 AM

شكرا يا معتز
اتمنى ان يثبت هذا البوسن ويكون مكان للتعارف والتلاقى والتعارف
كما ارجو من الاخوة الزملاء ان يدخلو هنا للتلاقى والتعارف والتحايا على ان يكون التعليق فى باقى المنتديات هادفا وبناء وخاليا من المهاترات والاسئلة الخاصة

وتخريمة يا معتز
صورتك احلى مليون مرة من صورة النميرى
وتحياتى لك فانت فعلا الدينامو المحرك لللمنتدى بدون مجاملة

__________________

منعم السيد · 02-09-2009, 11:02 AM

[

وتخريمة يا معتز
صورتك احلى مليون مرة من صورة النميرى
وتحياتى لك فانت فعلا الدينامو المحرك لللمنتدى بدون مجاملة[/quote]
اسامه اخوى الدينمو المحرك دى ما اختلفنا فيها لكن صورتو احسن من صورة نميرى وبمليون مره اديتها جك شويه اسامه وسعتها خالص (ولك كل الود والاحترام)

__________________

سأظـل دائمــاً أتقبــل رأي النــاقــد والحــاســد

فالأول يصــحح مـسـاري والثـانـي يـزيـد مـن إصـراري ..

(زمجر يا أسد صوت الضباع أزعجنا)

أسامة شيخ إدريس · 02-09-2009, 01:30 PM

شفت يا معتز واحد حاسد ظهر

__________________

ابومازن · 02-09-2009, 01:45 PM

الاخ علم الهدى جعلك الله علما للهدى وهاك البطاقة الشحصية :
محمد مضوي خوجلي محمد عركي
مواليد الحديبة 18-02-1955
الابتدائية : مدرسة أم قحف الآبتدائية 1962 ----1966
المتوسطة : مدرسة العيلفون المتوسطة 1966----1971
الثانوية : مدرسة الجيلي الثانوية 1971-----1974
الجامعة : جامعة الخرطوم كلية الهندسة المعمارية ----1974------1979
الحياة العملية
هيئة المواني البحرية -------- 1979------- 1982
شركة نجيب للمقاولات( السعودية ) 1982-----1994
شركة ناتل ( الشركة الوطنية للاتصالات ) 1994---1998
شركة تقنية الروابط ------ 1998 -------حتى تأريخه مدير عام الشركة
أخرى متزوج وأب لخمس اولاد واربعة بنات من زوجتين
أخرى لولا المعيشة أرقد فوق عنقريب في الحديبة و أخلف كراعي أخير من أكون في باريس
تحياتي وشكرا لكم ياعلم الهدى لأنك عرفتنا مع من نتواصل

التعديل الأخير تم بواسطة ابومازن ; 03-09-2009 الساعة 11:52 AM

علم الهدي مكي · 02-09-2009, 01:52 PM

ألامر متروك للقائمين علي أمر المنتدي فيما نشب من خلاف في وجهات النظر بين اسامة من جانب ومعتز والصديق من الجانب الاخر ,نرجو التوفيق ما بين هذا وذاك (مع النظر في موضوع التثبيت).

في النهاية يامعتز للان انا ما طلعت منك ب جملة مفيدة سوي أنك (معتز الحمدنالابي)
وبتحب النميري

معتز الحمدنالابي · 02-09-2009, 02:07 PM

وتخريمة يا معتز
صورتك احلى مليون مرة من صورة النميرى
وتحياتى لك فانت فعلا الدينامو المحرك لللمنتدى بدون مجاملة

شكرا ليك كتير يا اسامة لكن صورتي احلي من نميري لا والله ده اعترض عليها بالشكل العريض مكانة نميري ليس في الصورة فقط مكانتو في القمة في قلوب كل الشرفاء في قلوب كل الذين يحبون العدل والسودان في قلوب ملكتها العزة والشموخ وقوة الارادة والانتصار نميري رمز عالي كبير لا نقدر نوصفو ولا نقدر نتكلم عنه...

شكرا يا منعم علي اروع واحلي كلمات منك وكلامك صحيح

__________________

معتز الحمدنالابي · 02-09-2009, 02:13 PM

شكرا ليك علي الاطراء في المنتدى والمشاركات لكن برضو نميري ده بس ما تصلوا

__________________

mushaakis · 02-09-2009, 08:01 PM

اقتباس

المشاركة الأصلية كتبت بواسطة معتز الحمدنالابي

[b][font=arial][size=5][color=blue]الحقيقة عشان المنتدي يكون مرتب ومنظم

منتدي دة ولا دولاب الدايرو مرتب؟ ههههههههههههه

__________________

هلالاب والحمد الله.

ود منصور عمر · 02-09-2009, 11:06 PM

السلام عليكم ورحمة الله وبركاتة

الاسم مصعب منصور عمر حامد
اسكن حي الصفاء جوار قسم الشرطة
اعمامي محمد عمر حامد و عقيل عمر حامد و جعفر عمر حامد
مكان العمل : السعودية المدينة المنورة
ولكم الشكر يا اعز اهل والله
وشكر خاص لصاحب الفكرة علم الهدي مكي
لك التحية

التعديل الأخير تم بواسطة ود منصور عمر ; 02-09-2009 الساعة 11:11 PM

منعم السيد · 02-09-2009, 11:21 PM

اقتباس:

المشاركة الأصلية كتبت بواسطة mushaakis

منتدي دة ولا دولاب الدايرو مرتب؟ ههههههههههههه :ansmile03:

مشاكس دى شدييييييييييييييييييييييييييده منك وربنا ينصرنا يوم 11 قول امييييييييييييييين

__________________

سأظـل دائمــاً أتقبــل رأي النــاقــد والحــاســد

فالأول يصــحح مـسـاري والثـانـي يـزيـد مـن إصـراري ..

(زمجر يا أسد صوت الضباع أزعجنا)

منعم السيد · 02-09-2009, 11:23 PM

عبالمنعم السيد محمد الامين الارباب

المملكة العربيه السعودية (جديد لنج) حاليا

سابقا الامارات العربية المتحده

مهندس معمارى

حى الصفا(فرق قدام)

__________________

سأظـل دائمــاً أتقبــل رأي النــاقــد والحــاســد

فالأول يصــحح مـسـاري والثـانـي يـزيـد مـن إصـراري ..

(زمجر يا أسد صوت الضباع أزعجنا)

محمد عمر حامد · 03-09-2009, 12:19 AM

مشكور يا اخ علم وده النحنا بندور عليه تعارف
الاسم : محمد عمر حامد الفكي
السكن : حي الصفا جوار الشرطة (فريق قدام)
العمل : محاسب في شركة بجدة

__________________
محمد عمر حامد / أبو تامر

معتز الحمدنالابي · 03-09-2009, 12:44 AM

اقتباس:

المشاركة الأصلية كتبت بواسطة mushaakis

منتدي دة ولا دولاب الدايرو مرتب؟ ههههههههههههه

مشاكس وصفك بليغ وبديع كنت بفتش لي وصف ما لقيت انت ظبط الوصف لكن ما حددت الدولاليب انواع في للشباشب والجزم والعدة والملابس انت قاصد ياتو دولاب

__________________

ود المقابلي · 03-09-2009, 12:49 AM

الاعزاااء معتز و صديق
متعكم الله بالصحة والعاافية اعزائي واخوانى اختلاف الارااء لايفسد للود قضية هذا اولا
بس البوووست للتعاارف يعني ما بس اجي اقول انا فلان ود فلان نقطة سطر جديد لقيت منعم صديق ولقيت
علم صديق ما اعبر ليهم عن فرحتى ب وجوودهم معاااي في نفس البوست ما منطقى هذا
الكلام
هذا البووست اسمو تعاااااااارف وليس تعريف
التعارف يعني شي ممتد للاشخااص ولل تواااصل في تعميق التعريف بالنااس.
حبيبنا معتز معانااااه البحث عن شخص داخل المنتدي ما شي صعب
اذا افترضنا في 150شخص عرفو نفسهم
فقط بدون اي ونسة او دردشة بديهي عدد الصفحات توصل100مثلا في الحالة دي بتتوقف عن البحث عن الشخص الانت عاوزو في الصفحة 100 ما اظن ذلك
اذا انا عاوز شخص بعينو ممكن ستين وسيلة توااصل وتاني المنتدي لا يري تواجدي
فانا مع الاخ اسامة واسف علي الاطالة
والشكر ليكم و ل علم الهدي وكلم كل تقديري و احترامى